Revelation 21:4 - Bible Ni Thothup

⁴ Ma bayi n’ag urngin e lu’ u owcherad. Ma aram e dab ku unim’, ma dabki i kireban’uy, ma dab ku un yor, ma dab ku un amith. Ya tin kakrom ban’en e ke chuw.”

Revelation 21:4 Iomraidhean Croise

Psalms 144:4

Girdi’ e bod bbuchuth i nifeng; ni pi rran u pulwomad e bod bangi taglul’ ni be yan.

Isaiah 25:8

Ma SOMOL ni Th’abi Tolang e bayi kirebnag gelngin e yam’ ni manemus! Bayi faley e lu’ u owchen gubin e girdi’, me girdi’ rok ni yad ba yath u wan’ e fayleng ni ga’ngin ni ur gafgowgad riy e bayi museg. I SOMOL, e ir e be yog e pi thin ney.

Isaiah 30:19

Gimed e girdi’ ni gimed ma par u Jerusalem e bay mu pired ndab kum yorgad. Ya SOMOL e rib wurngan’, nap’an ni gimed ra yornag e ayuw ngak, ma ra fulweg taban e meybil romed.

Isaiah 35:10

Ma bay ra tawgad nga Jerusalem nike felan’rad, ni yad be tang ma yad be tolulnag e felfelan’. Ma bay ur pired ni yad be felfelan’ ndariy n’umngin nap’an, ndabki yib e kireban’ nge gafowan’ ngorad.

Isaiah 51:11

Pi’in mu lagrad ko gafgow e bay ra tawgad nga Jerusalem u fithik’ e felfelan’, yad be tang ma yad be garusnag e felfelan’. Bay ra pired ni yad ba felfelan’ ndariy n’umngin nap’an, ni ka ra pufgad ni urun ko kirban’ nge gafgowan’.

Isaiah 60:20

Pi rran ni i yib e gafgow ngom riy e bayi mus. I Gag SOMOL e bay gu mang tamilang ngom ni dariy n’umngin nap’an, Nib thil ko yal’ nge pul ni l’agruw ni bayi m’ay ram’en.

Isaiah 61:3

Mu gu pi’ e felfelan’, ngak e pi’in ni kar pired u Zion nike kireban’rad, nge yan nga luwan e kireban’ rorad. Ba tang ko ogmagaer e nge yan nga luwan e gafgowan’. Bay ra boded yuke gek’iy ni SOMOL e yung. Yad gubin ni bay rin’ed e n’en ni bfel’, mi ni pining e sorok ngak Got ko n’en ke rin’.

Jeremiah 31:12

Bay rabad ngar tang niged e felfelan’ u daken e burey ni Zion, miyad felfelan’ ko pi tow’ath rog ngorad, ni grain nge wayin nge gapgep ni olive, nge saf nge garbaw. Bay ra pired ni yad bod bangi milay’ ni bfel’ rogon ni yibe tarannag, ma aram e bayi yag ngorad gubin e tin ba t’uf rorad.

Jeremiah 31:13

Ma pi’in nrugod e bay ur churu’ gad ni kar felfelan’ gad, ma pumo’on, ni tin nib pagel nge tin ke pilibthir, e bay ra felfelan’ gad. Bay gu fal’eg lanin’rad mu gu pingeg e meyor ni yad be tay nge ngal’ ni felfelan’, ma kireban’ ni yad be tay e bay gu pingeg ko felfelan’.

Hosea 13:14

Dab gu ayuweg e pi girdi’ ney u pa’ e fayleng ko yam’ ara gu lagrad u gelngin e yam’. Gur fayleng ko yam’ mfek e riya’ rom i yib! Dabki kireban’ug ko pi girdi’ ney.

Matthew 24:35

Tharmiy nge fayleng e bay chuw, ma thin rog e ri dabi math bi’id.

1 Korinth 15:26

Ma bin th’abi tomur e to’ogor ni nge gel ngak e yam’.

1 Korinth 7:31

pi’in yad be ngongliy e tin nu fayleng ban’en e ngar pired ni dabi mang ir e nge m’on u wun’rad. Ya re fayleng ney ni bod rogon e chiney ni bay e dabi par, ya bayi chuw.

2 Korinth 5:17

Ngiyal’ nra ta’ab girdi’ be’ nge Kristus e aram e ngiyal’ nike mang fa’anem reb e girdi’ nib be’ech ni ka fin nsunumeg: bin kakrom i ir e ke chuw, ma bin nib be’ech i ir e ke yib i m’ug.

2 Korinth 6:17

Me ere yog Somol ni ga’ar: Thingar mu chuwgad rorad, ngam pithiged gimed rorad. Ma dariy ban’en ni ngu’um rin’ed ko n’en nib alit, ma aram e gimed ra yib ngog.

Hebrews 12:27

Re bugithin ney nike ga’ar, “ku bayay” e be dag nib tamilang ni tin ni sunumiy Got ban’en e bayi rurug nge chuweg, ma aram e tin nde rurug ban’en e bayi par.

2 Peter 3:10

Ya chirofen ni Rran rok Somol e bayi taw ni bod rogon ba moro’ro’. Chirofen nem e bay yan nga bayang lanelang ni be falgear lingan, ma urngin e tin ni bay u lanelang ban’en ni bayi yik’ nge kireb, ma fayleng nge urngin e tin bay riy e bayi chuw.

1 John 2:17

Re fayleng ney nge urngin ban’en ni bay riy ni be yim’ e girdi’ ni bochan e bayi m’ay; machane en nra rin’ e tin nib m’agan’ Got ngay e ra par nib fos ndariy n’umngin nap’an.

Revelation 20:13

Ma aram me pi’ e day e pi yam’ ni bay riy. Ma yam’ nge gin nma par e pi’in ni karm’ad riy e kur pi’ew e yam’ ni bay rorow. Ma yad urngin nni pufthinnagrad ni be yan u rogon e n’en ni ur ngongliyed.

Revelation 20:14

Mi nin’ e yam’ nge gin nma par e pi’in ni karm’ad riy ngalan fare lipath i nifiy. (Re lipath i nifiy nem e ireram fa bin l’agruw yay e yam’.)

Revelation 21:1

Ma aram mu gguy reb e tharmiy nge reb e fayleng nib be’ech. Fa bin som’on e tharmiy nge bin som’on e fayleng e yan ngabang, ma ku errogon e day ni chuw.

Revelation 22:3

Dariy ban’en nike kirebnag Got wa’athan ni yira pir’eg u lan e re binaw nem. Ma tagil’ Got nge fare Fak e Saf e bay i par u lan fare binaw, ma bay i liyor e pi tapigpig rok ngak.

Revelation 7:17

ya fare Fak e Saf ni bay u lulukngun i tagil’ e ir e bay i gafaliyrad ni bod e en nma gafaliy e saf, me pow’iyrad ko fapi alublub ni bay e ran ko yafos riy; ma bay n’ag Got e lu’ u owcherad.”