Revelation 21:3 - Bible Ni Thothup

³ Mu gu rung’ag ba lam ni ba ga’ ni be non u tagil’ Got ni be ga’ar, “Chiney e keb i par tafen Got nga fithik’ e girdi’! Bayi par rorad, ma bay ra manged girdi’en. Mi Got e bay i par rorad, mi ir e bayi mang Got rorad.

Revelation 21:3 Iomraidhean Croise

1 Kings 8:27

“Machane gur, rayag ni nge par Got u fayleng? Tharmiy ni ga’ngin e dab mu taw nga langgin, ere dabiyag ni ngam taw ngalan e re Tempel ney ni kug toy.

2 Kronicles 6:18

“Machane, Got, mog rayag rom ni ngarim par u roy u fayleng u fithik’ e pumo’on nge ppin? Mus ngalan e tharmiy ni ga’ngin ma dab mu taw nga langgin, ere bu uw rogon ma ga taw ngalan e re Tempel ney ni kug toy?

Exodus 25:8

Ma pi girdi’ nir e thingar ra ngongliyed ba Tent nib thothup ni tagal’ig, ya nge yag ni ug par u fithik’rad.

Exodus 29:45

Bay gu par u fithik’ e girdi’ nu Israel, ma bay gu mang Got rorad.

Isaiah 12:6

Urngin e girdi’ nma par u Zion e nge tolul ngalang me tang! Got nib thothup rok piyu Israel e ba sorok, mma par u fithik’ e girdi’ rok.”

Jeremiah 31:33

Ra taw ko ngiyal’nem, ma ba’aray e bin be’ech e m’ag ni bay gu ngongliy u thilmad e girdi’ nu Israel: bay gu tay e motochiyel rog nga lanin’rad mu gu yoloy ngalan ngorongorrad. Bay gu mang Got rorad, ma bay ra manged girdi’ rog.

Jeremiah 32:38

Ma aram e bay ra manged girdi’ rog, ma bay gu mang Got rorad.

Ezekiel 37:27

Bay ug par rorad u rom; nggu mang Got rorad miyad mang girdi’ rog.

Ezekiel 43:7

“Fak e girdi’, irera’ tagl’ig. Bay gu par u roy u fithik’ e girdi’ nu Israel nggu gagiyeg nagrad ni manemus. Dakriy reb e girdi’ nu Israel fa reb e pilung rorad ni ku ra m’ay nag fan fithingag nib thothup ngi i tayfan yug boch e got ara malang ko yam’ rok fapi pilung rorad nike yim’.

Ezekiel 48:35

N’umngin fa aningeg raba’ i rungrung u gubin e 10,080 e yard. Fithingan fare binaw e chiney i yan ngaram e ba’aray “I SOMOL E Bay U Roy!”

Zekariah 13:9

Bay gu sikengnag e tin kar mageygad, ma bay gu be’ech nagrad ni bod e silber ni yima be’ech nag ko nifiy. Bay gu sikeng nagrad ni bod ni yima sikengnag e gol. Ma aram e bay ra meybilgad ngog, mug fulweg taban e meybil rorad. Bay gog ngorad ni yad pi girdi’eg, ma bay roged ni Gag e Got rorad.”

Zekariah 8:8

bay gu fulwegrad u lan e ngek nge lan e ngal ngar pired u lan yu Jerusalem. Bay ra manged pi girdi’eg, ma bay gumang Got rorad, mug gagiyeg nagrad u fithik’ e yul’yul’ nge mat’aw.

John 1:14

Re Thin nem e yib i ngal’ nib girdi’ nge yib i par ngodad. Kad guyed fel’ngin nge feni gol nge feni yul’yul’. Ireray fel’ngin ni pi’ e Chitamngin ngak, ya kari maagirag rok.

John 14:23

Me fulweg Jesus ngak ni ga’ar, “En ni gub t’uf rok e ra fol ko thin rog. Ra t’uf rok e Chitamag, ma Chitamag nge gag e gamow ra yib ngak nggu pirew rok.

2 Korinth 6:16

Ra di’in me ta’reban’ e Tempel rok Got ko pi liyos nma meybil e pi’in ndar nanged Got ngay? Ya gadad e Tempel rok Got, ni Got ni be par nib fos! Ni bod rogon ni fa’ani keyog Got nike ga’ar: Bay gu wan gu par ngorad ngu’ug wan u fithik’rad, bay gu mang Got rorad, miyad mang girdi’eg.

2 Korinth 6:18

Ma bay gu mang chitamangimed, ma bay mmanged pifakag ni pumo’on nge ppin. Ara’ rogon e thin ni yog Somol ni Gubin ma Rayag Rok.

1 Thessalonika 3:11

I Got ni Chitamangidad nge Somol rodad i Jesus e ngar bingew e kanawo’ ngomad nggubad ngomed!

Hebrews 11:16

Machane reb e nam ni kabfel’ e ir e yad be nameg, ni aram e fare nam ni tharmiy. Ma aram e de tamra’ Got ni ngrogned ni ir e Got rorad, ni fan e ke ngongliy rogon bbinaw ni taferad.

Hebrews 8:10

Be ga’ar Somol, Ba’aray e re m’ag ni bay gu ngongliy u thilig nge girdi’ nu Israel u tomuren e pi rran nem: Bay gu tay e pi motochiyel rog nga fithik’ i lanin’rad, ma bay gu yoloy nga gum’ircha’rad. Bay gu mang Got rorad, ma bay ra manged e girdi’ rog.

Hebrews 8:2

Be ngongliy e maruwel ko Prist ni Th’abi Ga ko Gin Th’abi Thothup, ni aram e lan e bin riyul’ e tent ni Somol e ngongliy rogon, ma gathi girdi’ e ngongliy rogon.

Revelation 10:4

Ma nap’an nra nonod mu gu wan ni nggu yol. Machane mu gu rung’ag ba lam nike non u tharmiy ni ga’ar, “Mu tay nib mith e tin keyog fa medlip i dirra’; dab mu yoloy!”

Revelation 10:8

Ma fare lam ni gu rung’ag laman ni be non u tharmiy e ki non ngog bayay ni be ga’ar, “Mman mu fek fare gi babyor ni kan pithig ni bay u pa’ fare engel nib sak’iy nga daken e day nge binaw.”

Revelation 12:10

Mu gu rung’ag ba lam ni ba ga’ u lan e tharmiy ni be ga’ar, “Ke taw ngal’an ni nge thapeg Got e girdi’ ngak! Chiney e ke dag Got gelngin ni ir e Pilung! Chiney e ke dag e Messiah rok gelngin! Ya fa’anem nma egnag pi walagdad nma yib i sak’iy nga p’eowchen Got ngi i thibthibnagrad ni rran nge neap’ e ka nin’ nga wuru’ e tharmiy.

Revelation 21:7

En nra gel nde pag ir ko kireb e ba’aray e n’en gu ra pi’ ngak: gu ra mang Got rok, ma gu ra fakay.

Revelation 22:3

Dariy ban’en nike kirebnag Got wa’athan ni yira pir’eg u lan e re binaw nem. Ma tagil’ Got nge fare Fak e Saf e bay i par u lan fare binaw, ma bay i liyor e pi tapigpig rok ngak.

Revelation 7:15

Aram fan ni kar sak’iygad u m’on u tagil’ Got ni yad be pigpig ngak ni rran nge neap’ u lan e Tempel rok. Fa en ke par nga tagil’ e ir e ke yororiyrad ni dabi buch ban’en rorad ni bochan e bay rorad.