Revelation 2:16 - Bible Ni Thothup

¹⁶ Ere mpi’ keru’um ko denen ni ga be rin’! Ya fa’anra danga’ ma dabki n’uw nap’an mu gub ngom mu gu maruwel ko fare saydon ni bay u l’ugunag nggu cham ngak e pi girdi’ nir.

Revelation 2:16 Iomraidhean Croise

Isaiah 11:4

ra pithig e oloboch rok e pi’in gafgow nrogon nib mat’aw me n’ufeg mat’wun e pi’in dariy ban’en nrayag rorad. Yug ra pag lungun min gechignag e pi nam, me yim’ e pi’in kireb.

Isaiah 49:2

Me gagiyegnag e thin rog nge bod feni m’uth ba saydon; me yororiyeg nga pa’. Me ngongliyeg ni gu bod ba gan e gat’ing nib m’uth nrayag ni ngan maruwel ngay.

Efesus 6:17

Mi gimed fek kanawo’en nma thap e girdi’ ngak Got nge mang helmet romed, ma thin rok Got e nge mang saydon nike pi’ fare Kan Nthothup ngomed.

2 Thessalonika 2:8

Ma aram e bay m’ug Fa’anem nib Kireb, mi Somol Jesus e bayi pag athon l’ugun ngak nge li’ ngem’ me kirebnag nga ram’en nib galgal ko ngiyal’ nra yib riy.

Revelation 1:16

Ma bay medlip i t’uf u lan e ba’ ni mat’aw i pa’, me m’ug ba saydon u l’ugun ni l’agruw raba’ ma mm’uth. Ma owchen e bod owchen e yal’ ni misiw’.

Revelation 16:9

Me yik’ e girdi’ nga gowelngin nib gel, miyad yog e thin nib kireb nib togopluw nga fithingan Got, ni ir e be tay murung’agen e pi gafgow ney; machane dar pi’ed keru’rad ko denen ni yad be rin’ ngrogned e sorok ngak Got.

Revelation 19:15

Me yib ba saydon u lan l’ugun nib m’uth, ni ir e nge maruwel ngay nge gel ngak e pi nam. Bay mang ir e i gagiyeg nagrad nga ba ley i wasey, ma bayi uduy e grape u lan fare n’en nma uduy e grape u lan, ni aram e damumuw rok Got ni Gubin ma Rayag Rok.

Revelation 19:21

Ma salthaw rorow e li’rad fare saydon ni fa’ani yib u lan l’ugun fa’anem nike af nga daken fare os; ma urngin e arche’ nra longuyed urngin e tin nrayag ni ngar longuyed ko ufin u dowrad.

Revelation 2:12

“Mu yol ngak fare engel ko galesiya nu Pergamum ni nge lungum: “Ba’aray e thin nike pi’ fa’anem ni ir e bay fare saydon rok ni ruw raba’ ma mm’uth.

Revelation 2:5

Mu leamnag n’umngin yang e gin ni kam mul riy! Mpi’ keru’um ko denen ni ga be rin’ ngam rin’ e n’en ni um rin’ ko som’on. Fa’anra dab mpi’ keru’um ko denen ni ga be rin’ ma bay gub ngom nggu chuweg fare ley i tagil’ e magal rom u tagil’.

Revelation 22:20

En ni ir e ke weliy e pin’ey ni urngin e ke ga’ar, “Riyul’! Dabki n’uw nap’an mu gub!” Nge par riy ni bod ni kamog. Moy, Somol Jesus!

Revelation 22:7

Me ga’ar Jesus, “Mu telim! Dabki n’uw nap’an mu gub! Ma pi’in yad be fol ko pi thin ney, ni bay u lan e re ke babyor ney, ni be yog e tin ni bay ngam’on ni bay fini m’ug e yad ra felan’!”

Revelation 3:19

Gu ma puwan’ ma gu ma gechignag urngin e pi’in yad ba t’uf rog. Ere mu tiyan’um ngam pi’ keruum ko denen ni ga be rin’.