Revelation 19:1 - Bible Ni Thothup

¹ Gu rung’ag laman e girdi’ ni pire’ u tharmiy ni yad be non ni ba ga’ lamrad ni be lungurad, “Ke sorok Got ma ke magaer! Ya kanawo’en min thap ngak, nge fla’ab, nge gelngiy nib th’abi gel e bmil suwon ngak e Got rodad!

Revelation 19:1 Iomraidhean Croise

1 Kronicles 29:11

Ba gil bugwam ma ga ba gel, mab sorom, ma dariy thibngim ma gil’ilungum e ba polo’ u fayleng. Gubin ban’en nu tharmiy ngu fayleng ni go’ tirom, me gur e pilung, tagagiyeg ni th’abi tolang u gubin e gagiyeg.

Psalms 104:35

Mang e yugun nthang mit urngin e pi tadenen nu fayleng; mang e math mit e pi’in kireb! Lanin’ug, mu pining e sorok ngak SOMOL! Mu pining e sorok ngak SOMOL!

Psalms 106:1

Ngan pining e sorok ngak SOMOL! Ngan pining e magaer ngak SOMOL, ni bochan e ba manigil; t’ufeg rok e ba manemus.

Psalms 111:1

Ngan pining e Sorok ngak SOMOL! U polo’ i gumircha’eg e nggu pining e magaer riy ngak SOMOL u lan e mu’ulung ko girdi’ rok.

Psalms 115:18

Machane gadad, ni gadad bafos, e bay ud pininged e magaer ngak e chiney i yan nga m’on ndariy n’umngin nap’an. Ke sorok SOMOL!

Psalms 146:1

Ngan pining e sorok ngak SOMOL! Lanin’ug, mu pining e sorok ngak SOMOL!

Psalms 148:1

Ngu’un pining e sorok ngak SOMOL! Ngu’um pininged u tharmiy e sorok ngak SOMOL, ni gimed e pi’in gimed be par u tharmiy nib tolang ngalang!

Psalms 149:1

Ke sorok SOMOL! Nga non’ reb e tang nib be’ech ngak SOMOL; ngan pining e sorok ngak u lan e mu’ulung ko girdi’ rok nib yul’yul’!

Psalms 150:1

Ngu’un pining e sorok ngak SOMOL! Ngu’un pining e sorok ngak Got u lan e Tempel rok! Ngu’un pining e sorok nga gelngin u tharmiy!

Psalms 3:8

Gel ni yima tay e ma yib rok SOMOL— mang e yigi fal’eg wa’athan e girdi’ rok.

Psalms 62:11

Ke yo’oryay ni kug rung’ag nike yog Got ni gelngiy e bmilfan ngak,

Jeremiah 51:48

Gubin e ban’en u daken e fayleng ngu lanelang e bay ra tolul niged e felfelan’ ko ngiyal nra aw yu Babylon nga pa’ e girdi’ ko lel’och ni karbad ni ngar kireb niged.

Jonah 2:9

Machane bay gu tang nigem ni gu be pining e sorok ngom; ma bay gu li’ ba gamanman nggu pi’ ngom ni maligach, tin ni kug weliy ngom e bay gu rin’. I SOMOL e ma yib e ayuw rok!”

Matthew 6:13

Dab mfekmad i yan ko sikeng nib mo’maw’, machane ngam ayuwegmad rok Fa’anem nib Kireb.’

Revelation 11:15

Me thoy fa bin medlip e engel e rappa rok, me yan lamay ni ba ga’ u lan e tharmiy ni be lunguy, “Ke yib gelngin Somol rodad nge Messiah rok ni ngar gagiyegnigew e girdi’ nu fayleng, ma bayi gagiyegnag ndariy n’umngin nap’an!”

Revelation 12:10

Mu gu rung’ag ba lam ni ba ga’ u lan e tharmiy ni be ga’ar, “Ke taw ngal’an ni nge thapeg Got e girdi’ ngak! Chiney e ke dag Got gelngin ni ir e Pilung! Chiney e ke dag e Messiah rok gelngin! Ya fa’anem nma egnag pi walagdad nma yib i sak’iy nga p’eowchen Got ngi i thibthibnagrad ni rran nge neap’ e ka nin’ nga wuru’ e tharmiy.

Revelation 19:6

Ma aram mu gu rung’ag laman e girdi’ ni pire’ ni pire’, ni bod feni ga’ lingan ba lul’ ni ba ga’ ni beb i map’ u taban bangi war nib tolang ngalan e yibu’, ni bod feni ga’ lingan e dirra’. Mu gu rung’ag lamrad ni be lungurad, “Ngan pining e sorok ngak Got! Yi Somol, ni ir e Got rodad ni Gubin ma Rayag Rok e ir e Pilung!