Revelation 12:2 - Bible Ni Thothup

² Ni be n’en ni nge gargel, mi i yor ni ba ga’ laman ni bochan e amith nge gafgow nma yib ngak e gargel.

Revelation 12:2 Iomraidhean Croise

Isaiah 26:17

I gur SOMOL, e tapgin ma gamad yor ngalang ni bod be’ ni bpin ni nge gargel nma yor ngalang ko amith.

Isaiah 53:11

U tomuren ba yafos ni gafgow ma bay ki felfelan’ bayay; bayi nang ni gafgow ni i tay e de yan i aw nib m’ay fan. I ir e tapigpig rog nib mat’aw; ni rigub felan’ ngak, gechig rok e girdi’ ni pire’ e bayi gafgow u tanggin, me ngongliyrad ngar manged girdi’eg ni yad ba mat’aw.

Isaiah 54:1

Jerusalem um par ni bod be’ ni bpin ndariy e bitir rok. Machane chiney e rayag ni ngam tang ma ga be garusnag e felfelan’. Ya chiney e bayi yag e bitir ngom nib pire’ boch ngak be’ ni bpin ni der chuw figirngin u charen!

Isaiah 66:6

Motoyilgad! Nga ban’en nib ga’ lingan u lan e binaw, ni be yan lingan u lan e Tempel, ni aram lingan SOMOL ni be gechignag e pi to’ogor rok!

Mikah 4:9

Mang ni ga be gel’gel’ nib ga’ lamam? Mang ni ka mum’ ko amith ni bod be’ ni bpin ni be n’en ni nge gargel? Gur bochan e dariy e pilung rom, ma pi’in yad ma fonow nigem e karm’ad?

Mikah 5:3

Ere SOMOL e bayi pag e girdi’ rok nga pa’ e pi to’ogor rorad nge mada’ ko ngiyal’ ni fare pin ni nge gargel e ke gargeleg fak ni pumo’on. Ma aram e girdi’en e nam rok ni yad bay u reb e nam ni yad ba kalbus e bay ra sulod ngar cheaggad ngak e tirorad e girdi’.

Matthew 24:8

Urngin e pin’ey e bod e bin som’on e amith nma yib ngak be’ ni nge gargel.

John 16:21

Ra be n’en ni nge gargelnag be’ ni bpin reb e bitir me yib magaren ngak, ni bochan e re awa ni nge gafgow riy e ke taw, machane nap’an nra gargeleg fare tir me pag talin e gafgow nike tay, ya ke felfelan’ nike gargeleg reb e bitir nga fayleng.

Galatia 4:19

Pifakag ni gimed ba t’uf rog ni gimed girdi’en Kristus! Ke gaman e l’agruw yay ko yaney ni kug bod be’ ni bpin ni nge gargel, ireray e mit i amith nike yib ngog ni bochmed, ni bayi par rog nge yan i mada’ ko ngiyal’ nra bigimed ma ke sum rarogon Kristus nga fithik’.

Galatia 4:27

Ya be yog e babyor nib thothup ni be ga’ar: “Mu felfelan’, i gur e re pin nir ndawor mu gargelnag e bitir bi’id! Mu tolul ma ga non ni ba ga’ lamam ni kam felfelan’, ni gur e cha’ ndawor mu thamiy e amith ko gargel! Ya fare pin nn’ag e bayi yo’or e bitir rok ngak fare pin ni ka be par ko pumo’on rok.”

Revelation 12:4

Me girngiy ba guruy u dalip e guruy ko t’uf u lanelang nga p’ebuk’ nge yin’ nga daken e fayleng. Me sak’iy ngam’on rok fare pin, ni bochan e nga yigi gargel fare pin me longuy fak.