Psalms 96:6 - Bible Ni Thothup

⁶ Maluplup’ nga feni rir e ke liyeg’, feni sorok nge feni gamog e ke suguy e Tempel rok.

Psalms 96:6 Iomraidhean Croise

1 Kronicles 16:27

Malup’lup’ rok nge feni rir e ke liyeg, gel nge felfelan’ e ba suguy e Tempel rok.

Psalms 104:1

Lanin’ug, mpining e sorok ngak SOMOL! A SOMOL ni Got rog, rib sorom! Fanam rir nge fanam maluplup’ e kemang mad rom;

Psalms 19:1

Lan e lang e rib gagiyel ni be gilnag buguwan Got! Be m’ug riy e n’en ke rin’!

Psalms 27:4

Kug wenignag ta’a ban’en ngak SOMOL; ta’a ban’en e gu ba’adag, nggu par u lan e naun rok SOMOL u n’umngin nap’an e yafos rog, mu’ug ngat’ nga feni fel’ SOMOL, mu gog ngak ngi i pow’iyeg.

Psalms 29:9

Laman SOMOL e rurug e yuke gek’iy ni oak ma ke lufluf yuwan e gek’iy nga but’ ko ngiyal’ ni be tolul gubin e girdi’ u Tempel rok ni be lungurad, “Ke sorok Got!”

Psalms 50:2

Be mat ram’en Got u Zion, fare binaw ndariy thibngin ngaf ni fel’usun.

Psalms 63:5

Lanin’ug e bayi mur, me par nike manigil, bay gu tang nigem u fithik’ e felfelan’ ni gu be pining e sorok ngom.

Psalms 8:1

A SOMOL, ni gur e SOMOL romad, rogon feni gilbugwam e ka ni guy u gubin yang u fayleng! Rogon feni sorom e ke yan ke pag e yu thal i tharmiy ngalang;

Psalms 93:1

I SOMOL e ir e pilung! Ke yin’ nga daken ni bod e mad feni sorok nge feni gel gelngin. Ke tay e fayleng nga tagil’ be par nib mudugil ndabiyag ni ngan mithmitheg.

Hebrews 1:3

Ir e be galgal ram’en Got rok nrib galgal; i ir e ri ta’reb rogorow Got, me ir e be dunubiy e gin’en ni bay urngin ban’en u lanelang riy nib mu’un e fayleng ngay, ni be dunubiy ko thin rok nib gel gelngin. Tomuren nike be’echnag e girdi’ ko denen rorad me yan i par nga but’ u tharmiy u ba’ ni mat’aw rok Got, ni ir e Th’abi Tolang.