Psalms 95:1 - Bible Ni Thothup

¹ Mired, ngad pininged e sorok ngak SOMOL! Ngad tang niged Got u fithik’ e felfelan’, ya ir e be yororiydad!

Psalms 95:1 Iomraidhean Croise

2 Samuel 22:47

I SOMOL e be par nib fos! Nga ni pining e sorok ngak e en ni be yoror rog! Got e be’ nib gel ni be ayuweg e pogofan rog! Nga ni weliy ngak e girdi’ feni sorok!

1 Kronicles 16:9

Ngan tangnag e sorok ngak SOMOL; min weliy feni fel’ e pin’en ke rin’.

2 Kronicles 20:28

Nap’an ntaw gad ko fare binaw, miyad ay i salthaw ko fare Tempel u fithik’ i lingan e musik ko harp nge rappa.

Psalms 100:1

Fayleng ni ga’ngin, mu tangnaged SOMOL u fithik’ e felfelan’!

Psalms 101:1

Tang rog e murung’agen e yul’yul’ nge mat’aw, A SOMOL, gu be yin’ e re tangney ngom.

Psalms 107:15

Thingar ra pininged e magaer ngak SOMOL ni bochan e t’ufeg rok e dabimus, nge bochan e tin ni bfel’ nike rin’ ngorad.

Psalms 107:21

Thingar ra pininged e magaer ngak SOMOL ni bochan e t’ufeg rok e dabimus, nge bochan e tin ni bfel’ nike rin’ ngorad.

Psalms 107:8

Thingar ra pininged e magaer ngak SOMOL ni bochan e t’ufeg rok e dabimus, nge bochan e tin ni bfel’ nike rin’ ngorad!

Psalms 117:1

Urngin e pi nam, mu pininged e sorok ngak SOMOL! Gubin mit e girdi’, mu pininged e sorok ngak!

Psalms 118:1

Mu pininged e magaer ngak SOMOL, ya SOMOL e bfel’, ma t’ufeg rok e ba manemus.

Psalms 150:6

Gimed urngin e pin’en nib fos e ngam pininged e sorok ngak SOMOL! Ngu’un pining e sorok ngak SOMOL!

Psalms 18:47

Ma pi’ gelngig nggu gel ngak e pi to’ogor rog; ke tay e pi nam nga tan pa’ag

Psalms 34:3

Mu uned ngog ngad weliyed ngak e girdi’ feni sorok SOMOL; marod ngad pininged e sorok nga fithingan!

Psalms 66:8

Gubin e pi nam, mu pininged e sorok ngak e Got rodad; mu pininged e sorok ngak ngan rung’ag.

Psalms 81:1

Mu tolul niged e felfelan’ ngak Got nma n’ufegdad; mu tang niged e sorok ngak fare Got rok Jakob!

Psalms 89:26

Bayi ga’ar ngog, ‘I gur e chitamag nge Got rog; gur e yoror nge ta’ayuw rog.’

Exodus 15:1

Me yin’ Moses nge piyu Israel e re tang ni ba’aray ngak SOMOL: “Nggu tangnag SOMOL, ya gel nike tay e rib sorok riy; ke yin’ fapi os nge pi’in ni kar afgad nga daken nga maday.

Exodus 15:21

Me yin’ Miriam e re tang ni ba’aray ngorad, “Ngan tangnag SOMOL, ya gel nike tay e rib sorok riy; ke yin’ fapi os nge pi’in yad be yannag nga maday.”

Jeremiah 33:11

laman e felfelan’ nge garus nge laman e felfelan’ ko madnom ko m’agpa’. Ga ra rung’ag laman e girdi’ ni yad be tang ko ngiyal’ ni yad be fek e maligach ko ogmagaer ngalan e Tempel rog; bayi lungrad, ‘Ngan pining e magaer ngak SOMOL ni Gubin ma Rayag Rok, ni bochan e ba gol ma t’ufeg rok e dabimus.’ Bay gu fal’eg rogon e re nam ney ni bod rogon ko som’on. I Gag SOMOL e kugog e pi thin ney.”

Matthew 21:9

Ma fapi girdi’ ni pire’ ni pire’ ni yad bay ngam’on rok Jesus nge fapi girdi’ ni pire’ ni pire’ ni yad be lay u keru’ Jesus e ra tababgad ko tolul ni be lungurad, “Ke sorok Fak David! I Got e nge ayuweg e en ni ir e ke yib ni owchen Somol! Ke sorok Got!”

1 Korinth 10:4

ma yad gubin nra unumed fare ran ni yib ko fare war ni pi’ Got ni fa’an i un ngorad i yan, nre war nem e aram Kristus.

Efesus 5:19

Ra bigimed ma ngi i welthin ngak bigimed u fithik’ e tang ni thin rok Got ni bay ko Psalm, nge tang ni machib, nge tang ni murung’agen Got; um tang niged Somol ni gimed be yin’ e tang ni machib, nge tang ni thin rok Got ni bay ko Psalm, ni gimed be pining e sorok ngak u fithik’ i lanin’med.

Deuteronomy 32:15

“Girdi’ rok SOMOL e i pire’ ban’en rorad, machane ba gel e togopluw ni ur ted; ra sugsuggad ya pire’ e ggan ni yad be kay. Miyad pi’ keru’rad ngak Got ni ir e sunumiyrad, ma en ni ta’ayuw rorad nib gel gelngin e ra pi’ed keru’rad ngak.

Kolose 3:16

Thin ni ir e bth’ab feni fel’, ni weliy Kristus e thangri i par ni polo’ u lanin’med. Um filed ngomed ma gimed be fonow nagmed ngay u fithik’ e gonop. Umon’ed e tang ni thin rok Got ni bay ko Psalm, nge tang ni machib, nge tang ni murung’agen Got; um tang niged Got ni gimed be pining e magaer ngak Got u wun’med.

Revelation 14:3

ni kar sak’iygad ni yad ba sap nga tagil’ Got nge ngak fa aningeg i n’em ni yad ba fos nge pi’in pi’ilal, miyad yin’ ba tang nib be’ech ndariy be’ nra mit ngak ya kemus ni fare ra’ay nge aningeg i ragag nge aningeg i biyu’ i girdi’ ni kan biyuliyrad u fayleng e ke mit ngorad.

Revelation 15:3

ni yad be yin’ fare tang rok Moses, ni ir fare tapigpig rok Got, nge fare tang rok fare Fak e Saf, ni ga’ar: “Somol ni Got, ni Gubin ma Rayag Rok, rib sorom ngarogon feni fel’ e ngongol rom! Me gur e Pilung rok gubin e nam, rib mat’aw ma ba riyul’ e tirom e kanawo’!

Revelation 19:6

Ma aram mu gu rung’ag laman e girdi’ ni pire’ ni pire’, ni bod feni ga’ lingan ba lul’ ni ba ga’ ni beb i map’ u taban bangi war nib tolang ngalan e yibu’, ni bod feni ga’ lingan e dirra’. Mu gu rung’ag lamrad ni be lungurad, “Ngan pining e sorok ngak Got! Yi Somol, ni ir e Got rodad ni Gubin ma Rayag Rok e ir e Pilung!

Revelation 5:9

Miyad yin’ ba tang nib be’ech ni ga’ar: “I gur e bay rogom ni ngam fek fare gi babyor ni kan bachiy ngam guchthuy fapi hang riy. Ya nli’em nga mum’, ma racha’em ni map’ u kuruth e ir e mu chuw’iy e girdi’ ngay ni ngar manged girdi’en Got, ni girdi’ u urngin e ganong, nge thin, nge gubin mit e girdi’, nge nam.