Psalms 94:16 - Bible Ni Thothup

¹⁶ Mini’ e sak’iy ni pa’ag nge togopluw ko pi’in kireb? Mini’ e mang ngog ngug togopluwgow ngak e pi’in ma rin’ e kireb?

Psalms 94:16 Iomraidhean Croise

2 Kings 10:15

Miki yan Jehu bayay, ni kabay u kanawo’ me mada’eg Jonadab nib mo’on ni fak Rekab. Me nang Jehu salpen me ga’ar ngak, “Gur nge gag e ta’reb rogon ni gadow ma leam. Mog, ga ra pi’ e ayuw ngog?” Me fulweg Jonadab ni ga’ar, “Gu ra pi’.” Me ga’ar Jehu, “Ere mu pi’ paam ngog.” Mar kolew pa’ row, me ayuweg Jehu i Jonadab nge yib ngalang nga langgin e chariot rok,

2 Kings 9:32

Me sap Jehu ngalang me tolul ni ga’ar, “Mini e bay u ba’ rog?” Ma l’agruw fa dalip e pi tolang ko salthaw nu lan fare naun rok e en pilung e ra sapgad ngak nga but’ u ba winda,

Nehemiah 5:7

mu gu turguy u wun’ug ni nggu rin’ ban’en. Mu gup’ e kireb rok e pi’in ma yog e thin nge pi tolang rok fapi girdi’ nga owcherad ni lungug, “Gimed be gafgownag e pi’in gimed!” Mu gog ngak e girdi’ ni gubin ni ngan mu’ulung ni fan ko re oloboch ney

Psalms 118:6

I SOMOL e bay rog, ere dab gu rus; mang e rayag ni rin’ be’ ngog?

Psalms 17:13

SOMOL, moy! Mu cham ko pi to’ogor rog ngam gel ngorad! Mu aywegeg ko saydon rom u pa’ e pi’in kireb;

Psalms 59:2

Mu chuwegeg u pa’ e pi’in kireb e leam rorad; ma ga lagneg u pa’ e pi tathang e pogofan nem!

Isaiah 59:16

Ke gin ngay nike guy ndariy be’ nra ayweg e pi’in kan gafgow nagrad, ma aram e bayi lagrad u gelngin me yan i aw ni ir e ke gel.

Isaiah 63:5

Ggin ngay ni gu sap ma dariy be’ ni nge ayuwegneg. Machane damumuw rog e gel nigeg mu gu gel ngorad.

Jeremiah 5:1

Gimed e girdi’ nu Jerusalem, mmilgad u daken e yupa’ i kanawo’! Mu changar gad u charmed! Mi gimed guy! Mu wirgiyed e yungin ni yima market riy! Ko gimed ra pir’eg ta’be’ nma rin’ e n’en nib mat’aw mma guy rogon ni ngi i par nib yul’yul’ ngak Got fa? Fa’anra gimed ra pir’eg, ma SOMOL e ra n’ag fan u wan’ e denen nu Jerusalem.

Ezekiel 22:30

Gu be changarnag be’ nrayag ni nge ubung bang i rungrung, nrayag ni nge sak’iy ko yungi n’en nike puth e rungrung riy me ayweg e nam ko ngiyal’ ni nge aw e damumuw rog ngay, machane dag pir’eg be’.

Numbers 10:35

Ma nap’an ni yira fek fare Kahol ko M’ag nni yan, me ga’ar Moses, “SOMOL, mu’un ngomad ngam wereg e pi to’ogor rom, ma ga gagiyegnag e pi’in ni fanenikarad gur ngar milgad!”

Matthew 12:30

“En ni gathi gamow ngabang e ri be togopluw ngog; ma en nder un ngog i kunukunuy e ri be wereg.

3 John 1:8

Ere gadad e pi’in girdi’en Kristus e thingar da ayuweged e pi girdi’ nem, ni aram e kad uned ko maruwel ni yad be ngongliy ni fan ko tin riyul’.

Judges 5:23

Be ga’ar fare engel rok SOMOL, “Mu bucheg wa’athan yu Meroz, mu bucheg wa’athan, mu bucheg wa’athan e pi’in yad be par u rom. Ya darbad ni ngar ayuweged SOMOL, ni ngarbad nrogon e salthaw ngar chamgad ni fan ngak.”