Psalms 92:5 - Bible Ni Thothup

⁵ SOMOL, rib th’ab feni fel’ e ngongol rom! Ma rib to’ar e tafnay rom!

Psalms 92:5 Iomraidhean Croise

Psalms 104:24

SOMOL, ri ba pire’ ban’en ni ka mu sunumiy! Ri gab gonop nga rogon ni mu sunumiy ni gubin! Ke sug e fayleng nga urngin e tin ka mu sunumiy!

Psalms 111:2

Rib th’ab feni fel’ e tin ma rin’ SOMOL! Gubin e pi’in kar felfelan’gad ngay e yad ba’ adag ni ngar nanged fan.

Psalms 139:17

A Got, rib mo’maw’ ni nggu nang fan e leam rom; ya pire’ ni bay!

Psalms 36:6

Fanam yal’uw e bod fini tolang e burey; ma fenam mat’aw e bod feni to’ar e rigur. Gur e ga ma chothowliy e girdi’ nge gamanman.

Psalms 40:5

SOMOL ni Got rog, pire’ ban’en ni yira ngat ngay ni kam ngongliy ni fan ngomad; dariy be’ ni bod gur! Bo’or ban’en ni bfel’ nike m’ay i leamnag rom ni fan ngomad. Dabyag ni gu ra weliy ni gubin, ya kayigi pire’.

Psalms 64:6

Yad ma t’ar liyben e tin kireb me lungurad, “Ri bfel’ rogon ni kad ta’red liyben e re kireb ney.” Rriyul’ ni laniyan’ nge tafnay rok e girdi’ e dab nnang fan.

Psalms 66:3

Mu ga’ar gad ngak Got, “Rib thum’ feni manigil e pin’en ni ga ma rin’! Gelngim e rib ga’, pi to’ogor rom e yad be siro’ u fithik’ e marus u p’eowchem.

Eklesiastes 7:24

Bu uw rogon me pir’eg be’ fan e yafos? Kay gi to’ar rodad, ma kaygi m’omaw’ ni ngan nangfan.

Isaiah 28:29

Gubin e pi gonop ney e ma yib rok SOMOL ni Gubin ma Rayag Rok. Tin ni tanomnag Got e go’ bfel’, ma urngin ngiyal’ mma yan i aw ni bfel’.

Jeremiah 23:20

Dabi m’ay nge yan i mada’ ko ngiyal’ nike mu’nag urngin e tin ke leamnag ni nge rin’. Tin bay e rran ni bay fini yib e bayi nang e girdi’ rok fan e pin’ey me tamilangan’rad riy.”

1 Korinth 2:10

Machane Got e ke dag ngodad u daken fare Kan ni Thothup rok e tin ni i tay nib mith. Ya Kan Nthothup e ma guy urngin ban’en, ni mus ko tin nda nnang ni kem’ay i leamnag rok Got.

Revelation 15:3

ni yad be yin’ fare tang rok Moses, ni ir fare tapigpig rok Got, nge fare tang rok fare Fak e Saf, ni ga’ar: “Somol ni Got, ni Gubin ma Rayag Rok, rib sorom ngarogon feni fel’ e ngongol rom! Me gur e Pilung rok gubin e nam, rib mat’aw ma ba riyul’ e tirom e kanawo’!