Psalms 92:10 - Bible Ni Thothup

¹⁰ Ka mu gel nigeg kug bod feni gel ba garbaw ni malboch; ma ka mu tow’ath nigeg ko felfelan’.

Psalms 92:10 Iomraidhean Croise

Psalms 101:8

Gubin e rran ni bay gu thirif u but’ e pi’in kireb u daken e but’ rodad; bay gu thurbeg urngin e pi’in kireb e leam rorad ngar chuwgad ko fare binaw rok SOMOL.

Psalms 112:9

Ba gol ngak e pi’in ke t’uf e ayuw rorad, ma feni gol e der ma thil; bayi gel gelngin ngu’un tayfan.

Psalms 125:5

Machane nap’an ni ga ra gechignag e pi’in kireb, mu kum gechignag boch e pi’in ka ra paged e pi kanawo’ rom. Nge par e gapas u lan yu Israel!

Psalms 132:17

U roy e bay gu gagiyegnag reb i owchen David riy nge mang reb e pilung ni ba ga’; u roy e bay gu tay riy nge par nib mudugil e gagiyeg ni nge tay e en ni kug turguy ni nge mang pilung.

Psalms 148:14

I ir e be gagiyegnag e birok e nam be par nib gel, ya nge urngin e tirok e girdi’ miyad pining e sorok ngak, ni piyu Israel, nri yad ba t’uf rok! Ngu’un pining e sorok ngak SOMOL!

Psalms 18:15

T’ay e regur e ke m’ug, ma pi enggin e fayleng e ke chuw e upong u daken, u nap’an e mu puwan’ ko pi to’ogor rom, SOMOL, ma ga tolul ngorad u fithik’ e damumuw.

Psalms 23:5

Ga ma ngongliy e mur ni fan ngog ko gin ra guyeg urngin e pi to’ogor rog riy; ga ma gapgep nigeg ya ga ma felan’ ngog ni ku gub, ga ma suguy e kap rog nge mada’ nga marichlen.

Psalms 45:7

bt’uf rom e n’en ni bfel’ ma dabum e n’en nib kireb. Aram fan ni Got, ni ir e Got rom, e ke mel’egem ke pu’og e felfelan’ ni yo’or nga dakenam ni dabi ta’reb rogon ngak boch e pilung.

Psalms 75:10

Ra buthug gelngin e pi’in kireb, machane gelngin e pi’in yad ba manigil e ra gel i yan.

Psalms 89:17

Ga ma gel nagmad ko pi cham; u fithik’ e t’ufeg rom ngomad e kam gel nagmad riy,

Psalms 89:24

Bay gu t’ufeg mu gu yul’yul’ ngak; bay gu tay ngi i gel ni gubin ngiyal’.

Numbers 23:22

I Got e ke fekrad nga wuru’ yu Egypt; Ma cham ni pa’rad ni bod rogon ba garbaw ni pumo’on nib damumuw.

Numbers 24:8

Got e fekrad nga wuru’ yu Egypt; me cham ni fan ngorad ni bod rogon ba garbaw ni pumo’on ni damumuw. Yad ma ful’ e pi to’ogor rorad, miyad bilbilig yilrad, miyad tet’ar gan e gat’ing rorad.

Luke 1:69

Ya ke pi’ be’ ke yib nib gel gelngin nrayag rok ni nge thapegdad ngak Got, ni be’ ni ir reb i owchen David ni tapigpig rok.

2 Korinth 1:21

Ya Got e ke ngongliymad nge gimed kad muduwgilgad ko wok rodad u fithik’ Kristus; i Got e ir e ke faldad ngabang,

1 John 2:20

Machane ke pi’ Kristus fare Kan Nthothup ngomed, aram fan ni gimed gubin ma kam nanged e n’en nib riyul’.

Judges 5:31

SOMOL, mange yigi yim’ urngin e pi to’ogor rom ni aram rogon, machane pi’in gab t’uf rorad e nge gal rama’erad ni bod e yal’ ni be yib ngalang! Ma aram me yib e gapas nga daken e nam ni aningeg i ragag e duw.

1 Samuel 2:1

Irera’ e meybil rok Hannah: “I SOMOL e ke suguy ngorongoreg ko felfelan’; kari gu felfelan’ ko tin ke rin’. Ku gu minmin ngak e pi to’ogor rog; ku gu felfelan’ ya ke ayuwegneg Got.

1 Samuel 2:10

Pi to’ogor rok SOMOL e bay ni thirifrad u but’; bayi par u tharmiy nge non ngorad ni gowa dirra’. I SOMOL e bayi pufthinnag e fayleng ni ga’ngin; bayi pi’ gelngin fare pilung ni ir e turguy, bayi gagiyegnag fare pilung ni mel’eg ngi i gel.”