Psalms 91:15 - Bible Ni Thothup

¹⁵ Nap’an ni yad ra non ngog mu gu fulweg lungurad; mra yib e oloboch ngorad, ma gu bay rorad. Gu ra chuwegrad u fithik’ nggu tolang nagrad.

Psalms 91:15 Iomraidhean Croise

BABYOR NI JOB 12:4

Mus ngak e pi tafager rog ma ku gu mang bmakak’ar ngorad; yad be minmin ngog, ni yug aram rogon ni gub mat’aw ni dariy thibngig; ma immoy bingyal’ nma fulweg Got taban e meybil rog.

BABYOR NI JOB 5:19

Gubin yay ni ir e ma ayuwegnem ni dabi buch ban’en rom;

Psalms 10:17

SOMOL, bay mmotoyil ko meybil rok e pi’in ba sobut’; bay mpi’ e athamgil nga lanin’rad.

Psalms 138:7

Nap’an nra ingeg e oloboch, ma ga yoror rog. Ga ma gad pa’am ngak e pi to’ogor rog ni kar damumuwgad mag ayuwegneg rorad nga ngelngim.

Psalms 18:15

T’ay e regur e ke m’ug, ma pi enggin e fayleng e ke chuw e upong u daken, u nap’an e mu puwan’ ko pi to’ogor rom, SOMOL, ma ga tolul ngorad u fithik’ e damumuw.

Psalms 23:4

Mus ni fa’anra ra yan e ra pa’ i wo’ nem u fithik’ e rumug ni yam’, ma dab gu tamdag, ya ga bay rog! Gul rom nge sog rom ni ga ma gafaliy e saf ngay e be yororiyeg.

Psalms 37:40

I SOMOL e ma ayuwegrad nge lufrad u pa’ e pi’in kireb, ni bochan e ranod ngak ni nge mang manaf rorad.

Psalms 50:15

Mu piningedgag ko ngiyal’ nra yib e oloboch; mu gu lufmed riy, ma bay mu pininged e sorok ngog.”

Isaiah 41:10

Dab mu tamdag, ya gu bay rom. I Gag e Got rom, dariy ban’en ni nga mu rus ngay. Bay gu gel nigem mu gu ayuwegnem; bay gu yoror rom mu gu ayuwegnem nga pa’ag nib gel.

Isaiah 58:9

Ma gimed ra meybil ngog, ma gu ra fulweg taban e meybil romed. Ma gimed ra piningeg mra lungug, ‘Gub aray.’ “Fa’an gimed ra taleg e gafgow ni gimed be tay ngak yugu boch e girdi’ nge moning nge urngin yu bugithin nib kireb ni be yib u l’ugunmed nga but’;

Isaiah 65:24

Ra dawor ra mu’gad ko meybil ngog, mu gu fulweg taban e meybil rorad.

Jeremiah 33:3

“Mu piningeg mu gu fulweg lungum; gu ra yog ngom boch ban’en nib manigil ma bfel’ ni damnang murung’agen.

Zekariah 13:9

Bay gu sikengnag e tin kar mageygad, ma bay gu be’ech nagrad ni bod e silber ni yima be’ech nag ko nifiy. Bay gu sikeng nagrad ni bod ni yima sikengnag e gol. Ma aram e bay ra meybilgad ngog, mug fulweg taban e meybil rorad. Bay gog ngorad ni yad pi girdi’eg, ma bay roged ni Gag e Got rorad.”

Matthew 28:20

mi gimed fil ngorad rogon ni ngu’ur folgad u gubin e tin kugog ngomed ni ngu’um rin’ed. Ma dab mpaged talin ni gubin ngiyal’ ma gu bay romed, nge yan i mada’ nga tomuren e fayleng.”

John 12:26

En ni ba’adag ni nge pigpig ngog e thangri un ngog, ya en ni tapigpig rog e bay i par rog ko gin ni gu bay riy. Ya Chitamag e ra tayfan e cha’ nma pigpig ngog.”

John 12:43

Ya kab t’uf rorad ni ngar fel’gad u laniyan’ e girdi’ ko bin ni ngar fel’gad u laniyan’ Got.

John 16:32

Bay ba ngiyal’ ni bay yib, nike taw e chiney, ni ireram e ngiyal’ ni bay mu wergad, nge bigimed me yan nga tafen, mi gimed pageg nggu par ni go’ gag. Machane gathi go’ gag ni bay gu wan gu par, ya en ni Chitamangiy e bay rog.

John 5:44

Gimed ba’adag ni nge bigimed me fel’ u wan’ bigimed, machane damur guyed rogon ni ngam fel’gad u wan’ e ta’are Got ni bay, ere ra di’in mu gu mich u wun’med?

2 Timothy 4:17

Machane Somol e par rog nge pi’ gelngig, nge yag ni gu weliy urngin e thin rok Got nge rung’ag urngin e pi’in gathi yad yu Israel; me Somol e ayuwegneg nda kug wan ngalan l’ugun e layon.

Hebrews 5:7

Nap’an ni immoy Jesus u roy u fayleng me meybil ni wenig ngak Got ni ba ga’ laman u fithik’ e lu’, ya ir e rayag rok ni nge tay Jesus ni dabi yim’. Ma bochan e ba sobut’ laniyan’ ma rib m’agan’ ngay ni ngi i fol rok Got, ma aram fan ni fulweg Got taban e meybil rok.

1 Peter 1:21

Nu daken Kristus e mich Got riy u wun’med, me Got e faseg ko yam’ nge pi’ e fla’ab ngak; ere michan’ nge pagan’ romed e kam dugliyed nga daken Got.

1 Peter 3:22

ni ir e ke yan nga tharmiy ke yan i par nga ba’ ni mat’aw rok Got, ni ir e be gagiyegnag urngin e engel nge pi’in yad bay u tharmiy ni yad be tay murung’agen ban’en nge pi’in yad be yog e thin.

1 Peter 5:4

Ya nge yib i m’ug e Cha’ ni ir Pilungen e pi’in yad ma gafaliy e saf me yag ngomed fare te’eliyaw ko fla’ab ni dabi math ram’en bi’id.

Revelation 3:21

Pi’in yad ra gel ndar paged yad ko kireb e gu ra pi’ mat’awrad ni ngar pired nga but’ u to’obeg u tagil’ig, ni bod rogon ni kug gel ngak e kireb, me ere chiney e kug par nga but’ u to’oben e Chitamag u tagil’.

1 Samuel 2:30

I gag, fare SOMOL ni Got rok piyu Israel, e gu micheg kakrom ni girdi’ nu tabinaw rom nge kerom e girdi’ e bay ur pigpiggad ngog ni prist ni gubin ngiyal’. Ere chiney e gu be yog ni dabki par riy ni aram rogon! Bay gu tay fan e pi’in yad be tay fag, ma bay gu darifannag e pi’in yad bfananikeg.