Psalms 9:19 - Bible Ni Thothup

¹⁹ SOMOL, mu sak’iy! Dab mu pag e girdi’ ngar feked yathim! Mfek e pi’in dammich u wan’rad nga p’eowchem nga mog e gechig rorad.

Psalms 9:19 Iomraidhean Croise

Genesis 32:28

Me ga’ar fare mo’on, “Dabki par fithingam ni Jakob. Kam fathael ngak Got nge ngak e girdi’, ma kam gel; ere nge par fithingam ni Israel.

2 Kronicles 14:11

Me meybil Asa ngak SOMOL ni Got rok ni ga’ar, “SOMOL, rayag rom ni ngam ayuweg barba’ i salthaw nib waer ni bod feni mom ni ngam ayuweg barba’ i salthaw nib gel. SOMOL ni Got romad mu ayuwegmad e chiney, ni bochan e gamad be gif ngom, mu daken fithingam e kugbad riy ni nggu chamgad ngak e re raba’ i salthaw ney nib ga’. SOMOL i gur e Got romad; dariy be’ nrayag rok ni nge gel ngom.”

Psalms 10:12

SOMOL, mu gechignag e pi girdi’ ni kireb nem! Dab mu pagtalin e pi’in yad be gafgow!

Psalms 149:7

ngar li’ed e pi nam miyad gechignag e girdi’;

Psalms 3:7

SOMOL, ni Got rog moy ngam ayuwegneg! Mu gechignag urngin e pi to’ogor rog, ngam pagrad nike m’ay gelingrad ni dabkiyag ni ngar maad’adgad ngog.

Psalms 44:23

Somol, mu od! Mangfan ni ga be mol? Are mu deg! Dab mu n’agmad ni dariy n’umngin nap’an!

Psalms 44:26

Moy mu aywegmad! Bochan fare t’ufeg rom ni dabimus ere nopa’am gamad!

Psalms 7:6

SOMOL, mu sak’iy u fithik’ e damumuw rom, mu togopluw ko damumuw rok e pi to’ogor rog, mu od ngam ayuwegneg. Tin nib mat’aw e ir e ga be ta’chiylen,

Psalms 79:6

Mu cheleg e damumuw rom nge sap ko pi nam ni darir liyorgad ngom, nge nga daken e girdi’ ni der meybil ngom.

Psalms 80:2

mu gagyel nigem ngak e pi ganong ko Efraim, Benjamin, nge Manasseh. Mu dag gelngim ngomad! moy ngam ayuwegmad!

Isaiah 51:9

SOMOL, mu’ od ngam aywegmad! Mu maruwel nga gelngim ngam aywegmad; mu maruwel ngay ni bod ni mu rin’ kakrom. I gur faram e mu theth’ab fare gamanman nu maday ni Rahab nge yochyang.

Jeremiah 10:25

Mu sapeg e damumuw rom ko pi nam ndarir liyor gad ngom nge nga daken e pi’in ni ka ra furyed gur. Kar li’ed e girdi’ rom; ma karted gamad ko bin but’ e fol ka ra paged e nam romad ni dakriy woton u but’.

Joel 3:12

“Pi nam e thingar ra fal’eged rogorad ngarbad ngalan e Loway ko Pufthin. I Gag SOMOL e bay gu par u rom nggu pufthinnag gubin e pi nam nib liyeg yu Israel.

Mikah 5:15

Mu fithik’ e damumuw rog nib gel e bay gu fulweg taban e kireb ngak e pi nam ndar folgad rog.”

Zefaniah 3:8

Me ga’ar SOMOL, “Ere yug muson, muson nag fare rran ni bay gu sak’iy nggu togopluw ko pi nam. Kug turguy u wun’ug ni nggu kunuy e pi nam nga ta’bang ya aram e nggu pagrad ngar thamiyed gelngin e damumuw rog. Ga’ngin e fayleng nra mogothgoth ko damumuw rog ni be mo’oruf.

Zekariah 14:18

Fa’anra siyeg piyu Egypt ni ngar madnom niged e Madnom ko Nochi Naun, ma aram e bayi aw fare liliy ngorad nma pi’ SOMOL nge yan ngak e pi nam ni yad ma siyeg ni ngar uned ko madnom.

Revelation 19:15

Me yib ba saydon u lan l’ugun nib m’uth, ni ir e nge maruwel ngay nge gel ngak e pi nam. Bay mang ir e i gagiyeg nagrad nga ba ley i wasey, ma bayi uduy e grape u lan fare n’en nma uduy e grape u lan, ni aram e damumuw rok Got ni Gubin ma Rayag Rok.

1 Samuel 2:9

“Girdi’ rok ni yad ba yul’yul’ ngak e ma ayuweg e pogofan rorad, ma pi’in kireb e yad ma m’ay ngabang u fithik’ e lumor; ya dabiyag ni nge gel be’ ko mael u gelngin.