Psalms 87:7 - Bible Ni Thothup

⁷ Yad ra churu’ miyad be tang ni be lungurad, “U Zion e ma yib urngin e tow’ath rok Got riy ngomad.”

Psalms 87:7 Iomraidhean Croise

2 Samuel 6:14

Me churu’ David nike musmus nga rogon ni be tay fan SOMOL, ni kemus ni bangi mad nib wech e bay u lukngun.

1 Kronicles 23:5

ma aningeg bbiyu’ e ba milfan e matnag ngorad, ma aningeg bbiyu’ e ngu’ur pininged e sorok ngak SOMOL ni yad be chubeg e pi talin e musik ni thagnag fare pilung ni fan ko biney e gam’ing.

Psalms 149:3

Mu churu’gad ni gimed be pining e sorok nga fithingan; mi gimed chubeg e drum nge harp ni gimed be pining e sorok ngak.

Psalms 36:9

I gur enggin gubin e yafos; ma bochan e tamilang rom ma gamad be guy e tamilang.

Psalms 46:4

Bay ba lul’ ni be fek e felfelan’ i yib ko fare binaw rok Got, ko fare naun nib thothup rok fa’anem ni ir e ba Th’abi Tolang.

Psalms 68:26

“Ngan pining e sorok ngak Got u lane mu’ulung ko girdi’ rok; mu pininged e sorok ngak SOMOL, gimed gubin e pi’in owchen Jakob!”

Isaiah 12:3

Ni bod rogon e ran ni be’ech nma yibnag e felfelan’ ko pi’in ke yim’ ko balel, e aram rogon e girdi’ rok Got nma felfelan’rad ko ngiyal’ nma aywegrad.”

Ezekiel 47:1

Fare mo’on e pow’iyeg nggu sulow nga langan e mab ko Tempel. Ma beyib e ran u tanggin e gin yima yan riy ngalan e Tempel be yan ni lul’ i yan ko ngek, ni aram e gin ba sap mit fare Tempel ngay. Fare ran e be yan ni lul’ u tanggin e ba’ ni yimuch ko fare Tempel ngeb i thumur u ba’ ni yimuch ko fare altar.

John 1:16

U fithik’ e fel’ laniyan’ rok nrib ga’ e ir e ke fal’eg waathdad riy ni gadad gubin ni be tow’ath nagdad nra chuw reb me taw reb.

John 4:10

Me fulweg Jesus ni ga’ar, “Fa’an mang e ga manang e n’en nma pi’ Got nge en ni be ning e ran ngom ni nge unum, ma kam wenig ngak ke pi’ e ran ngom nma pi’ e yafos.”

John 4:14

machane en nra unum e ran ni gu ra pi’ ngak e dabki sul e belel ngak bayay. Ya ran ni gu ra pi’ ngak e ra ngal’ ni ba alublub u fithik’ i dow, ni ir e bay i pi’ e ran ngak nma pi’ e yafos, me pi’ e yafos ngak ndariy n’umngin nap’an.”

James 1:17

Ya urngin e tin ni bfel’ ni be pi’ Got ngodad nge urngin e tow’ath nrib manigil ma be yib u tharmiy ngodad, ni be yib rok Got nga but’, ni ir e sunumiy urngin ban’en ni be gal ram’en u lanelang. Mi ir e der ma thil, ma der pi’ keru’ ngodad ngad pired u fithik’ e lumor.

Revelation 21:6

Me yog ni ga’ar, “Ke m’ay! I gag fare Alfa nge fare Omega, ni aram e tabolngin nge tungun. En nike yib e belel ngak e gu ra pi’ e ran ndariy puluwon ngak nge unum, ni ran ni yib ko fare alublub ni ran riy e ma pi’ e yafos.

Revelation 22:1

Miki dag fare engel ngog fare lul’ ni bay e ran ko yafos riy, ni be galgal ram’en ni bod e krystal, ni yib u tagil’ Got nge fare Fak e Saf,

Revelation 22:17

Fare Kan Nthothup nge fare pin ni nge mabgol e lungurow, “Moy!” Urngin e girdi’ ni yad ra rung’ag e re bugithin ney e thingar ki lungurad, “Moy!” Moy i gur e en nike yib e belel ngom; ngam fek fare ran ko yafos nib tow’ath ni yira pi’ ngak e en ni ba’adag ni nge yag ngak.