Psalms 86:1 - Bible Ni Thothup

¹ SOMOL, mu telim ngog, ngam fulweg lungug, ya dariy ban’en nrayag rog ma gub me’waer.

Psalms 86:1 Iomraidhean Croise

Psalms 10:14

Machane ga be guy; ga be yaliy e oloboch nge gafgow ma urngin ngiyal’ ni ka mu fal’eg rogom ni ngam pi’ e ayuw. Pi’in dabyag rorad ni ngar ayuwegedyad e ka ra pi’edyad nga pa’am; gubin ngiyal ni ga ma ayweg e pi’in ni ba t’uf e ayuw rorad.

Psalms 102:1

SOMOL, mu telim ko meybil rog, mu rung’ag lamag ni gu be yornag e ayuw!

Psalms 102:17

Bayi rung’ag laman e girdi’ rok nike n’agrad me motoyil ko meybil rorad.

Psalms 119:22

Mu pithigeg ko thin ni kireb nge moning rorad, ni bochan e gu ma tay e pi motochiyel rom u gil’.

Psalms 140:12

SOMOL, gumnang ni ga ma n’ufeg e pi gafgow ko oloboch rorad nge mat’wun e pi’in bt’uf e ayuw rorad.

Psalms 142:1

Gu pining SOMOL ni nge ayuwegneg; gu wenig ngak.

Psalms 17:6

A Got, gu be meybil ngom, ya ga ma fulweg taban e meybil rog; ere mu sap ngog ngam rung’ag e thin rog.

Psalms 25:16

Mu sap ngog, SOMOL, ngam runguyeg, ya ma’agirag gag ma kug gafgow.

Psalms 31:2

Mmotoyil ngog! Mu ayuwegneg e chiney! Mu mang manaf rog ngam ayuwegneg; mmang rungrung ngog ngam yororiyeg!

Psalms 34:6

Pi’in ndabiyag ni ngar ayuweged yad e yad ra non ngak, me fulweg lungrad; me chuwegrad u fithik’ urngin e gafgow nike yib ngorad.

Psalms 40:17

I gag e gub me’waer ndabiyag ni gu ayuwegneg, machane gur Somol e ga be leam nigeg. I gur e ta’ayuw rog ma Got rog, mu gur nag e ayuw rom ngog!

Isaiah 37:17

SOMOL chiney, e ngam motoyil ngomad ma ga yaliy e n’en ni yibe rin’ ngomad. Ma ga motoyil nga urngin e pin’en ni be yog Sennakerib ni be m’ay nagfam, gur fare Got ni ga be par ni gab fos.

Isaiah 66:2

I gag e gu sunumiy e fayleng nge lanelang ni ga’ngin! Bfel’ u wun’ug e pi’in nib sobut’an’rad ma kar pi’ed keru’rad ko kireb, ma yad be par ni bay madgug u wun’rad ma yad be fol rog.

Daniel 9:18

Got, mu telim ngomad; mu sap ngomad ngam guy e gafgow ni kug pired nga fithik’ nge gafgow nike tay fare binaw ni kan tunguy fithingam ngay. Gamad be meybil ngom ya ga ma runguy e girdi’, ma gathi bochan e kug rin’ed e tin nib mat’aw.

Matthew 5:3

“Nge felan’ e pi’in kar pir’eged u lanin’rad ni kar gafgowgad ndabisiy ni nge yag Got ngorad, ya gagiyeg nu tharmiy e ke thap ngorad!

Luke 4:18

“Fare Kan ni Thothup rok Somol e ke yib nga dakenag. Ke gapgep nigeg ni nggu machibnag e Thin Ni Bfel’ ngak e pi’in gafgow, ke l’oegeg ni nggog ngak e pi’in kan kolrad kan tayrad ni bay ni pagrad, mu gog ngak e pi’in malmit ni bay ra guyed ban’en, ma nggu chuweg ko gafgow e pi’in yibe gafgow nagrad,

James 2:5

Pi walageg ni girdi’en Kristus, mu telmed ngog! I Got e ke mel’eg e girdi’ ni gafgow u roy u fayleng ni ngari gel e michan’ rorad ngak Got ngu’ur pired nib pagan’rad ngak me yag ngorad e gin nsuwon Got ni yog nra pi’ ngak e pi’in nib t’uf Got rorad.