Psalms 84:11 - Bible Ni Thothup

¹¹ I SOMOL e ir e yoror rodad, me ir ba pilung nib maluplup, ir e ma tow’ath nagdad ko runguy nge tayfan. Der ma siyeg ban’en ni bfel’ ni nge pi’ ngak e pi’in yad be rin’ e n’en nib mat’aw.

Psalms 84:11 Iomraidhean Croise

Genesis 15:1

Tomuren e biney, mi ni piliyeg e changar rok Abram me rung’ag laman SOMOL ni be non ngak ni be ga’ar, “Abram, dab mu rus. I gag e bay gu yororiyem ni dabi buch ban’en rom; mu gu fal’eg wa’atham.”

Psalms 119:114

I gur e manaf rog nge rungrung rog; nike lagan’ug ko n’en kam micheg.

Psalms 15:2

Pi’in yad ma folwok rok Got u fithik’ urngin ban’en, ma gubin ngiyal’ ni yad ma rin’ e tin ni bfel’, ma thin ni yul’yul’ e yad ma yog,

Psalms 27:1

I SOMOL e tamilang rog me ir e bay rog ni be ayuwegneg i yan; dab gu rus ngak be’. SOMOL e be yororiyeg ko riya’; ere dab gu tamdag.

Psalms 3:3

Machane gur SOMOL, e rungrung rog ko riya’ ni gubin ngiyal’; ga ma gel nigeg ma ga ma fulweg e athamgil nga lanin’ug.

Psalms 47:9

Pi pilung ko pi nam e kar mu’ulunggad girdi’en fare Got rok Abraham. Ba gel gelngin ngak urngin raba’ e salthaw; ir e be gagiyegnag urngin ban’en!

Psalms 84:9

A Got, mu ayuweg e pilung romad, ni fare pilung ni gur e mturguy ni nge pilung!

Psalms 85:12

I SOMOL e bayi man’og nagdad, ma but’ rodad e bayi fel’ mit e woldug riy.

Proverbs 10:9

Girdi’ nib yul’yul’ e yad mmudugil ni dabi buch ban’en rorad, ma pi’in ndar yul’yul’gad e ran kolrad riy.

Proverbs 2:7

Ir e ma pi’ e ayuw mma yoror rok e pi’in yad bmat’aw ma yad ba yul’yul’.

Proverbs 28:18

Mu yul’yul’ ma ga par ni dabi buch ban’en rom. Ma fa’anra dam yul’yul’ ma ga ra mul nib tomgin.

Proverbs 28:6

Kabfel’ ni ga ba gafgow ma ga ba yul’yul’ ko bin ni ba yo’or ban’en rom ma gab sasalap.

Mikah 2:7

Mog, ke bucheg Got wa’athan e girdi’ nu Israel? Mog, kem’ay e gumaen’ rok SOMOL? Gur riyul’ nra rin’ e pin’ir ni ga be weliy? Gathi ma non nib sumunguy ngak e pi’in yad be rin’ e tin nib mat’aw?”

Malaki 4:2

Machane gimed e pi’in gimed be fol rog e rayib gelngig nma ayuwegey nga dakenmed ni bod ram’en e yal’, me gol nagmed. Ra puf mat’awmed ma gimed ra felfelan’ ni bod rogon pifak e garbaw nni bing e chum rorad ngranod nga wuru’.

Matthew 6:33

Ere ngam m’oneged u wun’med e gagiyeg rok Got nge tin nib m’agan’ ngay ni ngam rin’ed, ma arame urngin e pin’ey nra pi’ ngomed.

John 1:16

U fithik’ e fel’ laniyan’ rok nrib ga’ e ir e ke fal’eg waathdad riy ni gadad gubin ni be tow’ath nagdad nra chuw reb me taw reb.

John 1:9

Ni aram e bin riyul’ e tamilang, ni fare tamilang ni yib nga fayleng nge gal ram’en nga daken urngin e girdi’.

John 8:12

Me non Jesus bayay ngak e girdi’ ni ga’ar, “I gag e tamilang ko girdi’ nu fayleng. En nra i lekeg e ke yag e tamilang ko yafos ngak ma dabki yan u fithik’ e lumor bi’id.”

2 Korinth 3:18

Ma gadad ndawor ni upunguy ban’en nga owchedad e be gal ram’en Somol rodad nike af rok ngodad, ni gadad gubin ma be ga’ ram’en rodad i yan ma gadad be pig i yan nga ya’an e ren’en ni be gal ram’en rodad, ni fare Kan Nthothup rok Somol e be muruwliy e ren’ey.

2 Korinth 4:17

Re gafgow ney ni gadad be tay nib gafgow nib achig ma dabi n’uw nap’an me m’ay e bayi fek i yib ngodad ba fla’ab ni ba ga’ ni dabi m’ay bi’id, nri kab gel feni ga’ ko re gafgow ney.

Galatia 2:14

Ma fa’an gguy ndarir folgad ko tin nib mat’aw ni bod rogon e tin riyul’ nike dag fare Thin Ni Bfel’, mu gog ngak Peter u p’eowcherad ni yad gubin ni lungug, “I gur e ga be’ u Israel, machane um ngongol ni bod rogon be’ ni gathi be’ u Israel, ma gathi um ngongol ni bod rogon be’ u Israel. Ere ke uw rogon ma kam guy rogon ni ngam gelnigem ngak e pi’in gathi yad piyu Israel ni ngar ngongolgad ni bod rogon piyu Israel?”

Deuteronomy 18:2

Dabi milfan bang e binaw ngorad, ni bod e tin ba’aram e ganong; f’oth rorad e aram mat’awrad ni kar manged prist rok SOMOL, ni bod nike micheg SOMOL.

Filippi 1:6

Ere bmuduwgil u wun’ug ni Got ni ir e tabab i ngongliy e re maruwel ney ni bfel’ u fithik’ i lanin’med e bayi muruwliy i yan nge yan i mada’ ko Rofen ni nge mus riy, ni aram e Rofen ni nge sul Jesus riy.

Filippi 4:19

Ma Got rog ni pire’ ban’en rok e bayi pi’ ngomed u daken Jesus Kristus urngin e tin ni gimed be gafgow riy.

Revelation 21:23

Ma re binaw nem e dariyfan e yal’ ara pul ni nge gal’ daken, ya ram’en Got e be gal’ daken, ma fare Fak e Saf e ir e magal riy.