Psalms 83:5 - Bible Ni Thothup

⁵ Me ta’reb e puruy’ rorad ngay ni ka ra ta’rebgad ni ngar togopluwgad ngom:

Psalms 83:5 Iomraidhean Croise

2 Kronicles 20:11

Irera’ rogon ni ngar fulweged taban ngomad — karbad ni ngar tulfed gamad nga wuru’ e re nam ney ni kam pi’ ngomad.

Ester 3:6

ma nap’an niki nang ni Mordekai e ba Jew me duwgiliy ni gathi go’ Mordekai e nge gechignag. Me leamnag ni nge thang mit gubin e Jew ni bay u tan e gagiyeg rok yu Persia.

Psalms 124:3

ma kar ful’ed gadad ni ka gadad bafos u gelngin e damumuw rorad ngodad;

Psalms 2:2

Pi pilung rorad e kar togopluwgad, ma pi’in yad be gagiyeg nagrad e kar mu’ulunggad yad be makath nib togopluw ngak SOMOL nge fare pilung ni Got e mel’eg.

Psalms 74:8

Yad ba’adag ni ngar thirfed gamad u but; kar urfiyed nga but’ gubin yang nib thothup u lan e nam.

Proverbs 21:30

Gonop ko girdi’, nge tamilangan’, nge nangan’ — e dabi ayuwegnem ni fa’anra ba togopluw SOMOL ngom.

Isaiah 7:2

Me taw e thin ngak fare pilung nu Judah ni salthaw nu Syria e ka ra mufgad ngalan yu Israel, me yib e marus ngak nge gubin e girdi’ rok ngu’ur t’on gad ni bod e gek’iy ni mithmitheg e nifeng.

Jeremiah 33:24

“Kam guy rogon ni be yog e girdi’ ni ku gu fek rok yu Israel ngu Judah, ni fa gal tabinaw ni gu mel’eg row? Ma aram miyow sap nga but’ ko girdi’ rog ni dakurir leam ni gew ni yow reb e nam.

Ezekiel 25:15

I SOMOL ni Th’abi Tolang e ga’ar, “Piyu Filistia e yug ra puthuyed e falbiy ngak e pi to’ogor rorad ngar gafgow nigedyad u fithik’ e fananikan rorad.

Mikah 4:11

Pire’ e nam ni kar mu’ulung gad ni ngar cham gad ngomed. Be lungurad, “Thingar ni thirif yu Jerusalem u but’! Bay da guyed nike mogothgoth!”

Joshua 7:9

Piyu Kanaan nge urngin e pi’in yad bay u langgin fare nam e bay rrung’aged murung’agmad. Bay ra liyeged gamad ngar li’ed gamad ni gamad gubin nggu m’ad! Are mang e ga ra rin’ mu kum ayweg fanam gilbugwan?”

Revelation 17:13

Ragag i pilung nem e ba ta’reban’rad ni yad gubin, ma bay ra pi’ed gelngirad nge mat’awrad ngak fare gamanman.

Revelation 19:19

Ma aram mu gguy fare gamanman nge pi pilung nu fayleng nge pi salthaw rorad ni kar mu’ulunggad ni ngar chamgad ngak fa’anem nike af nga daken fare os nge ngak e salthaw rok.