Psalms 83:2 - Bible Ni Thothup

² Amsap, pi to’ogor rom e kar chelgad kar maelgad nib togopluw ngom, ma pi’in yad be fanenikem e yad be togopluw.

Psalms 83:2 Iomraidhean Croise

2 Kings 19:28

Kug rung’ag fanam damumuw nge fanam tolngan’, ere bay gu yuy’ ba wasey nga p’ethungum mu gu tay bochiyang i wasey ni ba’ gafan ngalan l’ugunam, mu gu fulwegem ko fare pa’ i kanawo’ ni mub riy ngaray.”

Psalms 109:1

Got, gu be pining e sorok ngom; dab mu par ni kam th’abgulungam!

Psalms 74:23

Dab mu pagtalin e pi tolul u fithik’ e damumuw ni be tay e pi to’ogor rom! Nge pi meyngar ni dertal ni be tay e pi tagopluw rom!

Psalms 74:4

Pi to’ogor rom e kar garus niged e gel ni kar ted u Tempel rom; kar ted e flak rorad ngaram ni pow ko gel ni kar ted.

Psalms 81:15

Pi’in yad be fanenikeg e bay ra siro’gad u fithik’ e marus u p’eowcheg; gechig rorad e dariy n’umngin nap’an.

Psalms 93:3

SOMOL, pi t’ay e rigur nib to’ar e kar ga’ niged linganrad; kar pi’ed lamrad ngalang be chub lingan.

Isaiah 17:12

Pi nam nib gel gelngin e ka ra wageygad ni ta’reb linganrad ko day ni be chob, ni bod e n’ew ni gagang’ ni be pil ko na’.

Isaiah 37:23

Mini’ e ga be leamnag ni ga be togopluwnag e welthin ngak ma ga be moningnag? Ga be dariy fan nigeg, i Gag fare Got nib thothup nu Israel.

Isaiah 37:29

Ke thap babyoren e damumuw nge tolngan’ rom ngog, ma chiney e bay gu the’ ba lam nga p’ethngum nge bochyang i wasey ni bay gufan ngalan langam nge fulwegem ko re pa’ i kanawo’ ni mub riy.”

Matthew 27:24

Ma fa’ani guy Pilate ndakuriy fan ni ngki fithrad ya richey min cham, me fek e ran nge lukuy pa’ ngay u p’eowchen fapi girdi’ ni aram urngirad me ga’ar, “Yam’ ni nge tay e re mo’on ney e dariy bochu’uw murung’agen ngog! Ya gimed e kam dugliyed!”

Acts 16:22

Miki togopluw fapi girdi’ ni yo’or ngorow; me guchthuy fapi tolang e mad u daken Paul nge Silas, ma rogned ni ngan toyrow ko dumow.

Acts 17:5

Me awan’ piyu Israel ngorow, miyad kunuy boch e girdi’ u kanawo’ ni girdi’ ni yugu ma yan ndariy e maruwel rorad ni ngar mu’ulunggad ngar wageygad. Miyad wagey u lan fare binaw ni polo’, miyad yan ni cham nga tafen Jason, ni yad be guy rogon ni ngar pir’eged Paul nge Silas ngar feked yow nga waen i yib ngak e girdi’.

Acts 21:30

Me wagey e girdi’ u lan fare binaw ni polo’ ni kar balyanggad, me mil e girdi’ ni gubin i yan ngar koled Paul ngar girngiyed u Tempel nga waen. Ka chingiyal’ nem min ning fapi mab ko Tempel.

Acts 22:22

Me motoyil e girdi’ ngak Paul nge yan i mada’ ko ngiyal’ ni yog e re bugithin ney; ma aram miyad tabab ko tolul ni kemus mam’ungun i lamrad ni be lungurad, “Mu thanged e fan rok, mu li’ed ngem’! Ya dariy rogon ni nge par!”

Acts 23:10

Me ri elmerin e malu’ag thin ni yad be tay me rusnag fare pilungen e salthaw Paul ni bay ra popfed. Me yog ngak e salthaw rok ni ngranod ngalan fare ulung ngar feked Paul ngar chuweged rorad, miyad fek nga tafen e salthaw.

Judges 8:28

Ma ke gel piyu Israel ngak piyu Midian ko mael, me par piyu Israel ndakurir rusgad ngak piyu Midian. Me par e re nam nem nike aw e gapas riy ni aningeg i ragag e duw, nge mada’ ko ngiyal’ nike yim’ Gideon.