Psalms 78:51 - Bible Ni Thothup

⁵¹ Me thang owchen e tin nganni’ i fakay ni pumo’on u gubin e tabnaw nu Egypt.

Psalms 78:51 Iomraidhean Croise

Genesis 10:6

Pifak Ham ni pumo’on e Kash, Egypt, Lybia nge Kanaan, irera’ e pi ngachal nni tunguy ko pi ganong ni yib ni owcharad.

Genesis 49:3

“Ruben, ni bin som’on i fakag nni gargeleg, i gur gelngig, me gur e bin som’on i fakag nnap’an ni taw nga yangreg ko pagel, i gur e th’abi tolangan’um, mi gur e th’abi gel u fithik’ urngin e pumo’on ni fakag.

Psalms 105:23

Me yan Jakob nga Egypt, me par ko re nam nem.

Psalms 105:27

Ra ngongliyew bogi ban’en ni Got e be ngongliy u pa’row, ur ngongliyew e maang’ang u lan yu Egypt.

Psalms 105:36

Me li’ urngin e tin nganni’ e bitir ni pumo’on ko tabinaw nu Egypt ni gubin.

Psalms 106:22

Rib th’ab feni manigil e pin’en ni i ngongliy u rom! Ginan’uy ko pin’en ni i rin’ ko fagi day ni fithingan e Red Sea!

Psalms 135:8

I thang owchen gubin e tin nganni’ u fakay u lan yu Egypt ni girdi’ nge gamanman ni ta’reb rogon.

Psalms 136:10

I li’ e tin nganni’ e pagel u pifak piyu Egypt; t’ufeg rok e ba manemus.

Exodus 12:12

“Ra taw ko re nep’ nem ma bay gu wan u lan e nam nu Egypt nggu thang e pogofan rok urngin e tin nganni’ i fakey ni pumo’on, ni girdi’ nge gamanman. Bay gu gechignag urngin e pi got rok yu Egypt. I Gag SOMOL.

Exodus 13:15

Ya nap’an ni gelnag e pilung nu Egypt laniyan’ me yog ndabi pagmad nggu warod, me thang SOMOL e pogofan rok e tin ba nganni’ e bitir ni pumo’on u lan fare nam nu Egypt, ni ta’reb rogon e girdi’ nge gamanman. Aram fan ni gadad ma pi’ ni maligach ngak SOMOL urngin e tin ba nganni’ e pumo’on u fak e gamanman rodad, ma gadad ma chuw’iy bayay rok e tin ba nganni’ e pumo’on u pifakdad.

Hebrews 11:28

Ma michan’ rok ngak Got e pow’iy nge sunumiy fare madnom ni Paluk’af nge yog ni ngan wereg e racha’ nga daken e mab, ni fan e fare Engel ni nge thang e pogofan e nge dabi li’ e bitir ni pumo’on ni tin th’abi ilal u fithik’ pifak piyu Israel.