Psalms 73:18 - Bible Ni Thothup

¹⁸ Rib mudugil ni kam tayrad ko yungi n’en nib tamasirgig, ma bay mu gagiyeg nagrad ngar mulgad nga fithik’ e riya’!

Psalms 73:18 Iomraidhean Croise

Psalms 35:6

Mang e yigi lumor me sisirgig kanawo’rad ko ngiyal’ ni be toyrad fare engel rok SOMOL!

Psalms 37:20

Ma pi’in kireb e yad ra yim’; pi to’ogor rok SOMOL e yad ra chuw ni bod e floras u fithik’ e pan; bay rm’aygad ngabang ni bod e ath.

Psalms 37:24

Ra chey ni dol’, ma dabi magach u but’, ya SOMOL e ra ayuweg nge sak’iy ngalang.

Psalms 55:23

Machane, gur Got, e bay mon’ e pi’in tathang e fan nge pi’in sasaliyab nga low rorad ni dawor i yan baley ko yafos rorad. Me gag, e gur e bayi pagan’ug ngom.

Psalms 92:7

pi’in kireb e leam rorad e manga yad ra ilal ni bod e pan, ma pi’in yad ma ngongliy e kireb e manga yad ra man’og; machane bay ni thirifrad u but’,

Psalms 92:8

ni bochan ni gur SOMOL, e th’abi tolang ni manemus.

Psalms 94:23

Bayi gechig nagrad ko kireb rorad me thang owcharad ni bochan e denen rorad; I SOMOL ni Got rodad e bayi thirifrad u but’.

Jeremiah 23:12

Yu pa’ i kanawo’ ni yad be lek e bayi tamasirgig me rumug riy; bay gu gagiyeg nagrad nge tun ayrad ngar paraw gad. Bay gu fek e riya’ i yib ngorad; ngiyal’ ni ngan gechig nagrad riy e be yib. I Gag SOMOL e kugog e pi thin ney.

Deuteronomy 32:35

I SOMOL e bayi fulweg taban ngorad nge gechig nagrad; bayi taw ko ngiyal’ ni ngar mulgad, rofen ni ngan thirifrad u but’ e be chugur.

2 Thessalonika 1:9

Bay ra gafgowgad ko gechig ni ngan pi’ ngorad ni aram e gafgow ni ngar ted ndariy n’umngin nap’an, ma kan tayrad ngabang ndab ra uned ko gin ni bay Somol riy ma dab ra guyed gelngin Got nib th’abi fel’,