Psalms 7:12 - Bible Ni Thothup

¹² Fa’anra dab ra thilyeged pangirad, ma bayi uthum Got e saydon rok. Ke tel e gat’ing rok ke fal’eg rogon ke tay;

Psalms 7:12 Iomraidhean Croise

Genesis 18:25

Rib mudugil ndab mu chagiy e pi’in ndawor ra ngongliyed e kireb ko pi’in yad ba kireb ngam thangefan rorad. Dabiyag! Dabiyag ni ngam rin’ ni er rogon. Ya ra yodor, me ere bay ni gechignag e pi’in ndawor ra ngongliyed e kireb nta’reb rogon ngak e pi’in kar ngongliyed e kireb. Dabiyag ni nge yodor. Tapufthin ko fayleng ni polo’ e ma ngongol nib yal’uw.”

Psalms 129:4

Machane, SOMOL, ni ir e cha’ nib mat’aw, e ke pithigeg ni dab kug mang sib.”

Psalms 85:4

A Got nta’ayuw romad, mu fulwegmad, ma dab ku mu dabuymad!

Psalms 9:5

Kam puwan’ ngak e pi nam, ma kam thang owchen e pi’in kireb; dab kurbad ngan’uy bingyal’.

Isaiah 27:1

Rofen nem e SOMOL e ra fek fa gi saydon rok nib gel nma cham ngay ni nge gechignag fare Leviathan, ni fare gamanman ni be guleplep, ma aram me thang e fan rok fare gamanman nu maday.

Isaiah 34:5

I SOMOL e ke flagin rogon e saydon rok u tharmiy, ma chiney e nge aw nga Edom, ko fapi girdi’ nike gechig nagrad ni ngan thang e pogofan rorad.

Ezekiel 18:30

“I Gag SOMOL ni Th’abi Tolang e gu be yog ngomed yu Israel ni bayi bigimed mu gu turguy e n’en ni nggu rin’ ngak ko ngongol rok. Mpi’ed keru’med nga urngin e kireb ni gimed be rin’, ma dab mpaged e denen romed nge thang e pogofan romed.

Ezekiel 21:23

Girdi’ nu Jerusalem e de mich u wan’rad e biney ni bochan fapi m’ag nra ngongliyed u thilrad. Machane biney e yi’iy e be pugoran ngorad e denen rorad ma ke gagyelnag ngorad ni bay ni kolrad.

Ezekiel 33:11

Mog ngorad ni bod feni rriyul’ ni Gag SOMOL ni Gag fare Got ni be par nib fos, e aram feni rriyul’ ni dabug ni ngug guy reb e tadenen ni nge yim’. Ya gu ba’adag ni nggug guy nike cheal ke pi’ keru’ ko denen nge par nib fos. Israel, mu taleg e kireb ni ga be rin’. Mang ni ga ba’adag ni ngamum’?

Matthew 3:10

Ya tow e kan fal’eg rogon ke par ni nge th’ab e gek’iy u lik’ngin; gubin kaen e gek’iy nder yib wom’ngin ni bfel’ e yira th’ab nga but’ nga nin’ nga mit e nifiy.

Acts 3:19

Ere mu kolgad ngan’med mi gimed pi’ keru’med ko denen mi gimed cheal ngak Got, nge yag ni chuweg e denen romed. Fa’anra mu rin’ed ni aray rogon,

Deuteronomy 32:41

ni bay gu uthum e saydon rog nib galgal ram’en, mu gu pi’ e gechig nrogon. Bay gu fulweg taban e kireb ngak e pi to’ogor rog, ngug gechignag e pi’in ur fanenikayed gag.