Psalms 69:8 - Bible Ni Thothup

⁸ Kug bod ba milekag ngak pi girdi’eg, gowa gu be’ u bang ngak e girdi’ ko tabnaw rog.

Psalms 69:8 Iomraidhean Croise

Psalms 31:11

Urngin e pi to’ogor rog, ma ri pi’in gamad bbuguliyoror, e yad be changar ngog nga but’. Pi’in yad manangeg e yad be tamdag ngog; nap’an ni yad ra guyeg u lan e kanawo’ miyad mil.

Psalms 38:11

Pi fager rog nge pi’in gamad buguliyoror e dakrir chugurgad ngog, ni bochan e malad rog; mus ngak chon e tabnaw rog ni ka ra pired u orel rog.

Psalms 89:51

Pi to’ogor rom e yad be yog e thin ni kireb ko fare pilung ni gur SOMOL e mmel’eg! Demturug e gin nra yan ngay ma yad be yog e thin ni kireb ngak.

Psalms 89:52

Ngu’un pining e sorok ngak SOMOL ni dariy n’umngin nap’an! Amen! Amen!

Isaiah 50:6

Kug pi’ keru’ug ni ngan toy, ma da gu taleg e pi’in nra moning nigedgag ko fa ngiyal’nem nra bup’iyed sorbeg miyad thuw nga owcheg.

Isaiah 53:3

Kad darifan niged, ma kad dabuyed; i athamgil u fithik’ e gafgow nge amith. Ma dariy be’ ni adag ni nge changar ngak, da feked yathin ni gowa be’ nib m’ay fan.

Isaiah 53:4

“Machane me athamgiliy fare gafgow ni susun e gadad e nge aw ngodad, nge amith ni susun e gadad e ngad pired nga fithik’. Ma gadad be leamnag ni gafgow nike yib ngak e ba gechig ni Got e ke pi’ ngak.

Jeremiah 15:15

Ma aram mug ga’ar, “SOMOL, i gur e ga manang. Mu leam nigeg ngam ayuwegneg. Pi’in ni yad be gafgow nigeg e ngam fulweg taban ngorad. Dab mu gum’an nigem rorad ngar li’edgag ngagum’. Mu leamnag ni yibe yog e thin nib kireb ngog ni bocham.

Matthew 26:56

Machane urngin e pin’ey ma ke yodoroy ya nge m’ug nriyul’ e tin ke yoloy e profet u lan e babyor nib thothup.” Ma urngin fa pi’in gachalpen nra paged ngar milgad rok.

John 1:11

I yib ko nam rok, machane pi girdi’en e ra dabuyed nike yib ngorad.

John 7:5

Ya mus ngak fapi pumo’on ni walagen Jesus nde mich Jesus u wun’rad.)

1 Samuel 17:28

Mi Eliab, ni bin th’abi ilal i walagen David e rung’ag ni be non David ngak fapi pumo’on. Me puwan’ ngak ni ga’ar, “Mang e ga be rin’ u roy? I mini’ e be gafaliy fapi saf rom ni bay u daken e ted? Gab ufanthin ma gab talanglang! Kemus ni kamub ni ngam guy boch e cham!”