Psalms 69:3 - Bible Ni Thothup

³ Ke m’ay gelngig ma ke amith k’angag ko pong ni gu be tay ni man ayuw, ma ke amith lan owcheg i changarnag e ayuw rom.

Psalms 69:3 Iomraidhean Croise

BABYOR NI JOB 11:20

Machane pi’in kireb e bay u ra sapsapgad nike math e liyab rorad miyad pir’eg ndariy kanawo’en miyad thay. Ta’a re lagan’ rorad e yam’ ni nge taw ngorad.

BABYOR NI JOB 16:16

Ku gu yor gu yor ke row owcheg, ma ke thow lan owcheg nike burog,

Psalms 119:123

Ke magaf owcheg i changarnag e ayuw rom, ni fare ayuw nim micheg.

Psalms 119:82

Lan owcheg e ke magaf i changarnag e n’en kam micheg, ni gu be fith ni gu be ga’ar, “Wi’in e ga ra aywegeg?”

Psalms 22:15

Ke mlik’ lan l’ugunag ni bod feni mlik’ e ab, ma bolowtheg e ke gabal ngalan e goy u l’ugnag kam pageg u fithik’ e fiyath ni ngum’.

Psalms 22:2

Ra rran mu gu piningem, I gur Got rog, machane damur fulweg lamag; gu be piningem nnep’, ma daryag ni nggu toffan.

Psalms 25:21

Fanag mat’aw nge fanag yul’yul’ e nge mang yoror rog, ya gur e ke pagan’ug ngom.

Psalms 39:7

Somol, ere mang e ku rayag ni nge l’agan’ug ngay? Gur e ke l’agan’ug ngom.

Psalms 40:3

Me fil ba tang nib be’ech ngog, nib tang ni yibe pining e magaer ngak e Got rodad. Pire’ e girdi’ ni bay ra guyed e ren’ey me yib madgun SOMOL u wun’rad me par ni SOMOL e yad be toer ngak.

Psalms 6:6

Ke aw parwog ko meyor; gubin e nep’ nma munur e chob rog nga lu’ag; gayul rog e ke wanum ko lu’.

Psalms 69:21

Ra gum’ ko bilig, ma yub e yad ra pi’ ngog; mra gum’ ko belel, miyad pi’ e mugnin ni nggu unum.

Psalms 88:7

Gelngin e damumuw rom e kug madle’ riy, kug parde’ u mirin.

Isaiah 38:14

Lamag e achichig me me’waer, mu ug moen ni bod ba arache’ ni dove. Me magaf e tir u marwag ko changar ngalang. SOMOL, mu lageg u fithik’ gubin e tiney e gafgow.

Lamentations 2:11

Ke thow owcheg ko meyor; ni kari kireb lanin’ug. Kethay parwog ko meyor ni bochan e gafgow ko girdi’ rog. Bitir nge madway e yad be paraw nike ma’ gelingrad u lan e yupa’ i kanawo’ u lan fare binaw.

John 19:28

Ma kenang Jesus e re ngiyal’nem nike lebguy urngin ban’en; ma fan e nge yib i m’ug nib riyul’ e tin nike yog e babyor nib thothup ma aram me ga’ar, “Ke yib e belel ngog.”

Deuteronomy 28:32

Ra ki gimed be sap min pi’ pifakmed ni pumo’on nge ppin ngak e girdi’ nu boch e nam ngar manged sib. Urngin e rran ma bayi magaf owchamed ko changar, ni gimed be sapnag pifakmed ni ngar sulod ni m’ayliyab.

Hebrews 5:7

Nap’an ni immoy Jesus u roy u fayleng me meybil ni wenig ngak Got ni ba ga’ laman u fithik’ e lu’, ya ir e rayag rok ni nge tay Jesus ni dabi yim’. Ma bochan e ba sobut’ laniyan’ ma rib m’agan’ ngay ni ngi i fol rok Got, ma aram fan ni fulweg Got taban e meybil rok.