Psalms 66:2 - Bible Ni Thothup

² Mu tang niged feni gilbugwan fithngan; mu pininged e sorok ngak nge mus nga rogon!

Psalms 66:2 Iomraidhean Croise

Nehemiah 9:5

I Jeshua, nge Kadmiel, nge Bani, nge Hashabneyah, nge Sherebiah, nge Hodiah, nge Shebaniah, nge Pethahiah ni yad bogi Levite e rogned ni nga ni pining e sorok ngak Got ni nge lunguy: “Mu sak’iygad ngam pininged e sorok ngak SOMOL ni Got romed; ngu’um pininged e sorok ngak ni dariy n’umngin nap’an. Nge gubin e girdi’ ma nge pining e sorok nga feni gilbugwan fithingam, ni yugu ara’ rogon ni sorok ni bay i pining e girdi’ ngom e dabi gaman.”

Psalms 106:2

Mini’ e rayag rok ni nge weliy gubin e pi maang’ang nike rin’. Mini’ e ra gaman e sorok ni nge pining ngak?

Psalms 107:15

Thingar ra pininged e magaer ngak SOMOL ni bochan e t’ufeg rok e dabimus, nge bochan e tin ni bfel’ nike rin’ ngorad.

Psalms 107:22

Thingar ra urfiyed e gamanman ngar pi’ed ngak ni maligach ni aram e yad be pining e magaer ngak, miyad tang u fithik’ e felfelan’ ngar weliyed urngin e tin ke rin’!

Psalms 68:33

ko en nma yan u lanelang, fare lanelang ni kakrom. Mmotoyilgad ngak ni be tolul nrib ga’ laman.

Psalms 72:18

Ke sorok SOMOL, ni Got nu Israel! I go’ ir e ma ngongliy e pi maang’ang ney.

Psalms 79:9

A Got, mu aywegmad nge pogofan romad; mu ayuwegmad ma ga n’agfan u wun’um e denen romad ni bochan fithingam ni nge par nib gil.

Isaiah 42:12

Pi’in yad be par ko pi nam nib mal’af e ngar pininged e sorok ngak SOMOL miyad tay fan!

Isaiah 49:13

Lanelang, mu tang! Fayleng, mu tolulnag e felfelan’! Me tang e pi burey! Ya SOMOL e bayi fal’eg laniyan’ e girdi’ rok; bayi runguy e girdi’ rok ko gafgow ni yad be tay.

Isaiah 6:3

Ma yad be non nra bagayad ma be ga’ar ngak bagayad: “Ba thothup, ba thothup, ba thothup! I SOMOL ni Gubin ma Rayag Rok e ba thothup! Rogon feni sorok e ke sugnag e fayleng.”

Revelation 5:13

Mu gu rung’ag laman urngin e tin nib fos ni sunumiy Got, ntin ni bay u tharmiy, ngu fayleng, nge tin ni bay ko bin nu ar e fayleng, ngu fithik’ e day, ni urngin e tin ni sunumiy Got ni bay u gubin yang nib mu’un e fayleng ngay ni yad be tang ni be lungurad: “En nike par nga tagil’, nge fare Fak e Saf, e nganog e sorok ngorow, min tay farow min gilnag buguwrow ma bay ur pirew nib mil suwon urngin ban’en ngorow ndariy n’umngin nap’an!”