Psalms 64:4 - Bible Ni Thothup

⁴ Ri yad papey ni ngar gararegned e mululifith l’ugun rorad; yad be kirebnag e pi’in bfel’ nda rir rusgad.

Psalms 64:4 Iomraidhean Croise

2 Samuel 15:14

Me ga’ar David ngak urngin e pi tolang ni yad bay rok u Jerusalem, “Thingar da milgad e chiney ni fa’anra gadad ba’adag ni ngad thaygad u pa’ Absalom! Mu gurgad, ya ri da ginigad ma ke taw nge gel ngodad, me li’ urngin e girdi’ u lan e re binaw ney!”

Nehemiah 4:11

Pi to’ogor romad e ra leam niged ndab gguyed yad ara gu nanged e n’en ni nge buch nge mada’ ko ngiyal’ ni ngar anoggad ngomad, ngar thanged e pogofan romad me mus e re maruwel romad ney u roy.

Psalms 11:2

ya pi’in kireb e kar tiled e gat’ing rorad ma kar pulweged gan e gat’ing rorad u milmor ni ngar yip’ed e pi’in bfel’.

Psalms 55:19

Got, niki i gagiyeg aram ko tobolngin i yib, e ra rung’ag lungug me waer nagrad; ya daburad ni ngar thilgad, ma dariy madgun u wan’rad.

Psalms 55:22

Mu pi’ e gilab rom ngak SOMOL, ma bayi n’ufegem; dariy e ngiyal’ nra pag e pi’in yul’yul’ ngar mo’waergad.

Psalms 57:5

A Got, mu dag fanam gel u lane lang, nge fal’ngim u gubin yang u fayleng.

Psalms 64:7

Machane, me pag Got e gat’ing rok ngorad, miyad maad’ad nib tomgin.

Habakkuk 3:14

Pi gan e gat’ing rom e aw ngak e en tagafaliy e salthaw rok ko fa ngiyal’nem nrabad ni bod ba yoko’ ni ngar wereged gamad, ni yad be migrig ni bod e pi’in yad ma chuchuy nga but’ e pi’in gafgow ni yad be rin’ nib mith.

John 19:6

Ma fa’ani changar e pi tolang ko prist nge pi matanagen e Tempel nra guyed miyad tolul ni be lungurad, “Mu richibiy ko kuruth! Mu richibiy ko kuruth!” Me ga’ar Pilate ngorad, “Ere mfeked nge mang gimed e mu richibiyed ko kuruth. Ya dawor gu pir’eg tapgin ni ngan turguy e gechig rok.”

1 Samuel 18:11

Me ga’ar Saul u wan’, “Nggu richibiy ko rungrung,” me pag fare sarey ngak ni l’agruw yay; me pilo’ David riy.

1 Samuel 19:10

Me guy Saul rogon ni nge rugoy fare sarey ngak David nge richibiy ko rungrung, machane me pilo’ David riy me yan i rog fare sarey ko rungrung. Me mil David rok Saul.