Psalms 59:5 - Bible Ni Thothup

⁵ SOMOL, ni Got ni Gubin ma Rayag Rom, mu sak’iy ngamub mu ayuwegneg; Got rok yu Israel, mu guy nga owchem! Mu od ngam gechignag urngin e pi nam, dab mu pag bagayad e pi’in yad be t’ar liyben e kireb!

Psalms 59:5 Iomraidhean Croise

Genesis 33:20

Me ubung ba altar u rom, me tunguy El ngay, ni aram e ke ga’ar, altar rok fare Got nu Israel.

Psalms 54:3

Girdi’ nib tolngan’rad e karbadnag e cham ngog; girdi’ ndariy e runguy rorad e yad be guy rogon ni ngar thanged e pogofan rog — bogi girdi’ ni der un Got u wan’rad.

Psalms 55:15

Mang e yigi yim’ e pi to’ogor rog ni dawori taw nga nap’rad; mang e ranod ni kayad bafos nga’ar ko fayleng ko yam’! Ya ba sug gumircha’rad nge lan taferad ko kireb.

Psalms 7:7

ere mu kunuy urngin e girdi’ nga to’obem, ma ga gagiyeg u tharmiy nga dakenrad.

Psalms 80:4

SOMOL ni Got ni Gubin ma Rayag Rom, bu uw n’umngin nap’an, ni ngam par ni gab damumuw ko pi meybil rok e girdi’ rom?

Psalms 84:8

SOMOL ni Got ni Gubin ma Rayag Rom, mu rung’ag e meybil rog; Got rok Jakob, mu telim ngog!

Psalms 9:15

Pi nam e ka ra mulgad ngalan e low ni yad e ra kired; ka ra awgad ko wup rorad.

Exodus 20:5

Dab mu siro’gad ara mu pigpiggad ngorad; ya gag fare SOMOL ni Got romed, mi gag ba Got ni gu ba talyeg. Gu ra fek e gechig i yib nga daken e pi’in yad be fanenikayeg nge nga daken pifakrad nge mada’ ko bin dalip e mfen.

Exodus 3:15

Mog ngak piyu Israel ni Gag, fare SOMOL, ni fare Got ko pi chitamangirad, ni Got rok Abraham, Isak, nge Jakob, e ku gu l’ogem ngorad. Ireray fithingag ni bay i par ndariy n’umngin nap’an; tin bay fini i yib e mfen e irera’ e re ngachal ni bay ur pininged ngog.

Isaiah 1:10

Jerusalem, pi’in yad be yog e thin rom nge girdi’ rom e yad bod e girdi’ nu Sodom ngu Gomorrah. Mu telim ko thin ni be yog SOMOL ngom. Mu tiyan’um ko n’en ni be fil e Got rodad ngom.

Isaiah 27:11

Papa’ngin e gek’iy e ke l’ud be m’ingm’ing, be kunuy e pi’in ppin ni nge mang l’ud. Bochan e dar nang e girdi’ fan ban’en, me’ere Got ni En ni Sunumiyrad e bay dabki kirban’ ngorad ara dag bochu’uw i marunguy ngorad.

Jeremiah 18:23

Machane, SOMOL, gur e ga manang ni yad be makath nigeg ni ngar li’edgag nggum’. Dab mu n’ag fan u wun’um e kireb rorad; dab mu n’ag fan u wun’um e denen rorad. Mun’rad nga but’ mag gechig nagrad e ngiyal’ ni ga ba damumuw.”

Daniel 6:7

Gamad gubin e pi’in gamad be tay murung’agen ga’ngin e gin ga ma gagiyegnag, ni aram e gamad e pi’in ni gamad ma guy e maruwel, nge pi governor, nge pi ta’ayuw ko governor nge ku boch e pi tolang e ke ta’reb lungmad ni gur pilung e ga ra tiriggiliy bbugithin mag guy ni dab nthilyeg. Ngamog ni guyey e rran ni nga ni par ndariy be ni nge wenignag ban’en ngak ba got ara be’, ya kemus ni gur e en ni pilung e yira rin’ ngom. Ma en nra th’ab e re motochiyel rom ney e yira yin’ ngalan fare low nib sug ko layon.

Amos 9:7

I SOMOL e be ga’ar, “Gimed piyu Israel e ta’reb rogomed piyu Ethiopia u wun’ug. I gag e gu fek e piyu Filistia u Crete ngaray, ma piyu Syria e gu fekrad u Kir ngaray, ni bod rogon ni gu fekmed u Egypt ngaray.

Roma 9:6

Dagur yog ni tin nike yog Got ni bayi pi’ ngorad e daki pi’; ya gathi urngin e girdi’ nu Israel ni yad e pi’in ke mel’egrad Got ni ngar manged girdi’en.

James 2:13

Ya ngiyal’ nra pufthinnag Got e en nde runguy be’ e ku dabi runguy Got fa’anem; ya runguy e ra gel ko pufthin.