Psalms 51:19 - Bible Ni Thothup

¹⁹ Ma aram me felan’um ko pi maligach romad, nge pi maligach ni mo’oruf; mu’un li’ e garbaw ni pumo’on u daken e altar rom nga ni pi’ ngom ni maligach.

Psalms 51:19 Iomraidhean Croise

2 Kings 22:19

ma fa’an mu rung’ag rogon ni kug leamnag ni nggu gechignag yu Jerusalem, ma ga kolngan’um me sobutan’um u p’eowcheg, ma ga guchthuy e mad rom ma ga yor. Bay gu kirebnag yu Jerusalem nge yan i par nra yib e girdi’ miyad da’da’ ngay, me yan i aw nike tabanathin, ni fa’anra nge buchwa’athan be’ minog ni nge buch wa’athan fa’anem ni bod nike buch wa’athan yu Jerusalem. Machane kug rung’ag e meybil rom,

Psalms 118:27

I SOMOL e ir Got; rib fel’ e tin ke rin’ ngodad. Ngam tababgad ko madnom ni bay yu pa’ i gek’iy u pa’med mi gimed thelap ngam liyeged e altar.

Psalms 34:19

En nib mat’aw e bo’or e gafgow nma yib ngak, machane SOMOL e ma chuweg u fithik’ ni gubin.

Psalms 4:5

Mu pi’ed e maligach nib mat’aw ngak SOMOL, mi gimed tay e pagan’ romed nga daken.

Isaiah 57:15

“I gag fare Got nib tolang ma ba thothup, ni gu ma par ni gu fos ni urun. Gu ma par u bang nib tolang ma ba thothup, ma kug ma par ko girdi’ nib sobut’an’ ma kar pi’ed keru’rad ko kireb rorad, ya nge yag ni gu fulweg e pagan’ nge lagan’ ngorad.

Isaiah 66:2

I gag e gu sunumiy e fayleng nge lanelang ni ga’ngin! Bfel’ u wun’ug e pi’in nib sobut’an’rad ma kar pi’ed keru’rad ko kireb, ma yad be par ni bay madgug u wun’rad ma yad be fol rog.

Malaki 3:3

Ra yib ni nge pufthin ni bod be’ ni nge chuweg chabungen me machalbog nag e silber. Bod be’ nma maruwel ko wasey nma chuweg chabungen e silber nge gol, e aram rogon fare tafek thin rok SOMOL nra machalbog nag e pi prist, ya nge yag nra feked i yib ngak SOMOL e tin nib mat’aw e maligach.

Roma 12:1

Ere pi walageg, bochan e ri be runguydad Got, ma aram fan ni nggu wenig ngomed ni ngam pi’ed gimed ngak Got, ngam manged maligach nib fos ngak, ni kam pi’ed gimed ko maruwel rok ma gimed bfel’ u wan’. Ireray e bin riyul’ e liyor ni susun e ngam pi’ed ngak Got.

Efesus 5:2

T’ufeg e thangri mang ir e i gagiyegnag e ngongol romed, ni bod rogon Kristus ni gadad ba t’uf rok me pi’ e pogofan rok ni bochdad, nike mang maligach ni bfel’ bon u daken e altar ni ir e mm’agan’ Got ngay.