Psalms 49:11 - Bible Ni Thothup

¹¹ Yad be leamnag ni pi naun rorad e bayi par ni dariy n’umngin nap’an; nu rom e bay ra pired riy ni gubin ngiyal’ yad be tunguy fithingrad ko yungi binaw ntaferad.

Psalms 49:11 Iomraidhean Croise

Genesis 4:17

Me par Kain nge le’engin, me diyen le’engin, nge gargeleg bochi pagel min tunguy fithingan ni Enok. Me yan i ngongliy bangi ban’en nge ngal’ ni reb e binaw ni ba ga’, me tunguy yu Enok ngay, ni ngachalen fachi cha’ ni fak.

2 Samuel 18:18

Nap’an ni kabfos Absalom me ubung ban’en nib tolang ni ngi i puguran Absalom ngak e girdi’, ni ubung u lan fare loway ni Loway ko Pilung fithingan, ya dariy fak ni pumo’on nra par nge mang puguran rok ngak e girdi’. Me tunguy fithingan ngay, ere ke mada’ ko bin daba’ e rran ma yima pining fithingan ni Puguran rok Absalom.

Psalms 10:6

Yad ma ga’ar u wan’rad, “Dab da waergad bi’id; ma dab da mada’ niged e magawon bingyal’.”

Psalms 39:7

Somol, ere mang e ku rayag ni nge l’agan’ug ngay? Gur e ke l’agan’ug ngom.

Psalms 5:9

N’en ni be yog e pi to’ogor rog e dabyag i pagan’uy ngay; kemus ni ban’en ni ngan gathay e yad ba’adag. Bfel’ nifngin e thin rorad ma ba sumnguy, machane basug ko yub.

Psalms 64:6

Yad ma t’ar liyben e tin kireb me lungurad, “Ri bfel’ rogon ni kad ta’red liyben e re kireb ney.” Rriyul’ ni laniyan’ nge tafnay rok e girdi’ e dab nnang fan.

Eklesiastes 2:14

Girdi’ nib gonop e ba tamilangan’ ko uw e gin be sor ngay, ma pi’in yad bbalyang e dar nanged.” Machane ku gu nang ni ta’ab n’en e be son nagdad ni gadad gubin.

Eklesiastes 2:21

Mu maruwliy ban’en u ga’ngin e gonop rom, nge llowan rom, nge fanam salap, ma aram ma ga pag ni urngin nga pa’ be’ nde maruwliy. Rrib m’ayfan, made mat’aw!

Ezekiel 38:10

Irera’ e n’en ni be yog SOMOL ni Th’abi Tolang ngak Gog: “Nap’an nrataw ko ngiyal’ i n’em ma bay mu tabab i tanomnag e kireb.

Luke 11:39

Ma aram me ga’ar Somol ngak, “Gimed e pi Farise e gimed ma maluknag e kap nge plet u wuru’, machane ke sugnag e yargel nge kireb lanin’med.

Acts 8:22

Ere mpi’ keruum ko bin be’er e pa’ nib kireb ni kam leamnag, ngam wenig ngak Somol nge n’ag fan rom e binir e pa’ ni kam leamnag.

Deuteronomy 3:14

Me Jair ni be’ ko fare ganong rok Manasseh e fek e nug nu Argob ni ga’ngin yang, ni aram yu Bashan. Re gi nug nem e yan nge mada’ ko mathil nu Geshur ngu Maakah. Me tunguy fithingan ko fapi binaw. Kiyi manang ket’aw ko chiney ni pi binaw nem e binaw rok Jair.)

1 Samuel 15:12

Ma reb e rran riy nri kakadbul me yan ni be changarnag Saul. Me rung’ag nike yan Saul ko fare binaw nu Karmel, ma ke ubung e malang u rom ni ban’en ni nge guy e girdi’ miyad leamnag Saul, ke mu’ ma ke yan nga Gilgal.