Psalms 49:1 - Bible Ni Thothup

¹ Mu telmed urngin e girdi’! Motoyilgad e girdi’ u gubin yang,

Psalms 49:1 Iomraidhean Croise

Psalms 33:8

Fayleng ni polo’, mu pired ni bay madgun SOMOL u wun’um. Gimed girdi’en urngin e nam nu fayleng, mu ngatgad ngak!

Psalms 34:11

Mired, pifakag, ngam telmed ngog, nggu fil ngomed ni ngu’um pired ni bay madgun SOMOL u wun’med.

Psalms 42:1

Rogon ba gamanman ni deer ni finey e ran nib garbeb ni bay u lan ba lul’, e aram rogon ni ku gum’ ni bocham, I gur Got.

Psalms 46:1

I Got e ir e manaf rodad me ir gelngidad, gubin ngiyal’ nike fal’eg rogon ke par nra yib e oloboch ngodad me ayuwegdad.

Psalms 48:1

I SOMOL e ba ga’ ma ngan pining e bin th’abi tolang e sorok ngak u lan fare binaw rok e Got rodad, ngu daken e burey rok nib thothup.

Psalms 50:1

SOMOL ni fare Got ni Gubin ma Rayag Rok e be non; be pining e fayleng ni ga’ngin ni tabab ko ngek nge yan i mada’ ko ngal.

Psalms 78:1

Mmotoyilgad, e girdi’ rog, ko machib rog, mi gimed tiyan’med ko n’en ni gu be yog.

Isaiah 1:2

I SOMOL e ga’ar, “Fayleng nge lanelang, mu telmew ko n’en ni gu be yog i gag SOMOL! Fapi bitir ni ug chuguluyrad e kar togopluwgad ngog.

Isaiah 49:6

I SOMOL e ga’ar ngog, “Bay reb e maruwel ni ba ga’ ni ngam ngongliy i gur e tapigpig rog. Gathi kemus ni bay mfulweg e tin ke magey e girdi’ nu Israel nga rogorad, ya bay kug gagiyeg nigem ngam mang ba magal ngak e pi nam, ya ngan nang u fayleng ni ga’ngin kanawo’en mi ni thap ngog.”

Jeremiah 25:2

Gog ngak urngin e girdi’ nu Judah ngu Jerusalem ni lungug,

Mikah 1:2

Gimed urngin e girdi’ ko pi nam, mu telmed; gimed gubin e girdi’ nu fayleng, mu telmed! I SOMOL ni Th’abi Tolang e nge micheg bbugithin nib togopluw ngomed. Mu telmed! Be non u lan e Tempel rok u tharmiy.

Malaki 1:11

Girdi’ u gubin yang u fayleng e yad be liyor ngog. Gubin yang ni yad be urfiy e incense riy ngar pi’ed ngog ma yad be pi’ e tin ni bfel’ e maligach. Yad gubin ni yad be liyor ngog!

Matthew 11:15

Fa’anra bay telmed, me ere mmotoyilgad!

Matthew 13:9

Me ga’ar Jesus, “Mu telmed ni fa’anra bay telmed!”

Roma 10:18

Machane nggu fith ni nge lungug: Gur riyul’ ndar rung’aged e re thin rok Got nem? Rrung’aged — ni bod ni be yog e babyor nib thothup ni be ga’ar: “Lamrad e wear nga urngin yang u daken e fayleng, thin rorad e ke taw ko gin ni mus e fayleng riy.”

Roma 3:29

Fe Got e kemus ni piyu Israel e ir e Got rorad? Gathi ku ir e Got rok e pi’in gathi yad piyu Israel? Bmuduwgil ni ir.

Revelation 2:11

“Fa’anra bay telim me ere mmotoyil ko n’en ni be yog fare Kan Nthothup ngak e pi galesiya! “Ya pi’in yad ra gel ndar paged yad ko kireb e dabki buch ban’en rorad ko yay ni migid e yam’ ni yira tay.”

Revelation 2:17

“Fa’anra bay telim me ere mmotoyil ko n’en ni be yog fare Kan Nthothup ngak e pi galesiya! “Fare manna nib mith e bay gu pi’ boch ngak e pi’in yad ra gel ndar paged yad ko kireb; ma ku bayi bagayad mu gu pi’ bangi malang nib wech ngak, ni kan yoloy reb e ngachal nib be’ech nga daken, ndariy be’ ni manang e binem e ngachal ya kemus ni en ni kan pi’ ngak e manang.”

Revelation 2:29

“Fa’anra bay telim me ere mmotoyil ko n’en ni be yog fare Kan Nthothup ngak e pi galesiya!”

Revelation 2:7

“Fa’anra bay telim me ere mmotoyil ko n’en ni be yog fare Kan Nthothup ngak e pi galesiya! “Pi’in ni yad ra gel ndar paged yad ko kireb e bay gu pi’ mat’awrad ni ngar ked wom’ngin fare ke gek’iy ko yafos ni bay u Milay’ rok Got!”