Psalms 46:4 - Bible Ni Thothup

⁴ Bay ba lul’ ni be fek e felfelan’ i yib ko fare binaw rok Got, ko fare naun nib thothup rok fa’anem ni ir e ba Th’abi Tolang.

Psalms 46:4 Iomraidhean Croise

2 Kronicles 6:6

Machane chiney e ku gu mel’eg yu Jerusalem ni aram e gin ngu’un liyor ngog riy, me gur David e ngu’um gagiyegnag e girdi’ rog.’”

Psalms 23:2

Ma pi’ e toffan ngog u daken e ted nib galunglung e pan riy, mma pow’iyeg nga yungi ran nib machalbog ma ba mocha’.

Psalms 43:3

Mpi’ e tamilang rom nge thin rom nib riyul’ nge yib ngog, ngar pow’iyew gag miyow fulwegneg nga Zion, ko burey rom nib thothup, nge ngalan e tempel rom, ko gin ga ma par riy!

Psalms 48:1

I SOMOL e ba ga’ ma ngan pining e bin th’abi tolang e sorok ngak u lan fare binaw rok e Got rodad, ngu daken e burey rok nib thothup.

Psalms 48:8

Kad rung’aged e n’en ke rin’ Got, ma chiney ma kadguyed u lan fare binaw rok e Got rodad, ni fare SOMOL ni Gubin ma Rayag Rok; e bayi ayweg fare binaw ni dabi buch ban’en riy bi’id.

Psalms 65:9

Ga be dag ni ga be ayuweg e but’ ko n’uw ni ga be pi’; ga be fal’eg rogon be par nib yong’ol. Ka mu suguy e pi lul’ ko ran; ga be pi’ e woldug ko but’. Irera’ rogon ni ka mu rin’:

Psalms 87:3

Binaw rok Got, mu telim ko pin’en ni bfel’ nike yog ni murung’agem nike ga’ar:

Psalms 91:1

En nra yan ngak SOMOL ni nge dabi buch ban’en rok, en be par u tanggin gelngin e ayuw rok e En ni Gubin ma Rayag Rok,

Psalms 92:1

SOMOL, rib manigil ni ngan pining e magaer ngom, mi ni tang ni yibe pi’ fithingam ngalang, gur Got nib Th’abi Tolang,

Psalms 92:8

ni bochan ni gur SOMOL, e th’abi tolang ni manemus.

Psalms 93:3

SOMOL, pi t’ay e rigur nib to’ar e kar ga’ niged linganrad; kar pi’ed lamrad ngalang be chub lingan.

Eklesiastes 5:8

Dab mu gin ngay u nap’an ni ga ra guy ni am e be gafgownag e pi’in gafgow ma be siyeg ni nge rin’ e tin nib mat’aw ngorad nge tin mat’awrad. Gubin e pi ga’ ma bay u tan e gagiyeg rok be’ nib tolang ngak, ma yow bay u tan e gagiyeg rok e pi’in kab ga’ ngorow.

Isaiah 48:18

“Fa’an mang e um motoyilgad ko tin kugog nigu reg e thinriy ni ngan rin’! Ma aram e ra map’ e fla’ab nga dakenmed ni bod ba lul’ ni der mlik. Ma aram bay u mu gelgad ko mael ni bod e n’ew ni be lobeb i yib nga dep’el’ay.

Isaiah 60:14

Pifak e pi’in ur gafgow niged gur e bay rabad Ra siro’gad ngom ngar ted fam. Urngin e pi’in ni ur darifan niged gur e bay ra parawgad u to’oben rifrifen em. Bay rogned fithingam ni fare ‘Binaw rok SOMOL,’ ‘Zion, ni fare Binaw rok fare Got nib Thothup nu Israel.’

Mikah 6:6

Mang e nggu fek i yib ngak SOMOL ni Got nu tharmiy ko ngiyal’ ni gu ra yib ni nggu liyor ngak? Gur nggu fek i yib e tin th’abi fel’ pifak e garbaw ngan urfiy ni maligach ngak?

Hebrews 12:22

Machane gimed e kambad ko burey ni Zion nge fare binaw rok fare Got ni be par nib fos, ni fare Jerusalem nu tharmiy, ni bay e engel riy ni bukum i biyu’.

Revelation 21:10

Me ying fare Kan Nthothup ngog, me fekeg fare engel nga daken p’ebugul bburey nrib tolang. Me dag ngog yu Jerusalem, ni fare Binaw nib Thothup ni be yib u lan e tharmiy nga but’ nike yib rok Got,