Psalms 44:4 - Bible Ni Thothup

⁴ Gur e pilung rog nge Got rog; ga ma gelnag e girdi’ rom,

Psalms 44:4 Iomraidhean Croise

Psalms 111:6

Ke dag gelngin ko girdi’ rok ko pi binaw ni tafen piyu bang nike pi’ ngorad.

Psalms 149:2

Israel, nge felan’um, ni bochan e En ni Sunumiyem; girdi’ nu Zion, nge felfelan’med ni bochan e pilung romed!

Psalms 42:8

Yigi dag SOMOL e t’ufeg rok ni dabimus ni rran; me yag ba tang ngog nnep’, ni ba meybil ngak Got ko yafos rog.

Psalms 74:12

A Got, ya gur e pilung romad ko tobolingin i yib; bo’or yay ni kam ayuwegmad.

Psalms 89:18

A SOMOL, i gur e ka mmel’eg en nge yororiymad; gur, fare Got Nthothup nu Israel, e mu pi’ ngomad e pilung romad.

Exodus 15:6

“SOMOL, ba’ ni mat’aw i pa’am e rib th’ab feni gel; ke tet’ar e pi to’ogor kar yochyanggad.

Isaiah 33:22

Urngin e rigin ni bay u daken e pi barkow nem e ra par nib m’ay fan; ma lay riy e dabiyag ni ngan pithig! Bay da feked gubin fel’ rogon rok e pi to’ogor rodad, ni kaygi pire’ ni mus ko girdi’ ni mugutgut ma yira pi’ e f’oth rorad riy. I SOMOL e ra mang pilung rodad; Ir e bay i gagiyeg nagdad mi i yoror rodad.

Mark 1:31

Me yan Jesus ngak, me kol pa’ me suwonnag ngalang. Me chuw e gowel u daken, ma aram me tabab fare pin i ayuwegrad ko tin nge yag ngorad.

Mark 1:41

Me taganan’ Jesus ngak, me k’iyag pa’ nge math ngak me ga’ar, “Bm’agan’ug ngay, aram e ngam be’ech!”

Mark 9:25

Me guy Jesus ni be yib e girdi’ ni pire’ ngorad, me non nib gel ngak fare mo’onyan’ ni ga’ar, “I gur e re mo’onyan’ nir ni ga ma ying ko girdi’ ngar bilinggad ma dabkiyag ni ngar nonod, gu be yog ngom ni ngam chuw u fithik’ e cha’nir ma dab kum sul ngak bayay!”

Deuteronomy 7:19

Mu leam niged fapi gafgow nib gel ni mu guyed nga owchemed, nge fapi maang’ang nge fa pin’en ni un ngat ngay, nge gelngin SOMOL ni Got romed nib gel ni ir e maruwel ngay nge chuwegmed u Egypt. Bayi thang owchen urngin e girdi’ ni gimed be rus ngorad e chiney ni bod ni thang owchen piyu Egypt.

Deuteronomy 7:8

Machane gimed ba t’uf rok SOMOL ma ba’adag ni nge tay u gil’ e tin ni micheg ngak pi chitamangimed ni kakrom. Aram fan ni maruwel nga gelngin nib gel nge chuwegmed u lan yu Egypt ni um pired riy ni gimed e sib rok fare pilung nu Egypt.

Joshua 24:12

Mu gu gagiyegnag ngar rusgad u nap’an ni gimed be yan i yan nga m’on ni bochan e nge mil fa gal pilung ko pi Amorite ngar chuwgow ko nam rorow. Saydon romed nge gat’ing romed e gathi ir e gagiyegnag nge yodrom.