Psalms 43:1 - Bible Ni Thothup

¹ Got, mu gagiyeg ngan nang ndawor gu bucheg ban’en, ma ga ayuwegneg u pa’ e pi’in nde mich Got u wun’rad; mu ayuwegneg rok e girdi’ ni yad ma lifith l’ugunrad ma yad ba kireb!

Psalms 43:1 Iomraidhean Croise

2 Samuel 15:31

Nap’an nnog ngak David nike un Ahithofel ko ba’ rok Absalom e girdi’ ni ngar togopluwgad ngak, me ga’ar David, “SOMOL, wenig ngom, mu pingeg e fonow rok Ahithofel nge par ni thin ko balyang!”

2 Samuel 16:20

Me cheal Absalom ngak Ahithofel nge ga’ar ngak, “Mog ngog e tin ni ngad rin’ed.”

2 Samuel 18:8

Me wer fare cham u daken e ted i yan, ma pire’ e girdi’ ni yim’ u fithik’ e gerger ko tin nli’rad u fithik’ e cham.

Psalms 140:5

Girdi’ nib tolangan’rad e kar fal’aged ba tafich ni fan ngog; kar ted e wup rorad, ma to’oben e wo’ kar ted e pi tafich ngay ni ngar koledgag.

Psalms 26:1

A SOMOL, mog ni bfel’ e rog, ni bochan e gu be rin’ e n’en ni bfel’ ma rib pagan’ug ngom.

Psalms 35:1

SOMOL, mu togopluw ngak e pi’in yad be togopluw ngog, ma ga cham ngak e pi’in yad be cham ngog!

Psalms 35:24

A SOMOL, ga ba mat’aw, ere mogneg ni bfel’ e rog; dab mu pag e pi to’ogor rog ngar giriggad ngog.

Psalms 5:6

Ga ma thang mit urngin e pi’in ma ban ma dabum e pi’in tacham, nge girdi’ ni sasalap.

Psalms 54:3

Girdi’ nib tolngan’rad e karbadnag e cham ngog; girdi’ ndariy e runguy rorad e yad be guy rogon ni ngar thanged e pogofan rog — bogi girdi’ ni der un Got u wan’rad.

Psalms 7:7

ere mu kunuy urngin e girdi’ nga to’obem, ma ga gagiyeg u tharmiy nga dakenrad.

Psalms 7:8

Gur e tapufthin rok urngin e girdi’. SOMOL, mu duwgiliy ni gu bfel’ ya gamnang ni bfel’ e rog;

Psalms 7:9

Gur e ga ba Got ko mat’aw, ma ga ma pufthinnag lanin’mad nge ar ar romad. Mu taleg e pi’in kireb ko ngongol nib kireb ma ga tow’athnag e pi’in ni bfel’.

Psalms 71:4

Got rog, mu lageg u pa’ e pi’in kireb, ngu pa’ e pi’in darir runguyed e girdi’ nge pi’in kireb e leam rorad.

Psalms 75:7

Ya Got e ir e tapufthin, nge gechignag boch me faleg wa’athan boch.

Proverbs 22:23

I SOMOL e bayi pithig e pa’ i oloboch ni bay u puluwrad me gafgownag e yafos ko en ni be gafgownag e yafos rorad.

Proverbs 23:11

Ya SOMOL nib gel e ir e ta’ayuw rorad u tafen e puf oloboch, ni ra togopluw ngom.

Mikah 7:9

Kad denen gad nib togopluw ngak SOMOL, ere chiney e thingar da lubeged e damumuw rok boch ngiyal’. Machane tomur riy e bayi n’uf dad me yal’uweg e pi kireb ni ka ni ngongliy ngodad. Bayi chuwegdad u fithik’ e lumor nge fekdad ko tamilang, gadad ra par ni gadad bfos nge taw ko ngiyal’ nikad guyed nike thapeg dad make mat’aw nagdad.

1 Korinth 4:4

Dariy ban’en nib kireb ni be yib i magawonnag lanin’ug, machane gathi ir e kemang mich riy nri gub yal’uw. I Somol e ir e bay pufthin nigeg.

1 Peter 2:23

Ma fa’an nog e thin nib kireb ngak ma de tay puluwon ni thin nib kireb; ma fa’an nni gafgownag ma de ga’ar e bayi fulweg taban ngak e pi’in yad be gafgownag, machane me pag fan urngin ban’en ngak Got, ni ir fare Tapufthin nib mat’aw.

1 Samuel 24:15

I SOMOL e bayi pufthin, me duwgiliy ko mini’ e arodow nib kireb. Mang e yigi changar nga fithik’ e re pa’ i oloboch ney, me yoror rog, me ayuwegneg u pa’am.”