Psalms 42:3 - Bible Ni Thothup

³ Gu be yor ni rran nge nep’, ma lu’ e ke mang ggan ngog; gubin ngiyal’ ni be fitheg e pi to’ogor rog ni be lungurad, “Bu uw e Got rom?”

Psalms 42:3 Iomraidhean Croise

2 Samuel 16:12

Ya sana ra guy SOMOL e gafgow ni kug tay me pi’ e tin ni bfel’ ngog nge yan nga luwan e thin nib kireb ni be yog ngog.”

Psalms 102:9

Bochan e damumuw nge gelngin e puwan’ rom, ma aram e awat e kemang ggan rog, ma lu’ag e ke ma’thuk nga fithik’ e garbad rog. Ya ka mu chibiyeg ngalang kamun’eg nga orel.

Psalms 115:2

Mang ni be fithmad e pi nam ni yad be ga’ar, “Bu uw e Got romed?”

Psalms 143:6

Gu be meybil ngom ni kug tining pa’ag ngalang; lanin’ug e ke balel ni be fineyem ni bod e but’ nike mlik’.

Psalms 22:8

“Kam gif ngak SOMOL, ere mang ndabi ayuwegnem? Fa’anra ga bfel’ u wan’ SOMOL, me ere mang ndabi ayuwegnem?”

Psalms 3:2

Yad be yogneg ni yad be ga’ar, “Dabi ayuweg Got e cha’nem.”

Psalms 42:10

Kug parde’ ko thin nib kireb ni be yog e pi to’ogor rog ngog, ya kar pired ni yad be fith ngog ni be lungurad, “Bu uw e Got rom?”

Psalms 63:2

Mu pageg ngguyem u lan e naun rom nib thothup, mu gguy fanam gel nge fanam fla’ab.

Psalms 79:10

Mangfan ni be fithmad e pi nam, ni yad be ga’ar, “Bu uw e Got romed?” Mu gagiyegnag ngguyed ni kam gechignag e pi nam ni bochan e yad be po’ug rachaen e pi tapigpig rom.

Psalms 79:12

Somol, mu fulweg labgen ngak e pi nam ni medlip yay ni bochan urngin e thin ni kireb ni yad be rugoy ngom.

Psalms 80:5

Kam pi’ e kireban’ ngomad ni nggu wed, nge ba kap i lu’ nib ga’ ni nggu umumed.

Psalms 84:3

Mus ko arche’ ni sparrow ni yad ma toy taferad, ma arche’ ni swallow e bay taferad; yad ma tay pifakrad nib chugur ko pi altar rom, I gur SOMOL ni Gubin ma Rayag Rom, ni pilung rog ma Got rog.

Exodus 23:17

Dalip i madnom ney u reb e duw e thangri yib gubin e pumo’on romed i liyor ngog, i Gag SOMOL ni Got romed.

Joel 2:17

Pi prist ni yad be pigpig ngak SOMOL u lan e Tempel u thilin langan e mab nge altar e thingar ra yorgad miyad meybil ni lungurad, ’SOMOL, mu runguy girdi’em. Dab mu pag yugu boch e nam ngar darifan niged gamad mu ur moning niged gamad ni be lungurad, ’Bu uw e Got romed?’’

Mikah 7:10

Ma aram e bayi guy e pi to’ogor e ren’ey miyad tamra’, ni fapi to’ogor rodad ni ur moning gad ngodad ni be lungurad, “Bu uw fa’anem i SOMOL ni Got romed?” Bay da guyedrad ni kar waergad, ma yibe yot’rad nga but’ ni yad bod e rungdu’ u lan e kanawo’.

Deuteronomy 5:26

Ya mini’ e re girdi’ ni ka a rung’ag laman Got ni be par nib fos ni non u fithik’ e nifiy, ni bod ni kad rung’aged ma ka gadad be par ni gadad bfos?