Psalms 34:7 - Bible Ni Thothup

⁷ Engel rok e ma matanagiy e pi’in bay madgun SOMOL u wun’rad, me chuwegrad ko riya’.

Psalms 34:7 Iomraidhean Croise

2 Kings 19:35

Re nep’ i n’em e yan ba engel rok SOMOL ko gin be par e salthaw nu Assyria riy nge thang e pogofan rok 185,000 i yad. Ma fa’ani puf e woch ma go’ yad ba yam’ ni yad bay u rom.

2 Kings 6:17

Me meybil Elisa ni ga’ar, “SOMOL, mu bing owchen e tapigpig rog nge guy.” Me pingeg SOMOL e changar rok fare tapigpig me guy fare burey nib sug ko os nge chariot nnifiy nib liyeg e gin’en ni bay Elisa riy.

Psalms 138:3

Kam fulweg lungug u nnap’an ni gu piningem; gelngim e mu gel nigeg ngay.

Psalms 139:5

Ya ka mon’eg nga longob; ga be yoror rog.

Psalms 50:15

Mu piningedgag ko ngiyal’ nra yib e oloboch; mu gu lufmed riy, ma bay mu pininged e sorok ngog.”

Psalms 91:11

Ra pi’ Got e pi engel rok ngu’ur matanagiyed gur, ma yad be yoror rom ko gin ga be yan riy i yan.

Exodus 22:22

Dab mu gafgow niged e pi’in ke yim’ figirngirad ara bitir ni kanim’ rorad.

Exodus 22:26

Fa’an ga ra fek wuru’ e mad rok be’ ni mich riy nra fulweg e salpiy nike fek rom, ma thingar mu fulweg fare mad ngak u m’on ni nge aw e yal’,

Daniel 6:22

Got e ke l’oeg e engel rok ke yib i m’ag l’ugun fapi layon ndabiyag ni ngar rin’ed ban’en ngog. Ke rin’ ni aray rogon ya manang ndawor gu bucheg ban’en, nge bochan e dawor gu rin’ e kireb ngom i gur pilung.”

Zekariah 9:8

Bay gu matanagiy e nam rog nge dabki th’um e salthaw u daken nga barba’. Dab kugpag e girdi’ ni kireb nge gafgownag e girdi’ rog bi’id. Kug guy rogon nike gafgow e girdi’ rog.”

Matthew 18:10

“Mu guyed rogon nge dab mu darifan niged u wun’med bagayad e pi bitir ney. Ya nggog ngomed ni pi engel rorad nu tharmiy e gubin ngiyal’ ni yad bay rok e Chitamag nu tharmiy.

Luke 16:22

Me yim’ fare mo’on nib gafgow me yib e pi engel ra feked i yan nga baraba’ i to’oben Abraham ko mur u tharmiy; me yim’ fare mo’on ni pire’ ban’en rok min k’eyag.

Hebrews 1:14

Ma pi engel e yad e mang? Yad e pi kan ni yad ma pigpig ngak Got nma l’oegrad ngar ayuweged e pi’in ni ngar thapgad ngak Got.