Psalms 34:18 - Bible Ni Thothup

¹⁸ I SOMOL e ba chugur ngak e pi’in ke mulan’rad; mma ayuweg e pi’in dakriy ban’en ni be lagan’rad ngay.

Psalms 34:18 Iomraidhean Croise

2 Kings 20:5

ni nge sul ngak Hezekiah, ni ir e ma yog e thin rok e girdi’ rok SOMOL, nge ga’ar ngak, “I gag SOMOL ni Got rok e ga’ rom i David kakrom, e kug rung’ag e meybil rom ma kug guy lu’am. Bay ggol nigem, me nap’an dalip e rran ma ga yan nga Tempel.

2 Kings 22:19

ma fa’an mu rung’ag rogon ni kug leamnag ni nggu gechignag yu Jerusalem, ma ga kolngan’um me sobutan’um u p’eowcheg, ma ga guchthuy e mad rom ma ga yor. Bay gu kirebnag yu Jerusalem nge yan i par nra yib e girdi’ miyad da’da’ ngay, me yan i aw nike tabanathin, ni fa’anra nge buchwa’athan be’ minog ni nge buch wa’athan fa’anem ni bod nike buch wa’athan yu Jerusalem. Machane kug rung’ag e meybil rom,

Psalms 119:151

Machane gur, SOMOL, e ga bay u chireg ma gubin e tin mog ni ngan rin’ e dabi m’ay bi’id.

Psalms 145:18

Ma ba chugur ngak urngin e pi’in yad ma non ngak, ni yad be non ngak u fithik’ e yul’yul’.

Psalms 145:19

Pi’in bay madgun u wun’rad e ma pi’ ngorad e tin nge yag ngorad; ma rung’ag e tin yad ma wenignag ngak me ayuwegrad.

Psalms 147:3

Ma be golnag laniyan’ e pi’in ke kireban’rad ma be taflaynag e maad’ad rorad.

Psalms 18:7

Ma aram me yib e durru’ nge rur e fayleng; ma enggin e pi burey e rur ma be dada’, ni bochan e ke damumuw Got.

Psalms 51:17

Got, maligach rog ngom e subut’an ni ku gu tay; ya be’ nike kolngan’ nge fol rom e dab mu n’ag.

Psalms 75:1

A Got, gamad be pining e magaer ngom, gamad be og e magaer ngom! Gamad be weliy i yan feni sorom ma gamad be yog e pi maang’ang ni kam rin’.

Psalms 85:9

Riyul’ nra mat’awnag ngak e pi’in ni bay madgun u wan’rad, nge par e muluplup’ rog u lan e nam rodad.

Isaiah 55:6

Mu sulod ngak SOMOL ngu’um meybilgad ngak e chiney ni kab chugur ngomed.

Isaiah 57:15

“I gag fare Got nib tolang ma ba thothup, ni gu ma par ni gu fos ni urun. Gu ma par u bang nib tolang ma ba thothup, ma kug ma par ko girdi’ nib sobut’an’ ma kar pi’ed keru’rad ko kireb rorad, ya nge yag ni gu fulweg e pagan’ nge lagan’ ngorad.

Isaiah 61:1

I SOMOL ni Th’abi Tolang e ke sug nigeg ko Kan Nthothup rok. Ir e mel’egneg me pi’eg nggu wan ni nggu fek e thin ni bfel’ i yan ngak e girdi’ ni gafgow, ni nggu fal’eg laniyan’ e pi’in ke kireban’rad, mu gog ngak e pi’in ka ni fekrad nga reb e nam ni kar kalbusgad, nge pi’in yad bay u kalbus ni bay ni pagrad.

Isaiah 66:2

I gag e gu sunumiy e fayleng nge lanelang ni ga’ngin! Bfel’ u wun’ug e pi’in nib sobut’an’rad ma kar pi’ed keru’rad ko kireb, ma yad be par ni bay madgug u wun’rad ma yad be fol rog.

Ezekiel 36:26

Bay gu pi’ ba gumircha’ nib be’ech ngomed nge reb e leam nib be’ech. Bay gu chuweg gumircha’med ni bod feni el e malang mu gu pi’ ngomed ba gumircha’ nma fol.

Ezekiel 36:31

Bay yib ngan’med pangimed nib kireb nge tin tagan ni um ngongliyed, mi gimed dabuymed ni bochan e denen romed nge kireb ni um rin’ed.

Luke 4:18

“Fare Kan ni Thothup rok Somol e ke yib nga dakenag. Ke gapgep nigeg ni nggu machibnag e Thin Ni Bfel’ ngak e pi’in gafgow, ke l’oegeg ni nggog ngak e pi’in kan kolrad kan tayrad ni bay ni pagrad, mu gog ngak e pi’in malmit ni bay ra guyed ban’en, ma nggu chuweg ko gafgow e pi’in yibe gafgow nagrad,