Psalms 33:12 - Bible Ni Thothup

¹² Ba felan’ e re nam ni SOMOL e Got rorad; ba felan’ e girdi’ nike mel’egrad ni ngar manged girdi’en!

Psalms 33:12 Iomraidhean Croise

2 Samuel 20:19

Re binaw romad ney e rib manigil, reb e tin nth’abi gapas mab yul’yul’ u lan yu Israel. Ere mangfan ni ga beguy rogon ni ngam gathay? Mog, gab adag ni ngam kirebnag ban’en nib milfan ngak SOMOL?”

Psalms 135:4

Ir e ke mel’eg Jakob ni nge milfan ngak, nge girdi’ nu Israel.

Psalms 144:15

Nge falan’ e re nam nib mich u wan’rad e ran’ey; nge falan’ e pi girdi’ ni Got rorad e SOMOL.

Psalms 28:9

SOMOL, mu ayuweg girdi’em, ma ga fal’eg wa’athan e pi’in nib mil farad ngom. Mu par ni gur e tagafaliyrad, ma ga ayuwegrad ndariy n’umngin nap’an.

Psalms 65:4

Ba felan’ e pi’in ni kam mel’egrad, ni kam fekrad ni ngar pired u lan e naun rom nib thothup! Bayi gaman u wun’mad e pin’en ni bfel’ ni bay ko naun rom, ni aram fare Tempel rom nib thothup!

Exodus 34:9

Me ga’ar, “SOMOL, fa’anra rriyul’ ni gub fel’ u wun’um, ma gu be wenig ngom ni ngam un ngomad. Pi girdi’ ney e yad ba gel’an, machane wenig ngom mu n’agfan u wun’um e denen nge kireb romad, ngam pagmad nggu manged girdi’em.”

Isaiah 41:10

Dab mu tamdag, ya gu bay rom. I Gag e Got rom, dariy ban’en ni nga mu rus ngay. Bay gu gel nigem mu gu ayuwegnem; bay gu yoror rom mu gu ayuwegnem nga pa’ag nib gel.

Jeremiah 10:16

Fare Got rok Jakob e de bodrad; ya ir e sunmiy urngin ban’en, me ir e mel’eg yu Israel ni nge mang tirok e girdi’. I SOMOL ni Gubin ma Rayag Rok e ireram fithingan.

John 15:16

Gathi gimed e mmel’eged gag; ya gag e kug mel’egmed kug turguymed ni ngam marod nge yib wom’engimed ni pire’ ni fa mit i wom’ngin nma par ni dabi kireb bi’id. Ma en ni Chitamangiy e demturug e n’en ni gimed ra ning ngak u fithingag mra pi’ ngomed.

Efesus 1:4

Dawor ni sunumiy e fayleng, ma ke mu’ Got i mel’egdad rok ni ngad manged girdi’en u fithik’ Kristus, ni fan e nge yag nda thothupgad ma dariy thibngidad u p’eowchen. Bochan e gadad ba t’uf rok

Deuteronomy 32:9

Ma pi’in owchen Jakob e ir e mel’eg ni ir e nge par rok.

Deuteronomy 33:29

Israel, rib fel’ wa’atham! Dariy be’ ni bod gur, ni ba nam ni SOMOL e ke ayuweg. I SOMOL e ir e shield rom me ir e saydon rom, ni nge ayuwegnem rok e to’ogor rom me gagiyeg nigem ngam gel ngorad. Pi to’ogor rom e bay ra bad ni yad be wenig ngom ni ngam runguyrad, ma bay mu yot’yot’rad nga but’.

Titus 2:14

I ir e pi’ ir ni bochdad ni fan e nge leagdad u fithik’ urngin e kireb me ngongliydad ngad manged ba ulung i girdi’ ni kad machalboggad nib mil fadad ngak me pasigan’dad ni ngad rin’ed e tin ni bfel’.

1 Peter 2:9

Machane gimed girdi’en fare nam nike mel’egmed Got, ni gimed e pi prist rok e en ni Pilung, ma gimed fare nam ni gimed ba thothup, ni gimed girdi’en Got, ni mel’egmed Got ni ngam wereged murung’agen e n’en nrib fel’ nike ngongliy Got, ni ir e piningmed u fithik’ e lumor ngambad nga fithik’ e tamilang rok nrib fel’.