Psalms 32:5 - Bible Ni Thothup

⁵ Ma aram mu gu weliy e denen rog ngom; da gu mithag rom e tin kireb ni ku gu rin’. Gu turguy u wun’ug ni nggu weliy e pi denen rog ngom, ma ga n’ag fan urngin e kireb rog.

Psalms 32:5 Iomraidhean Croise

2 Samuel 12:13

Me ga’ar David, “Kug ngongliy e denen nib togopluw ngak SOMOL.” Me fulweg Nathan ni ga’ar, “I SOMOL e ke n’ag fan e denen rom; ma dab ku mum’.

2 Samuel 12:9

Mangfan nda kum fol ko fapi motochiyel ni kug pi’ ni ngu’un fol riy? Mangfan ni kam rin’ e biney e kireb? Kam makathnag Uriah kan li’ ko mael; ni gur e mpag e pi Ammon ngar li’ed, nge mu’ ma ga fek le’engin ngam le’ay!

2 Samuel 24:10

Machane nga tomuren nike mu’ David i the’eg e girdi’ ni gubin, me par laniyan’ ndariy e gapas riy, me ga’ar ngak SOMOL, “Kug ngongliy ba denen nrib kireb ko ren’ey ni kug rin’! Wenig ngom, mu n’agfan rog. Bbalyang e ngongol ni kug tay.”

2 Samuel 24:17

Me guy David fare engel ni be thang e fan rok e girdi’, me ga’ar ngak SOMOL, “I gag e ba kireb e rog. I gag e kug rin’ e kireb. Mang e ke bucheg e pi girdi’ ni gafgow ney? Susun e gag nge tabnaw rog e ngam gechignag.”

1 Kings 8:50

Ma ga n’ag fan u wun’um urngin e denen rorad nge togopluw rorad ngom, ma ga gagiyegnag e to’ogor rorad ngar golgad ngorad.

2 Kronicles 6:29

ma ga motoyil ko pi meybil rorad. Fa’anra gafgow laniyan’ boch i yad e girdi’ rom nu Israel miyad pug pa’rad nruw raba’ ngalang ni yad ba sap ko re Tempel ney ngar meybilgad,

Ezra 10:11

Ere chiney e ngam weliyed e kireb romed ngak SOMOL, ni fare Got rok e pi ga’ romed, mi gimed rin’ e tin ni bfel’ u wan’. Mu pithged gimed rok e girdi’ nu boch e nam ni yad be par u lan e nam rodad mi gimed n’ag pi le’engimed ni girdi’ nu bang.”

BABYOR NI JOB 31:33

Boch e girdi’ e yad ma guy rogon ni ngar mitheged e denen rorad, ma gag e da gur mithag e denen rog.

BABYOR NI JOB 33:27

Ra yog u fithik’ e yo’or ni nge ga’ar, “Kug denen. Ngongol rog e de mat’aw, machane de thangeg Got.

Psalms 103:12

Rogon feni mal’af e ngek ko ngal, e aram feni mal’af nra chuweg e denen rodad rodad.

Psalms 103:3

Ma n’ag fan u wan’ urngin e denen rog mma faseg urngin e liliy nike yib ngog;

Psalms 25:16

Mu sap ngog, SOMOL, ngam runguyeg, ya ma’agirag gag ma kug gafgow.

Psalms 25:18

Mu leamnag urngin e gafgow nike tay lanin’ug nge gafgow ni kug tay, ma ga n’ag fan urngin e denen rog.

Psalms 30:5

Ya damumuw rok e ta’boch ngiyal’, ma feni gol e nap’an e yafos. Ra map e lu’ nnep’, me yib e felelan’ ni kadbul.

Psalms 38:18

Kugog e pi denen rog ngom; ma ku gu kal ngan’ug riy.

Psalms 38:19

Pi to’ogor rog e ba gel; ma bo’or i yad e be fenanikayeg ndariy tapgin.

Psalms 51:6

Tafinay nib yul’yul’ e ir e ga ba’adag; mu suguy lanin’ug ko gonop rom.

Psalms 86:15

Machane gur Somol e ga ba Got nri gama runguy ma bt’uf e girdi’ rom, gubin ngiyal’ ni ga ba gumaen’, gubin ngiyal’ ni ga ba gol ma ga ba yul’yul’.

Psalms 86:5

Gur e gab gol ngomad ma ga ma n’agfan u wun’um e kireb romad, ma gubin e pi’in yad ma meybil ngom e yad ba sug ko fare t’ufeg rom ni dabimus.

Proverbs 28:13

Dabi fel’ rogon e yafos rom ni fa’anra ga be guy rogon ni ngam mithag e pi denen rom. Mu puwofaynag ma ga pithig pa’am riy; me wurngan’ Got ngom.

Proverbs 30:20

Ba’aray rogon e ngongol rok le’engin be’ nde yul’yul’: ma iling, me maluk me ga’ar, “Machane dariy ban’en nib kireb ni ku gu rin’!”

Isaiah 65:24

Ra dawor ra mu’gad ko meybil ngog, mu gu fulweg taban e meybil rorad.

Jeremiah 2:23

Ra di’in ma gog ndawor mu alit nigem, ni dariy bi’id ni kam tayfan Baal? Mu sap nga rogon ni kam denen u lan e loway; a mu sap ko n’en ni ka mu rin’. Ga bod ba kamel ni malboch nike puw e darngal rok, ni dariy gufan ni be burtel,

Jeremiah 2:35

machane be lungum, ‘Dawor gu bucheg ban’en; mmudugil ni gathi ka be damumuw SOMOL ngog.’ Machane Gag SOMOL e bay gu gechig nigem ni bochan e ke lungum e dawor mu denen.

Jeremiah 3:13

Kemus ni ngamog ni rriyul’ ni gur e ba kireb e rom ma rriyul’ ni ku’um togopluw ngak SOMOL ni Got rom. Mog nga tamilang ni tanggin urngin e gik’iy nib galunglung ma um t’ufeg yug boch e got nu bang riy ni da kum fol ko tin gog. I Gag SOMOL e gu be non.

Jeremiah 31:20

“Israel, i gur fakag nri gab t’uf rog, nri gur e th’abi t’uf rog. Gubin ngiyal’ ni gu ra yog fithingam mu gu leam nigem nri gab t’uf rog. Lanin’ug e be un ngom; ri bay gu runguyem.

Hosea 6:1

Be ga’ar e girdi’, “Ngad sulod ngak SOMOL. Ke popofdad, machane ku bayi faseg e maad’ad rodad; ke maad’ad ngodad; machane bayi m’ag e mad ko yungi n’en nike maad’ad u dowdad.

Levitikus 5:5

Nnap’an ra bucheg be’ reb e pi denen n’ey, ma aram e thangri puwofaynag e denen rok,

Malaki 3:8

Nggu fithmed, gur bmat’aw ni nge mororo’ be’ ngak Got? Dangay, machane gimed be mororo’ ngog. Ma gimed be fith ni be lungumed, ‘Uw rogon ni kug mororo’ gad?’ Ko ragag e pasent ko tin bay romed nge tin ngam ognaged.

Luke 16:15

Me ga’ar Jesus ngorad, “Gimed e pi’in gimed be dake moding niged gimed u p’eowchen e girdi’, machane Got e manang lanin’med. Ya n’en nma tafinaynag e girdi’ ni ir e th’abi ga’ fan e ban’en ndariyfan u p’eowchen Got.

Luke 7:47

Ere nggog ngom ni gelngin nri gub t’uf rok nike dag e ir e ke micheg ni denen rok nib pire’ e ke m’ayfan. Machane cha’ ni bochu’uw e denen rok ni ke m’ayfan, e ri bochu’uw e t’ufeg ni be dag.”

Efesus 4:32

Machane um golgad ngomed, me bigimed me munguy ngak bigimed, mu um n’iged fan u wun’med e tin nib kireb nike rin’ bigimed ngak bigimed, ni bod rogon Got ni bochan Kristus ma aram fan nike n’ag fan u wan’ e kireb ni kam rin’ed.

Joshua 7:19

Me ga’ar Joshua ngak, “Fakag, mog e tin riyul’ u roy u p’eowchen SOMOL, ni Got nu Israel, mu weliy e kireb rom. Mog ngog e chiney e n’en kam rin’. Dab mu guy rogon ni ngam mithag rog.”