Psalms 27:6 - Bible Ni Thothup

⁶ Pi to’ogor rog ni karon’edgag nga longob e bay gu uf ni kug gel ngorad. Bay ug pi’ e maligach ngak SOMOL u lan e Tempel rok ni kug pi’ lamag ngalang u fithik’ e felfelan’; bay gu tang, bay gu pining e sorok ngak SOMOL!

Psalms 27:6 Iomraidhean Croise

Genesis 40:13

Ka dalip e rran me chuwegem Farao u kalbus me n’ag fan e kireb rom u wan’, me fulwegem ko maruwel rom; bay um pi’ ngak Farao e kap rok ni bod rogon ni um rin’ faram ko fa ngiyal’nem ni um pu’og e wayin nga kap rok.

Genesis 40:20

Ma rofen ni gaman e dalip ngay, ma aram e rofen nike taw ko rran nni gargeleg Farao, me ngongliy Farao e mur ni fen urngin e pi tolang ni yad bay u tan pa’; me fek fa’anem nma pu’og e wayin nga kap rok i yib nga p’eowchen fapi tolang, nge fa’anem ni ir pilungen e lum flowa rok.

2 Samuel 22:1

Irera’ fare tang ni yin’ David ngak SOMOL ko fa ngiyal’nem ni ayuweg SOMOL David u pa’ Saul ngu pa’ yugu boch e pi to’ogor rok. I ga’ar:

2 Samuel 22:49

ma chuwegneg u pa’ e pi to’ogor rog. SOMOL, i gur e ga ma gagiyeg nigeg ngug gel ngak e pi to’ogor rog, ma ga ma yororiyeg rok e pi’in yad ma cham ngog.

2 Samuel 7:9

Gubin yang ni um man riy i yan ma gu bay rom, me gag e kug li’ urngin e pi to’ogor rom u fithik’ e mael. Bay gu gagiyeg nigem ngam gilbugwan ni bod e pi’in yad ma yog e thin ni yad e ba ga’ lungrad u fayleng.

2 Kings 25:27

U lan e re duw ni pilung Evilmerodak nu Babylonia, me runguy Jehoyakin ni Pilung nu Judah nge pag u kalbus. I rin’ ko chirofen ni rliw’ nge medlip, ko bin ragag nge l’agruw e pul ko bin guyey nge medlip e duw ni kani fek Jehoyakin nga Babylonia ni nge kalbus.

1 Kronicles 22:18

Me ga’ar, “I SOMOL ni Got rom e ke par rom ma ke awnag e gapas u gubin yang u to’obem. I pageg nge gel lungug ko gubin e girdi’ ni ur pired e lan e re nam ney, ma chiney e ke mil farad ngak SOMOL nge gur.

Psalms 107:22

Thingar ra urfiyed e gamanman ngar pi’ed ngak ni maligach ni aram e yad be pining e magaer ngak, miyad tang u fithik’ e felfelan’ ngar weliyed urngin e tin ke rin’!

Psalms 110:7

Re pilung nem e bayi unum e ran ko fachpa’ i lul’ u charen e wo’, me yib gelngin, me par ni ir e ke gel ko mael.

Psalms 119:108

A SOMOL, nge fel’ u wun’um e meybil rog ni gu be pining e magaer ngom, ma ga fil ngog e tin kamog ni ngan rin’.

Psalms 138:5

Bay ra tang niged murung’agen e tin kam rin’ nge murung’agen feni gilbugwam.

Psalms 21:1

A SOMOL, kefel’ u wan’ e en pilung ni kam pi’ gelngin; ke felfelan’ ni bochan e kam gelnag ko pi mael.

Psalms 21:13

SOMOL, gamad be pining e sorok ngom, ni fan gelngim nib gel Bay gu tang niged feni sorom nge fanam gel.

Psalms 3:3

Machane gur SOMOL, e rungrung rog ko riya’ ni gubin ngiyal’; ga ma gel nigeg ma ga ma fulweg e athamgil nga lanin’ug.

Psalms 3:4

Gu yornag e ayuw ngak SOMOL, me fulweg taban e meybil rog ko fare burey rok nib thothup.

Psalms 47:1

Girdi’en urngin e nam, mu waywaygad ko felfelan’! Mu pininged e magaer nge sorok ngak Got u fithik’ e tang ni ba ga’ lammed!

Psalms 57:8

Lanin’ug mu od! Talin e musik rog ni harp nge lyre mu odgow! Bay gu pug e yal’ nge od.

Psalms 81:1

Mu tolul niged e felfelan’ ngak Got nma n’ufegdad; mu tang niged e sorok ngak fare Got rok Jakob!

Psalms 95:1

Mired, ngad pininged e sorok ngak SOMOL! Ngad tang niged Got u fithik’ e felfelan’, ya ir e be yororiydad!

Isaiah 12:6

Urngin e girdi’ nma par u Zion e nge tolul ngalang me tang! Got nib thothup rok piyu Israel e ba sorok, mma par u fithik’ e girdi’ rok.”

Jeremiah 31:7

Be ga’ar SOMOL, “Mu tang niged e felfelan’ ni fan ngak yu Israel, ni ir fare nam nib th’abi sorok u fithik’ urngin e pi nam. Mon’ed e tang romed ni gimed be pining e sorok ngak ni nge lungumed, ‘I SOMOL e ke ayuweg e girdi’ rok, ma pi’in ni magay e lagrad nde buch ban’en rorad.’

Jeremiah 33:11

laman e felfelan’ nge garus nge laman e felfelan’ ko madnom ko m’agpa’. Ga ra rung’ag laman e girdi’ ni yad be tang ko ngiyal’ ni yad be fek e maligach ko ogmagaer ngalan e Tempel rog; bayi lungrad, ‘Ngan pining e magaer ngak SOMOL ni Gubin ma Rayag Rok, ni bochan e ba gol ma t’ufeg rok e dabimus.’ Bay gu fal’eg rogon e re nam ney ni bod rogon ko som’on. I Gag SOMOL e kugog e pi thin ney.”

Zekariah 9:9

Gimed e girdi’ nu Zion, mfelfelan’gad, mfelfelan’gad! Gimed e girdi’ nu Jerusalem, mu garus niged e felfelan’! Mu sapgad, pilung romed e be yib ngomed! Be yib nib felfelan’ ya ma gel ko pi to’ogor rok, machane ba sobut’an’, ma ke yib nike af nga daken ba dongki, ke af nga daken ba fak e dongki.

Hebrews 13:15

Ere ngu’ud pininged e magaer nge sorok’ ngak Got ni gubin ngiyal’ ni ir e maligach rodad ngak u daken Jesus; ni aram e re maligach ni gad be pi’ u dap’ilangdad ni gadad be yog ni ir e Somol.

1 Peter 2:5

Mired nrogon e malang nib fos ngam pi’ed gimed ngan fanaymed ko Tempel ni yibe toy ni Tempel ni bfel’ u wan’ Got, ni ir e bay mu pigpiggad riy ni bod rogon e pi prist ni yad ba thothup, ni ngam pi’ed ngak Got lanin’med ni be gagiyegnag fare Kan Nthothup nge pi maligach nib m’agan’ Got ngay u daken Jesus Kristus.

Revelation 15:3

ni yad be yin’ fare tang rok Moses, ni ir fare tapigpig rok Got, nge fare tang rok fare Fak e Saf, ni ga’ar: “Somol ni Got, ni Gubin ma Rayag Rok, rib sorom ngarogon feni fel’ e ngongol rom! Me gur e Pilung rok gubin e nam, rib mat’aw ma ba riyul’ e tirom e kanawo’!

Revelation 5:9

Miyad yin’ ba tang nib be’ech ni ga’ar: “I gur e bay rogom ni ngam fek fare gi babyor ni kan bachiy ngam guchthuy fapi hang riy. Ya nli’em nga mum’, ma racha’em ni map’ u kuruth e ir e mu chuw’iy e girdi’ ngay ni ngar manged girdi’en Got, ni girdi’ u urngin e ganong, nge thin, nge gubin mit e girdi’, nge nam.