Psalms 25:5 - Bible Ni Thothup

⁵ Mfil ngog ngu’ug par ni gu ba yal’uw ko thin rom; ya gur e Got rog, ni ga ma aywegeg. Pagan’ug ngom ni gubin ngiyal’.

Psalms 25:5 Iomraidhean Croise

Genesis 49:18

“SOMOL, gu be sonnag e ayuw ni bay mpi’.

Nehemiah 9:20

U mog ngorad e n’en ni ngar rin’ed ni bochan e gab gol; um durwi’iyrad ko manna mu’um pi’ e ran ni ngar unumed.

BABYOR NI JOB 36:22

Mu leamnag rogon feni ga’ gelngin Got; i ir ere sensey th’abi ga’.

Psalms 107:7

Ya pow’iyrad u ba kanawo’ nib k’iy, nga bbinaw ni ir e ngar pired riy.

Psalms 119:26

Kugog ngom urngin e tin gu rin’, ma ka mu fulweg lungug; mu fil ngog e yu pa’ i kanawo’ rom.

Psalms 119:33

SOMOL, mu fil ngog fan e pi motochiyel rom, mu gu fol riy ni gubin ngiyal’.

Psalms 119:66

Mu pi’ ngog e gonop nge llowan’, ni bochan e ba pagan’ug ko tin kam ta’chiylen.

Psalms 119:97

Rib t’uf rog e motochiyel rom! Gu ma par ni gu ma leamnag ni polo’ e rran.

Psalms 22:2

Ra rran mu gu piningem, I gur Got rog, machane damur fulweg lamag; gu be piningem nnep’, ma daryag ni nggu toffan.

Psalms 24:5

SOMOL e bayi fal’eg wa’athrad me mat’aw nagrad ngak; I Got e bayi yog ni bfel’ e rorad.

Psalms 25:10

Ma pow’iyrad i yan ni yad ba t’uf rok ma ba yul’yul’ ngorad, ni urngin e pi’in yad ma falwok ko motochiyel rok ma yad ma fol ko tin ni yog.

Psalms 25:8

SOMOL e mmat’aw ma bfel’; mma fil ngak e pi tadenen e kanawo’ ni ngar leked.

Psalms 68:20

Got rodad e ba Got nma thapegey; ir e SOMOL, ni Somol rodad, nma lagdad ko yam’.

Psalms 79:9

A Got, mu aywegmad nge pogofan romad; mu ayuwegmad ma ga n’agfan u wun’um e denen romad ni bochan fithingam ni nge par nib gil.

Psalms 86:3

Mu runguyeg, ya gur e Got rog; gu be meybil ngom nib polo’ e rran.

Psalms 88:1

SOMOL ni Got, ni ta’ayuw rog, gu be yor ngalang ni polo’ e rran, me nep’ mu gub nga p’eowchem.

Proverbs 23:17

Dabi awan’um ko girdi’ ni tadenen; nge par ni madgun SOMOL e ngam lik’eg u lan e yafos rom.

Proverbs 8:34

En nra rung’ag e tin gu be yog e ra felfelan’, ni en nra par u langan e mab rog ni gubin e rran, ni be son u langan e mab ko naun rog.

Isaiah 30:18

Machane SOMOL e be son nagmed ni ngam sulod ngak me ayuwegmed. Ba’adag ni nge runguymed, ya gubin ngiyal’ nma rin’ e tin nib mat’aw. Ba felfelan’ e pi’in nike pagan’rad ngak SOMOL.

Isaiah 35:8

Bayi sum ba pa’ i kanawo’ ni ba ga’ riy, ni fithingan ni bay u nog e “Kanawo’en e Thothup.” Dariy ba tadenen nra yan u daken e re kanawo’ nem; girdi’ ni be yan u daken e re kanawo’ nem e dakuriy be’ nib balyang nra waliyrad ko kireb.

Isaiah 42:16

“Girdi’ rog ni yad ba ma’ew e bay gu pow’iyrad u daken yu pa’ i kanawo’ ndawor ra milekaggad riy. Lumor ni yad be par u fithik’ e bay gu pingeg nge ngal’ ni tamilang, ma yungi n’en nib mododongol ni bay nga m’on rorad e bay gu pacheag. Pin’ey e gu micheg, ni ri gu ra rin’.

Isaiah 49:10

ni dabki yib e bilig nge belel ngorad. Yal’ nge gowelngin e yal’ u lan e ted ni desert e dab ku ra gafgowgad riy, ya fa’anem ni yad bt’uf rok e bay i pow’iyrad. Bayi pow’iyrad nga bogi alublub.

Isaiah 54:13

“I gag e bay gu machibnag e girdi’ rom, mu gu pi’ e fel’ rogon nge gapas ngorad.

Jeremiah 31:9

Girdi’ rog e bay ra sulod ni yad be yor, bay gu fekrad i yib ni yad be meybil. Bay gu pow’iyrad nga yu pa’ i lul’, mu gu fekrad u daken ba pa’ i kanawo’ nib pach ndabi tun ayrad riy. Gu bod ba matam ngak piyu Israel, ni Efraim e ir e bin nganni’ e pumo’on ni fakag.”

Mikah 7:7

Machane gag e gu be toer ngak SOMOL. Bay ug par nike l’agan’ug ngak Got ma gu be son nag, ya ir e bayi ayuwegneg; Got rog e bayi rung’ag lungug.

Luke 18:7

Gimed be finey ma dabi turguy Got e tin ni ir e bmat’aw nra fel’ rogon e tirok’ e girdi’ riy ni pi’in yad be wenig ngak ni rran nge neap’ ni nge ayuwegrad? Gimed be finey ma ba sowath nra ayuwegrad?

John 14:26

Ma en ni bay i ayuwegmed e aram fare Kan Nthothup ni en ni Chitamangiy e bayi l’oeg nge yib ni owcheg, ma bayi fil urngin ban’en ngomed, me ayuwegmed nge mit ngomed urngin e tin kug weliy ngomed.

John 16:13

Ngiyal’ nra yib fare Kan Nthothup nma dag e tin riyul’ e bayi pow’iymed ngam nanged urngin e tin riyul’. Gathi tin be leamnag e ra weliy ngomed, ya tin ke rung’ag e ra weliy ngomed, mra weliy ngomed e pin’en ni bay yib.

John 6:45

Pi profet e ra yoloyed ni lungurad, ‘Got e bayi machibnag urngin e girdi’.’ Urngin e pi’in nrung’aged e thin ko en ni Chitamangiy me mit e tin nike yog ngorad e bay rabad ngog.

Roma 8:14

Pi’in be pow’iyrad fare Kan ni Thothup rok Got e yad pifak Got.

1 John 2:27

Machane gimed e ke pi’ Kristus e Kan Nthothup rok ngomed. N’umngin nap’an ni be par e Kan Nthothup rok romed e dariy rogon ni nge yib be’ i fil ban’en ngomed. Ya fare Kan Nthothup e be fil ngomed murung’agen urngin ban’en, ma tin be fil ngomed e ba riyul’, ma gathi de riyul’. Ere mfolgad ko tin be fil e Kan Nthothup ngomed ngam pired u fithik’ Kristus.

Revelation 7:17

ya fare Fak e Saf ni bay u lulukngun i tagil’ e ir e bay i gafaliyrad ni bod e en nma gafaliy e saf, me pow’iyrad ko fapi alublub ni bay e ran ko yafos riy; ma bay n’ag Got e lu’ u owcherad.”