Psalms 23:1 - Bible Ni Thothup

¹ I SOMOL e be gafaliyeg ni bod ba tagafaliy e saf; dakuriy ban’en ngabang ni nge yag ngog.

Psalms 23:1 Iomraidhean Croise

Psalms 34:11

Mired, pifakag, ngam telmed ngog, nggu fil ngomed ni ngu’um pired ni bay madgun SOMOL u wun’med.

Psalms 78:52

Ma aram me gafaliy e girdi’ rok nga wuru’ yu Egypt ni bod ba tagafaliy e saf ni pow’iyrad u daken e ted ni desert.

Psalms 79:13

Ma aram e gamad e tirom e girdi’ e gamad e saf rom, e bay gu pininged e magaer ngom ndariy n’umngin nap’an, nge sorok i yan ngaram.

Psalms 84:11

I SOMOL e ir e yoror rodad, me ir ba pilung nib maluplup, ir e ma tow’ath nagdad ko runguy nge tayfan. Der ma siyeg ban’en ni bfel’ ni nge pi’ ngak e pi’in yad be rin’ e n’en nib mat’aw.

Isaiah 40:11

Bay i ayuweg fa ran’ i saf rok ni bod rogon be’ nma gafaliy e saf; bayi kunuy fapi fak e saf nga ta’bang, ngi i fekrad nike dibeyrad; bayi pow’iy e pi chitiningrad nib saf’og.

Jeremiah 31:10

Be ga’ar SOMOL, “Mmotoyil gad e pi nam ngog mi gimed weliy e thin rog ko pi nam nib orel nib liyeg e day. I gag e gu wereg piyu Israel i yan, machane bay gu kunuyrad, mu gu matanagiyrad ni bod ba tagafaliy e saf ni be matanagiy e saf rok.

Ezekiel 34:14

Bay gu gagiyeg nagrad ngu’ur ked e pan ko yungi n’en ni bay e pan riy u daken e pi burey ngu lan e pi loway ndabi buch ban’en rorad, ngu urngin yang ni bay e pan riy nib galunglung u lan e nam nu Israel.

Mikah 5:2

Be ga’ar SOMOL, “Bethlehem Efrathah, i gur reb fapi binaw nth’abi achig u lan yu Judah. Machane be’ u wur e bay gu fek nggu tay ni nge gagiyegnag yu Israel, ni be’ ni bay e tha’ ko tabnaw rok i yan nga tomur ko tin kakrom e rran.”

Mikah 5:4

Nap’an nra yib, ma bayi gagiyegnag e girdi’ u ba gelngin ni SOMOL e ra yib rok nge rargon lungun SOMOL ni Got. Ma girdi’ rok e bay ur pired ndabki buch ban’en rorad, ya girdi’ u gubin yang u fayleng e bayi puluw u wan’rad feni sorok,

Matthew 6:33

Ere ngam m’oneged u wun’med e gagiyeg rok Got nge tin nib m’agan’ ngay ni ngam rin’ed, ma arame urngin e pin’ey nra pi’ ngomed.

John 10:11

“I gag fa’anem ni bfel’ rogon ni gu ma gafaliy e saf. En nma gafaliy e saf ni bfel’ rogon e dabisiyeg ni nge yim’ ni fan ko fapi saf.

John 10:14

I gag fa’anem ni bfel’ rogon ni gu ma gafaliy e saf. Rogon ni manangeg e en ni Chitamangiy ma gu manang e en ni Chitamangiy e ku aram rogon ni gu manang e saf rog ma yad manangeg. Ma dab gu siyeg ni nggum’ ni fan ngorad.

Roma 8:32

Mus ngak Fak me pi’ ni fan ngodad ni gadad gubin nde yag ni nge tel! Ke pi’ Fak ngodad — ere gathi ku ra pi’ urngin ban’en ngodad ndariy puluwon?

Filippi 4:19

Ma Got rog ni pire’ ban’en rok e bayi pi’ ngomed u daken Jesus Kristus urngin e tin ni gimed be gafgow riy.

Hebrews 13:20

I Got e ke faseg e Somol rodad i Jesus ko yam’, ni ir e en Ga’ ni Tagafiy e Saf ni bochan racha’en, ni ir fare m’ag ni bayi par ndariy n’umngin nap’an.

1 Peter 2:25

Ya um moyed ni gimed bod e pi saf ni kar olobochgad; machane chiney e kan fulwegmed ni ngu’um leked Fa’anem ni ir e ma gafaliy e saf me ir e ma ayuweg lanin’med.

1 Peter 5:4

Ya nge yib i m’ug e Cha’ ni ir Pilungen e pi’in yad ma gafaliy e saf me yag ngomed fare te’eliyaw ko fla’ab ni dabi math ram’en bi’id.

Revelation 7:17

ya fare Fak e Saf ni bay u lulukngun i tagil’ e ir e bay i gafaliyrad ni bod e en nma gafaliy e saf, me pow’iyrad ko fapi alublub ni bay e ran ko yafos riy; ma bay n’ag Got e lu’ u owcherad.”