Psalms 22:23 - Bible Ni Thothup

²³ “Mu pininged e sorok ngak, gimed e pi tapigpig rok SOMOL! Mi gimed gilnag buguwan, gimed e pi’in ni owchen Jakob! Mi gimed liyor ngak, gimed e girdi’ nu Israel!

Psalms 22:23 Iomraidhean Croise

Psalms 106:5

Mu pageg ngug guy e girdi’ rom ni nge fel’ rogorad mug un ko felfelan’ ko nam rom, u fithik’ e uf uf ko pi’in nib mil farad ngom.

Psalms 109:30

Bay gu pining e magaer ngak SOMOL nib ga’ lamag; bay gu pining e sorok ngak u fithik’ e girdi’ nike mu’ulung,

Psalms 111:1

Ngan pining e Sorok ngak SOMOL! U polo’ i gumircha’eg e nggu pining e magaer riy ngak SOMOL u lan e mu’ulung ko girdi’ rok.

Psalms 115:11

Gimed urngin e pi’in bay madgun SOMOL u wun’med, um pired nib pagan’med ngak! Ya ir e be ayuwegmed ma be yoror romed.

Psalms 115:13

Bayi fal’eg wa’athan urngin e pi’in bay madgun u wun’rad, ni ta’reb rogon e pi’in tolang nge pi’in sobut’.

Psalms 145:19

Pi’in bay madgun u wun’rad e ma pi’ ngorad e tin nge yag ngorad; ma rung’ag e tin yad ma wenignag ngak me ayuwegrad.

Psalms 22:30

pi mfen ni bay rabad e bay ra pigpiggad ngak; girdi’ e bay ra weliyed murung’agen SOMOL ngak e tin bay yib e mfen.

Psalms 26:12

Gub gilaf ko gubin e riya’; gu pining e sorok ngak SOMOL u lan e ulung ko girdi’ rok.

Psalms 33:8

Fayleng ni polo’, mu pired ni bay madgun SOMOL u wun’um. Gimed girdi’en urngin e nam nu fayleng, mu ngatgad ngak!

Psalms 35:18

Ma aram e bay gu pining e magaer ngom u lane mu’ulung rok pi girdi’em; Bay gu pining e sorok ngom u p’eowcherad ni yad gubin.

Psalms 50:23

Ogmagaer e ire re maligach nri ma tayfag, ma rib mich ni gu ra ayweg e pi’in yad ma fol rog.”

Psalms 86:12

A Somol ni Got rog, bay gu pining e sorok ngom u polo’ i gumircha’eg; bay ggilnag fithingam ni dariy n’umning nap’an.

Isaiah 25:3

Girdi’en e pi nam nib gel gelngin e bay ur pininged e sorok ngom; gur e bay un rus ngom u lan e pi binaw ko fapi nam nib kireb e leam rorad.

Luke 1:50

ma runguy urngin e pi’in bay madgun u wun’rad u reb e mfen nga reb.

Luke 2:20

Me sul fa pi’in yad ma gafaliy e gamanman, ni yad be tang ni aram e yad be pining e sorok ngak Got u urngin e tin ni kar rung’aged nge tin ni kar guyed; ya rogon ni yog fare engel ngorad e aram rogon nra pir’eged.

1 Korinth 10:31

Demturug e n’en ni gimed ra rin’, ndemturug ko ngam abichgad ara ngam garbodgad, ma urngin ni ngam rin’ed ni fan e nganog e sorok riy ngak Got.

Revelation 15:4

Somol, i mini’ e dabi yib madgum ngak? Mini’ e en nra siyeg ni nge dabi weliy murung’agem nib sorom? Ya kemus ni go’ gur e gab thothup. Ya urngin e nam ni bay rabad ngar ted fam miyad siro’ ngom u p’eowchem, ya ngongol rom nib mat’aw e urngin e girdi’ ni kar guyed.”