Psalms 2:1 - Bible Ni Thothup

¹ Mangfan nike puruy’ e pi nam ni ngar togopluwgad? Mangfan ni yad be makath nib m’ay fan?

Psalms 2:1 Iomraidhean Croise

Psalms 18:42

Kug parsiyrad, kar ngal’gad ni ab nra thoyrad e nifeng miyad chuw. Gu be yot’yot’rad ni bod e bar u lan yupa’ i kanawo’.

Psalms 21:11

Yad be puruy’nag e tin ba kireb nib togopluw ngak, machane dabi m’ag ngabang.

Psalms 46:6

Ke m’age marus e pi nam, ma gil’ilungun e pi pilung e ke morur; me non Got ni be chob ndirra’, me ranran e fayleng.

Psalms 46:7

I SOMOL ni Gubin ma Rayag Rok e bay rodad; fare Got rok Jakob e ir e yoror rodad!

Psalms 57:9

Somol, bay gu pining e magaer ngom u fithik’ e pi nam. Bay gu pining e sorok ngom u fithik’ e girdi’.

Psalms 74:23

Dab mu pagtalin e pi tolul u fithik’ e damumuw ni be tay e pi to’ogor rom! Nge pi meyngar ni dertal ni be tay e pi tagopluw rom!

Psalms 83:3

Yad be puruy’ nib mith nib togopluw ngak e tirom e girdi’; yad be makath nib togopluw ngak e pi’in ga ma yororiyrad.

Isaiah 8:9

Gimed e pi nam, mu’ulunggad nga ta’bang u fithik’ e marus! Gimed e pi nam nu fayleng ni gimed ba orel, mu telmed! Mu fal’eged rogomed ni ngam marod ko mael, machane ngam rusgad! Mu fal’eged rogomed, machane ngam rusgad!

Matthew 21:38

Ma fa’ani guy fa pi’in kar ninged fa gi woldug fare pagel ni fak fa’anem me lungurad rorad, ‘Ireray fak fa’anem ni ir e suwon e gi woldug ney. Marod ngad li’ed ngem’, ma gadad tafnay tafen!’

Luke 18:32

Bay ni pi’ ngak e pi’in gathi yad piyu Israel, ngu’ur moning niged, ma yad be yog e thin nib kireb ngak, ma yad be thuw nga daken.

Luke 22:5

Miyad felan’ mrogned ngak ni ngar pi’ed e salpiy ngak ni puluwon.

Acts 16:22

Miki togopluw fapi girdi’ ni yo’or ngorow; me guchthuy fapi tolang e mad u daken Paul nge Silas, ma rogned ni ngan toyrow ko dumow.

Acts 5:33

Ma fa’ani rung’ag girdi’en fare ulung e re bugithin ney me ri gel e damumuw ngorad, miyad duwgiliy ni ngan thang e pogofan rok fapi apostel.

Revelation 17:14

Bay ra chamgad ngak fare Fak e Saf; machane fare Fak e Saf nge pi’in ke piningrad nike mel’egrad, ni pi’in yad ba yul’yul’ ma yad be un ngak e bay ra gelgad ngorad, ya ir e Somol ko pi somol nge Pilung ko pi pilung.”