Psalms 19:9 - Bible Ni Thothup

⁹ Madgun SOMOL ni bay u wun’uy e bfel’, ya ra par ndabi m’ay bi’id; urngin e tin ma turguy SOMOL e ba yal’uw, ya gubin ngiyal’ nma yan i aw nrogon.

Psalms 19:9 Iomraidhean Croise

Genesis 22:12

Me ga’ar fare engel, “Dab mu maad’ad ngak e chi pagel nir ara mrin’ ban’en ngak. Kug nang e chiney nib magan’um ngay ni ngam fol rok Got, ya fakam ni kari maagirag rom e da mu tel rok.”

Genesis 42:18

Me gaman e dalip fen riy me ga’ar Josef ngorad, “I gag be’ ni bay madgun Got u wun’ug, ere bay gu ayweg e pogofan romed ni dabi thay ni fa’an gimed ra rin’ e re bugithin ni ba’aray:

1 Kings 18:12

Fa’anra gu wan me yib SOMOL nge fekem ngabang ndariy be’ ni manang, me di’in? Fa gu wan gog ngak Ahab ni ga bay u roy me yib ma de piri’egem, ma nge thang e pogofan rog. Dab mpag talin ni ug par ni bay madgun SOMOL u wun’ug ma gub yul’yul’ ngak ni ka nap’an ni gub bitir ke mada’ ko chiney.

Nehemiah 5:15

Gubin e pi’in ur governor gad ni yad ba m’on rog e ur tomal niged e girdi’, ya ur feked e ggan nge wayin ko girdi’ ma yad be yog nra reb e rran ma nge pi’ e girdi’ aningeg i ragag e silber ni salpiy. Mus ngak e pi tagpigpig rorad mu’ur gafgow niged e girdi’. Machane gag e ba thil e ngongol rog, ni bochan e ug tayfan Got.

Psalms 10:5

Pi’in kireb e ma fel’ rograd ko tin yad ma ngongliy. Ya dar nanged fan rogon e pufthin rok Got; ma mad ma girig ko pi to’ogor rorad.

Psalms 111:10

Dogwen SOMOL e ireram tabolngin e gonop; gubin e pi’in ma folwok rok e ra pi’ e tamilangan’ ngorad. Ir e ngan pining e sorok ngak ni dariy n’umngin nap’an.

Psalms 115:13

Bayi fal’eg wa’athan urngin e pi’in bay madgun u wun’rad, ni ta’reb rogon e pi’in tolang nge pi’in sobut’.

Psalms 119:1

Nge felan’ e pi’in yad ma par ndariy thibngirad, ni pi’in yad ma fol ko motochiyel rok SOMOL.

Psalms 119:106

Bay gu tay nga tagil’ e tin ku gu micheg ni ngu’ug fol ko pi fonow rom nrib mat’aw.

Psalms 119:111

Pi motochiyel rom e fanag ndariy n’umngin nap’an, nma pi’ e felfelan’ ngalan gumircha’eg.

Psalms 119:142

Rogon ni ga ba mat’aw e bayi par ndariy n’umngin nap’an, ma motochiyel rom e gubin ngiyal’ nib riyul’!

Psalms 119:39

Mu ayuwegneg ko thin ni kireb ni gu ma rus ngay; rib fel’ e pin’en ni ka mu tiriggiliy.

Psalms 119:62

Ra lukngun e nep’ mu gu od nggu pining e sorok ngom nga feni mat’aw rogon e pi tiriggil rom.

Psalms 119:7

Gu ra fil e tin kam turguy nib mat’aw, ma bay gu pining e sorok ngom u lanin’ug nib machalbog.

Psalms 119:75

SOMOL, gumnang ni tiriggil rom e go’ bmat’aw, ma ka mu gechig nigeg ni bochan e ga ba yul’yul’.

Psalms 12:7

Pi’in kireb e leam rorad e yad bay u gubin yang, ma gubin e girdi’ nma uf ko n’en nib kireb. A SOMOL, mu ayuwegmad, u pa’ e miti girdi’ nem.

Psalms 147:19

Ma pi’ e thin rok ngak e girdi’ rok, ni pi fanow nge motochiyel rok ngak yu Israel.

Psalms 36:1

Denen e ma non nib toy’ar u fithik’ i laniyan’ be’ nib kireb; be’ nike faluwes nag Got ma dariy doguwen u wan’.

Psalms 36:6

Fanam yal’uw e bod fini tolang e burey; ma fenam mat’aw e bod feni to’ar e rigur. Gur e ga ma chothowliy e girdi’ nge gamanman.

Exodus 21:1

“Mu pi’ e pi motochiyel ni ba’aray ngak piyu Israel:

Proverbs 8:13

Ra ngan par ni bay madgun SOMOL u wun’uy, ma aram e nga ni fanenikay e tin kireb; dabug e ufanthin nge tolngan’, nge ngongol nib kireb nge thin ni yima yog nde riyul’.

Isaiah 26:8

Gamad be falwok u lanin’um ma gur e lagan’ romad; i gur e gubin tabon lanin’mad.

Isaiah 45:19

Dagur mith’ag e thin rog, ara tin gu be rin’. Da gu leamnag ni nge gayeg yu Israel u bang nib wagagey urngin ban’en riy. I Gag e SOMOL, ma tin riyul’ e gu be yog; tin nib mat’aw e gu ma gagiyegnag ngan nang.”

Acts 10:22

Me lungurad, “I kapten Kornelius e ke l’oegmad. I ir be’ ni bfel’ nma meybil ngak Got mma tay urngin e girdi’ nu Israel fan. Keyog ba engel rok Got ngak ni nge non ngom ngam man nga tabinaw rok, nge yag ni rung’ag e tin bay ni ngamog ngak.”

Roma 11:22

Ren’ey e be dag ngodad feni gol Got nge feni gel e thin rok. Ba gel e thin rok ngak e pi’in kar mulgad, machane ba gol ngom — ni fa’anra um par u fithik’ e gol rok; ma fa’anra dab mu par, ma ku errogon gur ni bayi t’arem nge n’igem.

Roma 2:2

Gadad manang nib mat’aw Got ni fa’anra turguy e gechig rok e pi’in yad be ngongliy e pin’ey.

Deuteronomy 4:8

Dariy reb e nam u bang nib sorok ni bay e motochiyel rok ni bod feni yal’uw e tiney e motochiyel ni kug fil ngomed e daba’.

Revelation 15:3

ni yad be yin’ fare tang rok Moses, ni ir fare tapigpig rok Got, nge fare tang rok fare Fak e Saf, ni ga’ar: “Somol ni Got, ni Gubin ma Rayag Rok, rib sorom ngarogon feni fel’ e ngongol rom! Me gur e Pilung rok gubin e nam, rib mat’aw ma ba riyul’ e tirom e kanawo’!

Revelation 16:7

Mu gu rung’ag ba lam ni yib u altar ni be ga’ar, “Somol ni Got, ni Gubin ma Rayag Rok! Rib riyul’ ma rib mat’aw e gechig ni kam pi’!”

Revelation 19:2

Ba riyul’ ma bmat’aw e gechig nma turguy! Ya ke gechignag fare pin nib gilbuguwan nma pi’ ir ni chuway’ ni i kirebnag e fayleng nga ngongolen e darngal ni i rin’. I Got e ke gechignag ni bochan e li’ e pi tapigpig rok ngarm’ad.”

1 Samuel 12:24

Um pired ni bay madgun SOMOL u wun’med mu um rin’ed e tin ba m’agan’ ngay u polo’ i lanin’med ngu fithik’ e yul’yul’. Um leam niged fapi maang’ang nike rin’ ni fan ngomed.