Psalms 19:5 - Bible Ni Thothup

⁵ ma yib nga wean ni kadbul ni bod be’ nib mo’on ni nge mabgol nib felfelan’, bod ba girdi’en e gosgos nib pasigan’ ngay ni nge un ko sagreng.

Psalms 19:5 Iomraidhean Croise

BABYOR NI JOB 38:13

Ka’a yugu mu non me puf e woch nga daken e fayleng nge rur e pi’in kireb ko yungi n’en ni yad be mith riy?

Eklesiastes 1:5

Yal’ e ka be yib ngalang, ma ku be yani ling nga but’, ni ku be gur i yan ko gin ni tabab riy.

Isaiah 61:10

Jerusalem e be felfelan’ ni bochan e n’en ke rin SOMOL. Ir e bod be’ ni bpin nike chuw nga madan e m’agpa’. Rogon nike yib Got i ayuweg ke mat’awnag ngak e bod ba mad nike yin’ Got nga daken e re pin nem!

Isaiah 62:5

Bod rogon be’ nib pagel ni fek ba rugod ni dawori nang e pumo’on nge le’engiy, Cha’ ni chamiyem e ra figirngiyem. Bod ba pumo’on nma felfelan’ nga le’engin, e aram rogon e Got rom nra felan’ ngom.

John 3:29

Re mo’on ni nge mabgol e aram e cha’ nib mil suwon ngak e re pin ni nge le’ay; ma re mo’on ni fager rok fare mo’on ni ir e nge mabgol e ba sak’iy u to’oben ni be motoyil, mra rung’ag laman fare mo’on ni nge mabgol me felfelan’. Ireray rogon e felfelan’ rog nike yan i aw ngarogon.