Psalms 19:12 - Bible Ni Thothup

¹² Dariy be’ nrayag ni nge guy e kireb rok; SOMOL, mu chuwegeg u fithik’ e kireb rog nib mith.

Psalms 19:12 Iomraidhean Croise

BABYOR NI JOB 6:24

Are kefel’, mu fonow nigedgag; mu weliyed thibnging ngog. Bay guthab’ gulngag nggu motoyil ngomed.

Psalms 139:2

Ga manang urngin e tin ni gu ma rin’; ra mpar u urel ma ba tamilangan’um u urngin e tin ni gu be leamnag.

Psalms 139:6

Rogon nib tamilangan’um rog e dabiyag ni nge taw lanin’ug ngay; kayigi to’ar u puluwog ndabiyag ni nge tamilangan’ug riy.

Psalms 40:12

Kug par nga fithik’ e oloboch ni pire’, ndabkiyag i the’eg! Denen rog e ke ingeg, da ku gur guy ban’en; ke pire’ nga piyan lolugeg, ma kug par nike mulan’ug.

Psalms 51:2

Mmaluk nigeg nge chuw urngin e kireb rog, ma ga chuweg e denen rog nggu machalbog!

Psalms 65:3

ni bochan e denen rorad. Pi kireb romad e ke gel ngomad, machane ka mu n’ag farad.

Psalms 90:8

Kam tay e denen romad nga p’eowchem, pi denen romad nib mith e ka mu tay ko gin ga ra guy riy.

Exodus 24:12

Me ga’ar SOMOL ngak Moses, “Moy ngog nga daken e burey ngam par u roy. Ya nggu pi’ ngom fa gal yang i malang ni kug yoloy ni bay fapi motochiyel riy nge tin ngan rin’, ni kug yoloy ni nge fonownag e girdi’ nu Israel.”

Proverbs 13:13

Fa’an ga ra siyeg e fonow ni bfel’, ma aram e ga be gay e oloboch; mu fol riy ma dabi buch ban’en rom.

Isaiah 64:6

Gamad gubin ni gamad ba tadenen, ni mus ko tin th’abi fel’ e ngongol romad nrib alit. Bochan e denen romad, ma gamad bod yuwan e gek’iy nike mororoy ke yib e nifeng i changegnag.

Jeremiah 17:9

“Mini’ e rayag ni nge nangfan lanyan’ e girdi’? Dakriy yug reb e ban’en ni aram feni sasaliyab; ke pag rogon feni m’ar ni dabki gol.

1 Korinth 4:4

Dariy ban’en nib kireb ni be yib i magawonnag lanin’ug, machane gathi ir e kemang mich riy nri gub yal’uw. I Somol e ir e bay pufthin nigeg.

Deuteronomy 5:29

Mang e yigi i par lanin’rad ni arrogon ni gubin ngiyal’! Mang e yigi par madgug u wun’rad ni gubin ngiyal’ miyad be fol u gubin e tin kugog ngorad ni ngar rin’ed, nge yag ni ur pired nge pi’in owcharad ni bfel’ rogorad ndariy n’umngin nap’an.

Deuteronomy 5:32

“Girdi’ nu Israel, rnopa’med ni ngu’um rin’ed urngin e tin ke tay SOMOL ni Got romed chiylen ngomed. Dab mu paged ta’reb e pi motochiyel rok ndab mu folgad riy.

Hebrews 9:7

machane kemus ni Prist ni Th’abi Ga’ e be yan ngalan e bin tomur e senggil ko tent, nma rin’ ni aram rogon nra reb e duw ma ta’ab yay. Ma fek e racha’ nge yan i pi’ ngak Got ni fan ko denen rok nge fan ko denen nike ngongliy e girdi’ ndar nanged ni yad be denen.

1 John 1:7

Machane fa’anra ud pired u fithik’ e tamilang — ni bod ir ni bay u fithik’ e tamilang — ma aram e kad ta’ab girdi’gad nike ta’reban’dad, ma racha’en Jesus ni Fak e ir e be be’ech nagdad u urngin e denen rodad.