Psalms 18:15 - Bible Ni Thothup

¹⁵ T’ay e regur e ke m’ug, ma pi enggin e fayleng e ke chuw e upong u daken, u nap’an e mu puwan’ ko pi to’ogor rom, SOMOL, ma ga tolul ngorad u fithik’ e damumuw.

Psalms 18:15 Iomraidhean Croise

2 Samuel 22:16

Me m’ug t’ay e regur, me chuw e upong u daken e pi def ko fayleng nap’an nra puwan’ SOMOL ngak e pi to’ogor rok me non ngorad ni ba ga’ laman u fithik’ e damumuw.

2 Kings 19:7

I SOMOL e bayi gagiyegnag e pilung nu Assyria nge rung’ag bbugithin ni be weliy e girdi’, ma aram e re bugithin ni bayi gagiyegnag nge sul ko nam rok, mi SOMOL e bayi gagiyegnag ngan thang e pogofan rok u rom.’”

BABYOR NI JOB 36:32

Ma kol e uluch ngalan pa’ me yog ngak e gin nge aw ngay.

BABYOR NI JOB 4:9

Ke kireb nagrad Got u fithik’ e damumuw rok ni bod ba yoko’.

Psalms 104:5

Fayleng e kam tay nga daken e def riy nri be par nib mudugil, ni dabiyag ni nge mithmith.

Psalms 106:9

I non ko day ni Red Sea, me mlik’; me pow’iy e girdi’ rok ngar th’abed nga barba’ u daken e but’ nib mlik’.

Psalms 144:6

Mu mateg e uluch nge wereg e to’ogor rom; mu pag e pi gan e gat’ing rom ngar milgad.

Psalms 74:15

Kam tay e pi alublub nge pi athang’el ngi i map’; ma kam mliknag lan e pi lul’ ni gagang’.

Psalms 76:6

A Got rok Jakob, nap’an ni mu puwan’ ngorad, me aw e os nge pi’in nma yan u os nga but’ ni karm’ad.

Psalms 77:18

Lingan e dirra’ rom e malay nga but’, ma ram’en e uluch ni be matmat e gal’ e fayleng; me t’on nge rur e fayleng.

Psalms 92:10

Ka mu gel nigeg kug bod feni gel ba garbaw ni malboch; ma ka mu tow’ath nigeg ko felfelan’.

Exodus 15:8

Mu thoy daken e day me mu’ulung nga ta’bang nib tolang ngalang; nge par nib k’iy ngalang ni bod bangi rungrung; gin th’abi to’ar ko fa gi day e el nge par.

Isaiah 11:4

ra pithig e oloboch rok e pi’in gafgow nrogon nib mat’aw me n’ufeg mat’wun e pi’in dariy ban’en nrayag rorad. Yug ra pag lungun min gechignag e pi nam, me yim’ e pi’in kireb.

Isaiah 30:33

Kakrom e ni fal’eg rogon bangi tagil e nifiy ni ngan urfiy e emperor nu Assyria riy. Gin’em e ba to’ar ma ba ga’ radan, ma ka ni ubung e l’ud riy ngalang. Ma SOMOL e bayi pogofannag ba yil’ i daramram nge aw e nifiy ngay.

Jeremiah 31:37

Fa’an mang e bay reb e rran nrayag ni ngan foleg lanelang, mi ni lekag e pi def u enggin e fayleng, ma aram e rofen nra n’ag e girdi’ nu Israel ni bochan urngin e tin kar rin’ed. I SOMOL e keyog e pi thin ney.

Jonah 2:6

Gu wan nga’ar nggu mada’ nga enggin fapi burey; ngalan fa re binaw ni yug ma par e garog riy nib man’ ndariy n’umngin nap’an; machane gur SOMOL ni Got rog e kam fulwegneg u ar nda gum’!

Mikah 6:2

Gimed e pi burey, gimed e pi def ni manemus nni toy e fayleng nga kaken, mu telmed ko tin nge yog SOMOL! I SOMOL e bay e aloboch u thilrad e girdi’ rok. Nge weliy e tin ke daliban’ ngay nib togopluw ngak piyu Israel.

Zekariah 9:14

I SOMOL e bay yib i m’ug u puluwon e girdi’ rok ngalang; me yin’ gan e gat’ing rok ni bod e uluch ni mat. I SOMOL ni Th’abi Tolang e bayi thoy e rappa; bayi yib u lan e yimuch u fithik’ e yoko’.

1 Samuel 7:10

Nap’an ni be pi’ Samuel fare maligach, ma ke chugur e pi Filistine ngak piyu Israel ni aram e ngar chamgad ngorad; ka chingiyal’ nem me non SOMOL u tharmiy nib togopluw ko pi Filistine ni bod e dirra’ ni be chub. Miyad balyang ngar milgad ni kar rusgad.