Psalms 17:7 - Bible Ni Thothup

⁷ Mu dag fel’ngin e t’ufeg rom ma ga yororiyeg; ra gu bay u chirem ma dariy ban’en nrayag ni rin’ e to’ogor rog ngog.

Psalms 17:7 Iomraidhean Croise

2 Kings 19:22

Ga be leamnag me mini’ e ga be yog e thin nib kireb ngak ma ga be minmin ngak? Kam darifan nigeg, i gag fare Got ni thothup rok yu Israel.

2 Kings 19:34

Bay gu yororiy e re binaw ney mu gu ayuweg u pa’ fare pilung nu Assyria, ni nggu rin’ ni bochan bugwag nge bochan e thin ni kug micheg ngak e tapigpig rog i David.’”

2 Kronicles 16:9

I SOMOL e ma fal’eg i yaliy e re fayleng ney ni ga’ngin, ni nge pi’ gelngin e pi’in yad ba yul’yul’ ngak u gumircha’rad. Gab balyang ko tin ka mu rin’, ere bay um par u fithik’ e mael e chiney i yan e ngaram.”

Psalms 20:6

Ku gu nang e chiney ni SOMOL e ma gelnag e en ir e turguy ni nge pilung; ma fulweg taban e meybil rok u tharmiy ni tafen nib thothup, ma gelngin nib gel e i galnag ko pi mael.

Psalms 31:21

Ngan pining e sorok ngak SOMOL! Ya rib th’ab feni fel’ rogon ni be dag e t’ufeg rok ngog u nap’an nni cholongbiyeg ni ngan og ngog!

Psalms 31:22

Gu rus mu gu leamnag nike chuwegeg u p’eowchen. Machane me rung’ag e meyor rog nnap’an ni gu pining ni nge ayuw.

Psalms 44:3

Pi girdi’ rom e dar gelgad ko fare nam ni bochan e saydon rorad; ma ku gathi gelngirad e ra gelgad riy; ya ra gelgad u daken gelngim nge fenam gel, ya ga bay rorad, ni aram e be dag ni yad ba t’uf rom.

Psalms 60:5

Mu aywegmad nga gelngim; mu fulweg taban e meybil romad, ya nge dabi buch ban’en rok e pi’in yad ba t’uf rom.

Psalms 78:12

I rin’ Got fapi maang’ang u p’eowchen e pi chitamangirad u lan e tafelfel’ u Zoan ko nam nu Egypt.

Exodus 15:6

“SOMOL, ba’ ni mat’aw i pa’am e rib th’ab feni gel; ke tet’ar e pi to’ogor kar yochyanggad.

Isaiah 41:10

Dab mu tamdag, ya gu bay rom. I Gag e Got rom, dariy ban’en ni nga mu rus ngay. Bay gu gel nigem mu gu ayuwegnem; bay gu yoror rom mu gu ayuwegnem nga pa’ag nib gel.

Acts 2:33

Kan faseg ke yan i par nga ba’ ni mat’aw rok Got ma ke pi’ Got fare Kan Nthothup ngak, ni bod rogon ni yog e Chitamngin; ma n’en ni gimed be guy e chiney ma gimed be rung’ag e tow’ath rok nike pu’og nga dakenmad.

Revelation 15:3

ni yad be yin’ fare tang rok Moses, ni ir fare tapigpig rok Got, nge fare tang rok fare Fak e Saf, ni ga’ar: “Somol ni Got, ni Gubin ma Rayag Rok, rib sorom ngarogon feni fel’ e ngongol rom! Me gur e Pilung rok gubin e nam, rib mat’aw ma ba riyul’ e tirom e kanawo’!