Psalms 16:3 - Bible Ni Thothup

³ Rib fel’ pi girdi’en SOMOL ni yad ba yul’yul’! Kargum’ ni bochan ni nggu un ngorad.

Psalms 16:3 Iomraidhean Croise

2 Kronicles 6:41

SOMOL ni Got, mu sak’iy e chiney, ngam un ko fare Kahol ko M’ag, ni aram e pow u gelngim ngam man ngalan e Tempel ngam par u roy ndariy n’umngin nap’an. Mu fal’eg wa’athan e pi prist rom ko gubin e tin yad be rin’, mang e yigi felfelan’ gubin e girdi’ rom ni bochan e ri gab manigil ngorad.

Psalms 101:6

Bayi fel’ u wun’ug e pi’in yad ba yul’yul’ ngak Got ma bay gu pagrad ngar pired rog u tafen e pilung. Pi’in nri yad ba yul’yul’ e ni pagrad ngar pigpiggad ngog.

Psalms 116:15

Rib amith u wan’ SOMOL, nra yim’ reb e girdi’ rok!

Psalms 119:63

I gag e fager rok urngin e pi’in yad ma pigpig ngom, ni gubin e pi’in yad ma fol ko pi motochiyel rom.

Psalms 122:8

Bochan e girdi’ rog nge pi tafager rog me lungug ngak Jerusalem, “Nge yib e gapas ngom!”

Psalms 30:4

Ngan tangnag e sorok ngak SOMOL, gimed gubin e girdi’ rog nib yul’yul’ ngak! Mu ted u wan’med e n’en ke rin’ e En nib Thothup, migimed pining e magaer ngak!

Proverbs 12:26

Be’ nib mat’aw e ba powo’ ko fager rok, machane kanawo’ rok e en nib kireb e be waliyrad nga wuru’ e wo’.

Proverbs 13:20

Mu pachegem ngak e pi’in yad ba gonop me yag e gonop ngom. Fa’an ga ra m’agem ngak e girdi’ ni pinat, ma gur e ga ra gafgow.

Proverbs 8:31

ni gub felfelan’ ko fayleng ma bfel’ u wun’ug e girdi’ ni bay riy.

Tang Ko Pitang 7:10

Bmilfag ko en ni gamareg, ma beyim’ ni bochag.

Isaiah 62:4

Dakuriy e ngiyal’ ni yira pining ngachalem ni “Kan n’ag,” fa ni pining fithingan e nam rom ni “Fa En ni le’engiy ni Kan Tharbeg.” Bin ni be’ech e ngachal rom e ba’aray “Got e ba fel’uwan’ fare Pin.” Nam rom e bay ni pining ni “Felfelan’ ko Mabgol Rok,” ni bochan e SOMOL e gab fel’uwan’ ma bayi par ni bod nike figirngiy e nam rom.

Malaki 3:17

Be ga’ar SOMOL ni Gubin ma Rayag Rok, “Bay ra manged e tirog e girdi’ ko chirofen ni bay gu maruwel, ma bay ra pired ni kari mil suwrad ngog. Bay gu runguyrad ni bod e gal labthir ni yow ma runguy pifakrow ni yad be pigpig ngorow.

Acts 9:13

Me fulweg Ananias ni ga’ar, “Somol, bo’or e girdi’ ni karogned ngog murung’agen e re mo’on nem, ni murung’agen urngin e kireb nike rin’ ngak e tirom e girdi’ u lan yu Jerusalem.

Galatia 6:10

Ere urngin ngiyal’ nra puf rogodad ma ngad ngongliyed e ngongol ni bfel’ ngak urngin e girdi’, machane nge ga’ fadad ngak e pi’in kad manged girdi’en e tabinaw rok Got u fithik’ e mich u wun’uy ngak Kristus.

Efesus 1:1

Re babyor ney e yib rok Paul, ni Got e leamnag nge mang reb e apostel rok Kristus Jesus — Ngak girdi’en Got ni yad ma par u Efesus, ni pi’in nib yul’yul’ e ngongol rorad u fithik’ Kristus Jesus:

Titus 3:8

Re thin ney e ba riyul’. Gub adag ni ngar mu tamilangnag e girdi’ ko yu bugithin ney, ni fan e pi’in nib mich Got u wun’rad e ngar tiyan’rad ngar ngongliyed e ngongol ni bfel’. Ya tiney e bfel’ ma ba ga’ fan ngak e girdi’.

Hebrews 6:10

Yi Got e gathi ba laniyan’. Gathi bayi pag talin e maruwel ni kam ngongliyed, ara rogon nib t’uf romed ni kam daged ni bochan e ayuw ni kam pi’ed ma kigimed be pi’ ngak e pi’in ni gimed ni girdi’en Kristus.