Psalms 16:2 - Bible Ni Thothup

² Be lungug ngak SOMOL, “I gur e Somol rog; urngin e pin’en ni bfel’ ni bay rog e gur e yib rom.”

Psalms 16:2 Iomraidhean Croise

Psalms 27:8

Ke lungum, “Moy ngog.” Ere bay gub ngom, SOMOL;

Psalms 31:14

Machane ba pagan’ug ngom, A SOMOL; gur e Got rog.

Psalms 73:25

Ku ba mang ban’en ni bay rog u tharmiy ya kemus ni gur? Fa’anra ga bay rog, ma mang e ren’en ni ku gu ra adag u fayleng?

Psalms 8:1

A SOMOL, ni gur e SOMOL romad, rogon feni gilbugwam e ka ni guy u gubin yang u fayleng! Rogon feni sorom e ke yan ke pag e yu thal i tharmiy ngalang;

Psalms 89:26

Bayi ga’ar ngog, ‘I gur e chitamag nge Got rog; gur e yoror nge ta’ayuw rog.’

Psalms 91:2

e rayag ni ga’ar ngak, “I gur e manaf rog nge yoror rog! I gur e Got rog; ni gur e bpagan’ug ngom.”

Isaiah 26:13

SOMOL ni Got romad, yug boch e got e ki i gagiyeg nagmad, machane ri ma’agrag gur e SOMOL romad.

Isaiah 44:5

“Tata’a be’ ni bayi ra be’ me ga’ar, ‘I gag girdi’en SOMOL.’ Bay rabad ni ngar uned ngak e girdi’ nu Israel. Ra be’ ma bayi yoloy fithingan SOMOL nga daken pa’, me yog ni ir reb e girdi’ rok Got.”

Zekariah 13:9

Bay gu sikengnag e tin kar mageygad, ma bay gu be’ech nagrad ni bod e silber ni yima be’ech nag ko nifiy. Bay gu sikeng nagrad ni bod ni yima sikengnag e gol. Ma aram e bay ra meybilgad ngog, mug fulweg taban e meybil rorad. Bay gog ngorad ni yad pi girdi’eg, ma bay roged ni Gag e Got rorad.”

Luke 17:10

Ere ku er rogomed, fa’anra mmu’gad i rin’ e tin kanog ngomed ni ngam rin’ed ma nge lungumed, ‘Gamad bogi tapigpig; ni kemus ni maruwel romad e kug ngongliyed.’ ”

John 20:28

Me fulweg Thomas ngak ni ga’ar, “Somol rog nge Got rog!”

Roma 11:35

Mini’ e ka’a pi’ ban’en ngak Somol ni nge fulweg Somol puluwon ngak?