Psalms 150:5 - Bible Ni Thothup

⁵ Ngu’un chubeg e yu raba’ i kobre’ ni yima chubeg ko musik ni aram e yibe pining e sorok ngak! Ngu’un chubeg e yu raba’ i kobre’ ni ba ga’ lingan ni yibe chubeg ko musik ni aram e yibe pining e sorok ngak!

Psalms 150:5 Iomraidhean Croise

2 Samuel 6:5

Mi David nge urngin piyu Israel e yad be churu’ ma yad be tang ni kemus rogorad ni aram e yad be tay fan SOMOL, ni yad be chubeg tatalin e musik ni harp, nge lyre, nge drum, nge kastanet, nge cymbal.

1 Kronicles 13:8

nnap’an ni be churu’ David nge urngin fapi girdi’ ni karimus rograd ko liyor ni yad be tay ngak Got. Yad be tang ma yad be chubeg talin e musik ni harp, drum, cymbal, nge rappa’.

1 Kronicles 15:16

Me yog David ngak fapi ga’ ko Levi ni ngrogned ngak boch e Levite ni ngar tanggad ma yad be chubeg e musik nib felfelan’ lingan ko harp nge cymbal.

1 Kronicles 15:28

Ma aram e urngin e girdi’ nu Israel ma ra’uned ko fare Kahol ko M’ag nga talang u Jerusalem ni yad be tolulnag e felfelan’, ma be yan lingan e rappa’, yabul, nge cymbal, nge harp.

1 Kronicles 16:5

Min duwgiliy Asaf ni ir e ngi i gagiyeg me Zekariah e ta’ayuw rok. Me Jeyel, Shemiramoth, Jehiel, Mattithiah, Eliab, Benayah, Obed Edom, nge Jeyel e ngar musikgad ko harp. Asaf e nge musik ko cymbal,

1 Kronicles 25:1

David ni Pilung nge pi’in yad ma yog e thin rok e pi Levite e ra mel’eged e yuke girdi’ ni ba’aray ko Levi ni ngar gagiyeg niged rogon gam’ingin e liyor: Asaf, Heman, nge Jeduthun. Yad e ngar wereged e thin rok Got, nib mu’un e musik ko harp nge cymbal ngay. Irera’ babyoren e pi girdi’ nmel’eg ni nge gafaliy fare liyor, nib mu’un ngay mmit i pigpig u reb e ulung:

1 Kronicles 25:6

Gubin e pi pagel ni fak ney e go’ yad ma musik ko cymbal nge harp ni ir ni chitamngrad e ma pow’iyrad, u yagagen e liyor u Tempel. Me Asaf, Jeduthun, nge Heman e yad bay u tan lungun e en pilung.