Psalms 15:3 - Bible Ni Thothup

³ ma darir t’ared e thin nga daken e girdi’. Pichaney e darir rin’ed ban’en ni ba kireb ko pi fager rorad, ma darir thibthib niged e pi’in yad bbuguliyoror.

Psalms 15:3 Iomraidhean Croise

Proverbs 22:10

Mu tuluf e en nib ufanthin, ma aram e ra tal e tugthin, toto’gor, nge yaba’.

Proverbs 25:3

Dabyag ni ngam nang e n’en nma tafinaynag ba pilung; ya leam rok e dabi taw e leam rodad ngay, bod feni tolang lanelang ara feni to’ar lan e regur.

Isaiah 56:2

Gu ra fal’eg wa’athan e pi’in yad ma tay fan e Sabbath ni darir m’ay niged fan. Bay gu fal’eg wa’athan e pi’in darir rin’ed ban’en nib kireb.”

Levitikus 19:16

Dab mu tunguyed e thin ni murung’agen be’ ngu’um weliyed, ma fa’anra yibe pithig e oloboch rok be’ nra yan e pogofan rok ngay ma ngam nonod ni fa’anra tin ngam micheged e rayag ni nge ayuweg fa’anem. I Gag e SOMOL.

Matthew 7:12

“Ere mu rin’ed ngak e girdi’ e tin ni gimed ba’adag ni ngar rin’ed ngomed; ireray fan fapi Motochiyel rok Moses nge tin i fil e pi profet ngak e girdi’.

Roma 1:30

ma yad be thibthibnag e girdi’; ma yad e to’ogor rok Got, ma ba kireb e thin rorad, ma yad ba tolngan’, ma yad ba ufanthin; ma yad ma leamnag bo’or e kanawo’ ni ngar ngongliyed e kireb riy; ma darir folgad rok e gallibthir rorad;

Roma 12:17

Fa’anra rin’ be’ ban’en nib kireb ngomed, ma dab mu sulweged taban ngak nib kireb. Mu guyed rogon ngam rin’ed e tin nma finey urngin e girdi’ ni ir e bfel’.

Roma 13:10

En nib t’uf rok e en nib migid ngak e ri dabiyag ni nge rin’ ban’en nib kireb ngak. Ra t’uf e girdi’ rodad, ma aram e kad folgad ko fare Motochiyel ni polo’.

Titus 3:2

Mog ngorad ndab ra t’ared e thin nga daken be’, machane ngar pired ni bfel’ thilrad e girdi’ ma bfel’ owcherad nge thin rorad ngak e girdi’, ma gubin ngiyal’ ni ngar sumunguygad ngak urngin e girdi’.

James 4:11

Pi walageg ni girdi’en Kristus, dab um weliyed ban’en nib togopluw ngak bigimed. En nra weliy ban’en nib togopluw ngak be’ ni walagen ni girdi’en Kristus ara thibthibnag e aram e ke welthin nib togopluw ko fare Motochiyel ma ke thibthibnag e re Motochiyel nem. Fa’anra mu thibthibnag e re Motochiyel nem, ma aram e gathi ka gur be’ ni ga be fol ko re Motochiyel nem, machane gur be’ ni ga be thibthibnag.

3 John 1:11

Fager rog ni gab t’uf rog, dab mu folwok ko tin nib kireb, machane ngam folwok ko tin ni bfel’. En nma rin’ e tin ni bfel’ e ir reb i girdi’en Got; ma en nma rin’ e kireb e dawori guy Got.

1 Samuel 24:11

Chitamag, mu sap ngabang e mad rom ni ba’aray u pa’ag! Gu th’ab nggu fek machane da gu li’em nga mum’. Re gi mad ney e susun e nge micheg nga lanin’um ndagur finey ni nggu togopluw ngom fa gu thang e fan rom’, yugu aray rogon ni ga be gayeg ni ngam thang e pogofan rog, ndariy ban’en nib kireb ni kug rin’ ngom.